Економија
Владата објави план за вработување на над 7.000 лица
Оперативен план за вработување во 2011 година, со којшто ќе бидат опфатени 7.000 лица и ќе бидат одвоени 500.000 милиони денари (околу 8,13 милиони евра), објави денеска македонската влада.Како што образложи вицепремиерот за економски прашања, Владимир Пешевски, станува збор мерките на владината економска политика, кои се насочен кон подобрување на состојбата со вработеноста во државата, со цел овој најгорчлив проблем за граѓаните да биде надминат.„Со годишната оперативна програма за активни мерки за вработување ќе бидат опфатени над 7.000 лица и со којшто владата има намера да алоцира околу 500.000 денари, кој заедно со средствата кои очекуваме да ги добиеме преку европските фондови би требало да бидат во вкупен износ од над 10 милиони евра насочени кон овие мерки.Министерот за труд и социјална политика, Џељаљ Бајрами, информираше дека станува збор за десет различни програми наменети за граѓаните.„Првата мерка е програмата за самовработување, со која се планира да бидат опфатени 700 лица, за што владата планира да одвои 147,5 милиони денари“, рече Бајрами.Тој појаснува дека со оваа мерка се предвидува да се доделуваат неповратни грантови за сите лица кои што се невработени, а планираат да покренат сопствен бизнис.„Потоа имаме програма за формализирање на постојните бизниси, каде што ќе бидат опфатени 250 лица, а се обезбедени 47 милиони денари, додека трета програма е за подршка на дополнителни вработување во постоечките фирми, кои се регистрирани преку програмата за самовработување во изминатите години,“ изјави Бајрами.Тој истакна дека една од мерките е пилот програма за мобилност на работа сила. Со оваа мерка секое лице под 34 години, кое што ќе најде работно место 60 километри од неговото место за живеење, ќе биде финансирано со 3.000 евра.Услов е вработувањето да не биде во Скопје и да не е во јавната администрација.Покрај ова, владата планира да одвои околу 40 милиони денари за обука на лица до 29 години, кои подоцна би се вработиле во некоја од текстилните фабрики во Тетово или Штип.„Имаме и програма за анкета на слободни работни, во која ќе бидат ангажирани 40 лица, чија задача ќе биде вршење на анкета на слободни работни места ширум државата“, рече Бајрами.Тој додаде и дека владата има програми за економско јакнење на жените на семејното насилство, при што ќе бидат опфатени 70 лица и програма за подршка на вработување на Ромите, со која се планира да бидат опфатени 35 лица.Директорот на Агенцијата за вработување, Влатко Поповски, истакна дека владата континуирано се обидува да им излезе во пресрет на невработените лица да им помогне да отворат сопствен бизнис и да го зголемат капацитетот на вработените.„Преку овие програми ќе се обидеме да им помогнеме на сите оние невработени лица, кои што имаат желба да се вклучат во некоја од овие активни политики“, рече Поповски.Тој информираше дека програмата за самовработување се спроведува веќе четири години по ред и нејзината успешност е 85 проценти, што значи дека голем процент од невработените коишто земале грант од владата за отворање на сопствен бизнис и натаму се активни. /крај/со/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.