Економија
Сојузот на стопанските комори со предлог мерки до Владата
Македонските стопанственици предупредуваат дека домашното стопанство треба да биде стимулирано, затоа што тоа не останува недопрено од последиците на глобалната финасиска криза
Сојузот на стопански комори на Македонија до вицепремиерот за економски прашања, Зоран Ставревски пред една седмица испратија предлог со мерки, кои треба да доведат од олеснување на условите за стопанисување. Во вторникот, претседателот на ССКМ, Златко Калеников повторно со писмо се обрати до Старвевски, овојпат со предлог кој содржи мерки кои според нив Владата би требало да ги има предвид при носењето на ребалансот на Буџетот. Овие предлози, како што се вели во дописот од ССКМ, доаѓаат иако претпријатијата ги намалиле трошоците во сите сектори а со кои не влијаат врз намалување на прометот, како што се маркетингот, инвестициите кои на кус рок не носта профит итн. Овајпат, стопанствениците од Владата бараат замрзнување на плати во јавната администарција, со образложение дека со проекцијата на Буџетот за 2009 г., е предвиден одреден процент на зголемување на платите. Притоа, се прави споредба со состојбата во соседните држави, каде се замрзнати а некади и намалени. Втората мерка што ја препорачува ССКМ, е намалувањето на расходи на државата, со препорака да се намалат вложувањата во објекти и недвижности а кои се од значење за равојот на културата и на општеството да бидат намалени и да се направи прераспределба на средствата за повеќе години. Тоа се појаснива со примерот дека доколку една ваква инвестиција е веќе започната, анместо да биде финасикси поддржана од буџетот за две годи, тој рок да биде пролонгиран на три.Се предлага и намалување на трошоците за рекламирање, и на сервисирање на авто-парковите на државните институции, а да се преземе стимулативна мерка возните паркови да се обновуваат преку оперативнен лизинг. Со оваа мерка се укинуваат трошоците за сервисирање на возилата на државната администарција, а со отуѓување на старите возила се обезбедува покритите за двегодишни рати за оперативниот лизинг.Од Сојузот на коморите, сметаат дека треба да се стимулира изградба на објекти кои продуцираат капитал. Притоа како позитивен пример на активностите на Владата ја наведуваат инвестицијата на турскиот стакларски гигант „Шише Џам“ , што дирекно ќе влијае на намалување на трговскиот дефицит на државата со производство на стаклена амбалажа за доамшните производствени потреби, како на пример за „Прилепска пивара“, „Лозар Пелистерка“, „Горска ит.Следни вакви чекори, според Калеников би биле стимулирање на инвестиции на производствени капацитети за млеко во прав, конзервна индустрија, сушени зеленчук и овошје, стимулирање за обновување на возниот парк на транспортерите, за да не ја губат работата во меѓународен транспорт поради застарени еколошки норми итн.ССКМ потенцира дека сугестијата за намалување на буџетските расходи не се однесува на инфраструктурни проекти како што се патишта, инвестиции во енергетика, а инфраструктурните проекти што повеќе да се реализираат со македонски компании.Стопанствениците сметаат дека државата треба да се задолжи кај странски кредитори и фондови каде парите ќе ги добие на среднорочен и долгорочен рок со пониски каматни стапки, наместо на домашен пазар со високи каматни стапки за државни записи. „Од наше долгорочно искуство ММФ како печат на државата во минатото неповолно влијаеше кај странските инвеститори и развојот на економијата во државата. Сепак економските стручњаци тврдат, дека по завршување на економскиот самит Г20 во Лондон, ММФ добил наменети средства за помош на државите во развој и е преструктуиран во својата политика за доделување на истите. “, велат од ССКМ. Една од конкртните мерки што се предлагаат во овие предлози, е и усогласување на фискалната и монетарната политика на Народна банка, бидејќи фамата околу записите на Народна банка и државните записи влијае врз банките во подигање на каматните стапки на кредитите кон стопанството и широката потрошувачка.“, се наведува во предлогот на ССКМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.