Економија
ММФ ја повика Италија да ја намали јавната потрошувачка
Меѓународниот монетарен фонд (ММФ) ја повика Италија да преземе решителни мерки за да го скуси буџетскиот дефицит и да ја намали јавната потрошувачка, додека инвеститорите ги отфрлаат италијанските обврзници а властите во Рим забрзано го подготвуваат големиот план за штедење.
Меѓународниот монетарен фонд (ММФ) ја повика Италија да преземе решителни мерки за да го скуси буџетскиот дефицит и да ја намали јавната потрошувачка, додека инвеститорите ги отфрлаат италијанските обврзници а властите во Рим забрзано го подготвуваат големиот план за штедење. Во атмосферата на стравување дека финансискиот вител по Грција и Португалија, може да ја повлече и Италија и да изнуди нов пакет помош, ММФ ја пофали италијанската програма за реформи со кои дефицитот во изминатите две години е намален од 5,3 на сегашните 4,5 отсто од БДП-то. Во периодичниот извештај на ММФ за Италија, извршниот борд на Фондот исто така оцени дека владата во Рим повлекла добар потег со присилувањето на банките да ја подобрат капитализиацијата.Предупредувањата сепак се дека владата мора порешително да ги рационализира расходите, подобро да ги одреди приоритетите и да направи кастрења, и покрај лизгањето на тримесечната стапка на раст на стагнациските 0.1 отсто под влијание на слабата домашна побарувачка и зголемената невработеност.„Стопанството има своите добри страни, но јавниот долг е висок и се очекува дека растот ќе остане ограничен поради долгогодишните структурни ’тесни грла’“, оценуваат во ММФ.Притоа се нагласува дека неодамна усвоениот среднорочен фискален план на владата во Рим е важен чекор кон кастрењето на дефицитот под три отсто од БДП-то до 2012 година, односно речиси на нула до 2014 година. Сепак од ММФ предупредуваат дека нема многу простор за грешки, имајќи ја предвид иритираноста на пазарите со должничките проблеми во еврозоната.„Главниот ризик претставуваат превирањата на пазарите на рабовите од еврозоната. Дополнителен голем ризик претставува уште едната декада на стагнација“, истакнуваат во ММФ.Италијанската влада овој месец го објави четиригодишниот план за буџетско штедење вреден 40 милијарди евра во настојувањето да се намали дефицитот, имајќи ги предвид сомнежите во нејзината способност да го сервисира долгот кој изнесува екстремно високи 119 проценти од БДП. „Клучот е во решителното спроведување на пакетот. Главните цели на политиката треба да биде продолжувањето на фискалната консолидација, за да се намали големиот јавен долг, одржување на стабилноста на финансискиот сектор, како и зголемувањето на потенцијалот на растот низ структурни реформи“, тврдат во ММФ, при што се упатува на тоа дека некои од итните мерки за намалување на потрошувачката може да ја намалат загрженоста на пазарите. Објавувањето на извештајот на ММФ се совпаѓа временски со скокот на приходот на италијанските државни обврзници, имајќи го предвид и падот на вредноста на италијанските акции, бидејќи вложувачите стравуваат дека тешкиот товар на државниот долг би можел да го втурне третото по големина европско стопанство на патот на Грција, Португалија и Ирска/крај/ро/ахп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.