Економија
Синдикатите бараат задолжителен К-15
Сојузот на синдикатите на Македонија исплатата на регресот за годишен одмор ќе го бараат преку општите колективни договори, независно од тоа што се јавија дилеми дали исплатата на К-15 е предвидено во Законот за работни односи или не.
„Не може за едни да има а за други да нема исплата на регрес за годишен одмор или попозната како (К-15)“, изјави денеска Милан Живковиќ, портпарол на ССМ.Во изминативе четири години К-15 и новогодишни надоместоци земаат само дел од работниците од јавните сектор. Паричната висина на К-15 се движи од 10 до 13 илјади денари.Синдикатот денеска остро реагираше на неодамнешните изјави на министерот за труд и социјална политика Џељал Бајрами дека работниците воопшто не треба да чекаат исплата на К-15, бидејќи законот е укинат уште од 2005 година.„Ние најостро реагираме на тоа дека нема законска основа за исплата на овој паричен надоместок. Уште еднаш го потсетуваме Министерството дека со „Лекс Специјалис“ или со колективните договори можат да се утврдат правата за работниците од оние кои се пропишани во законот за работни односи“, рече Живковиќ.Расправата за исплата на К-15 почна откако дел медиуми објавија дека исплатата на регресот за годишен одмор е задолжителен и дека одредени книговодствени консалтинг друштва на своите семинари советувале исплата на К-15. По ова Бајрами излезе со изјава дека надомест на трошоци за годишен одмор не е утврдено со Законот за работни односи. Министерот Бајрами посочи оти во Законот за работни односи стои дека задолжителна е исплата на надоместок за службено патување, теренски додаток, користење приватен автомобил за службени патувања, одвоен живот од семејството, смрт на работникот, отпремнина при одење во пензија и јубилејни награди, а дека работодавачот може на свој трошок на вработените да им организира превоз до и од работното место и исхрана за време на работа.„Според став 3 на членот 113 со колективен договор може да се утврди само висината, основицата и рокот за пресметување и исплата на надоместоци утврдени со овој член, а во кои не спаѓа и надоместокот за регрес за годишен одмор, кој не е утврден како право. Од содржината на законската одредба не произлегува обврската за работодавачот да исплаќа ваков вид на надоместок“, објасни недамана Бајрами.Министерот смета дека бидејќи правото на регрес на годишен одмор не е загарантирано со закон, нелогично е да се очекува тоа да се направи со општите колективни договори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.