Економија
Два нови смарт телефони од LG Electronics
LG Electronics (LG) ги претстави двата нови члена од семејството Optimus смарт телефони- LG Optimus Pro (LG C660) и LG Optimus Net (LG P690), кои ја имаат најновата Андроид 2.3 платформа.
LG Electronics (LG) ги претстави двата нови члена од семејството Optimus смарт телефони- LG Optimus Pro (LG C660) и LG Optimus Net (LG P690), кои ја имаат најновата Андроид 2.3 платформа.
Оваа верзија на Андроид оперативниот систем на компанијата Google, познат како Gingerbread, нуди поголеми мултимедијални капацитети, подобра контрола на потрошувачката на батеријата на телефонот, како и подобри можности за играње. „Корисниците денес имаат многу специфични барања-сакаат телефони кои комбинираат различни карактеристики и технологии кои би одговориле на нивните специфични потреби.Тоа е токму тоа што го нудиме со моделите Optimus Pro i Optimus Net – два потполно нови уреди кои ќе ја зголемат понудата на достапни Андроид смарт телефони на пазарот”, изјави Jong-seok Park, претседател и генерален директор на компанијата LG Electronics Mobile Communications. Како прв смарт телефон од компанијата LG Electronics со QWERTY тастатура, LG Optimus Pro истовремено користи тастатура и екран осетлив на допир. Екранот со дијагонала од 2,8 инчи овозможува голема прегледност, додека QWERTY тастатурата е ергономски дизајнирана за брзо и прецизно куцање. Инсталираните кратенки за електронска пошта и дневен распоред дополнително ја зголемуваат ефикасноста и удобноста за користење на овој модел. LG Optimus Net ги обединува најпопуларните социјални мрежи со единствена опција која е инсталирана на почетниот екран на овој модел. Со еден потег корисниците ќе можат истовремено да поставуваат статуси на своите Facebook и Twitter профили. Со помош на овие опции овозможено е и едноставно поставување на фотографии на повеќе различни социјални мрежи. Покрај ова, екранот со дијагонала од 3,2 инчи дава појасна и почиста слика на мултимедијалните содржини, додека LG SmartShare™ функцијата овозможува делење на содржините и со други DLNA уреди.И Optimus Pro и Optimus Net можат да се пофалат со најиздржлива батерија во својата класа од 1500mAh, како и процесор со брзина од 800 MHz CPU. Овие смарт телефони ќе бидат достапни ова лето на преку 30 светски пазари, прво во Европа, а потоа и во останатите делови од светот. /крај/пд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.