Економија
Изменетиот Закон за денационализација на Уставен
Нова демократија ќе иницира Уставниот суд да ја преиспита уставноста на новите промени
Нова демократија ќе иницира Уставниот суд да ја преиспита уставноста на новите промени. Пратеничката Флора Кадриу смета дека заднината на измените на Законот за денационализација е да и се оневозможи на Исламската верска заедница да си ја врати локацијата на која порано била Бурмали џамијата, локација на која Владата планира да изгради градска куќа како дел од проектот „Скопје 2014“. Таа обвинува дека со новите одредби ќе и се одземе имотот на ИВЗ и во Старата чаршија како Капан-ан, Сули-ан, детскиот театар, Алаџа џамија, Араста џамија, Иса бег џамија и Безистен.
И За лидерот на СДСМ, Бранко Црвенковски, измените на Законот за денационализација не се добри. „Без разлика на реакциите на ИВЗ, сметам дека со предлозите, Владата ќе направи неправда кон многу други граѓани, приватни фирми и компании. Дотолку повеќе што на овој начин се обидува да ја држи под своја контрола сопственоста и употребата на земјиште“, изјави Црвенковски.
Опозицијата е убедена дека целта на денационализацијата е државата да ги врати имотите, а не да исплатува паричен надомест и за малку пари да купува туѓи имоти. Оттаму обвинија дека со измените Владата сака полесно и побрзо да го реализира проектот „Скопје 2014“. Притоа посочуваат на неколку спорни парцели, онаа на плоштадот на која е предвидено да се гради хотелот „Мериот“ и онаа што е во сопственост на Исламската верска заедница, на која ќе се гради новата Градска куќа.
„Законот е јасен, на имот што е предмет на денационализација не смеат да се вршат никакви градежни активности. Но, Владата проценила дека не ќе може да реализира дел од своите проекти и затоа понуди измени на Законот. Клучен е проектот „Скопје 2014“, бидејќи на јавноста и е познато дека местото каде што треба да се гради Градската куќа е предмет на денационализација. За да си ја олесни реализацијата на проектот, Владата предлага ако имотот има правна или фактичка пречка да не го враќа земјиштето, туку парично да ги обесштети сопствениците или да им додели друга локација„,вели пратеникот Марјанчо Николов од СДСМ.
Од владејачката партија потврдуваат дека измените се предлагаат за да се олесни изградбата на објектите што ги предвидела Владата, а кои се од општ интерес, но дека таквите измени немале никаква врска со проектот „Скопје 2014“. Според ВМРО-ДПМНЕ станува збор за полесно градење на автопатишта за да нема проблем како што се случи при изградбата на обиколницата на Скопје. Објаснувањата се дека мала парцела може да блокира цел проект. Во ВМРО-ДПМНЕ потврдуваат дека измените на Законот се предлагаат со цел да се олесни изградбата на објектите што ги предвидела Владата, а кои се од општ интерес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.