Економија
Најскапи градови за паркирање во светот
Консултантската компанија Куллерс интернешнал направи ново истражување поврзано со паркирањето во градовите. Податоците се собрани во мај 2011 година, а наведените цени ги вклучуваат сите применливи даночни основи.
Консултантската компанија Куллерс интернешнал направи ново истражување поврзано со паркирањето во градовите. Податоците се собрани во мај 2011 година, а наведените цени ги вклучуваат сите применливи даночни основи.Податоците ги доставија сопствениците на паркинг просторите, гаражите и раководителите на таквите локации. Со истражувањето се опфатени само покриените или подземните паркиралишта во главните бизнис центри на подрачјето на Северна Америка, Европа и Азиско – пацифичкиот регион, а единствен регион кој не е опфатен во истражувањето е Латинска Америка.Трендот на порастот на цените за паркирање продолжува. Гледано на дневна или месечна основа, цената за паркирање на автомобилите пораснаа во изминативе 12 месеци. Освен во САД, во сите други делови во светот паркирањето е поскапено за разлика од минатата година.На врвот на листата, најскапо место за паркирање на возила во светот се наоѓа во Лондон во деловите од градот Сити и Вест Енд.Месечната цена за паркирање возила во Сити (лондонски финансиски центар) изнесува цели 800 евра, додека во Вест Енд е 750 евра. Лондон веќе традиционално е најскап град во светот за паркирање и води во однос на останатите, за дури 25 до 35 отсто (во изминатите пет години).Поради драматичниот пораст на Швајцарците, Цирих се искачи на третото место и го поттисна Хонг Конг. Месечната цена за паркирање во Цирих чини 650 евра.Она што исто така е интересно е дека два австралиски града повторно влегоа во првите десет, Перт се наоѓа на седмото место, а Сиднеј на деветото, додека Мелбурн е многу близу, на 11 место.Европските земји доминираат во категоријата најскапи паркинзи на дневна основа. Осло е број еден во светот со цена од 60 евра, а на листата на 10 најскапи градови се најдоа и Копенхаген и лондонските квартови Сити и Вест Енд.Во Амстердам и во Виена цената на дневно паркирање на возила изнесува 35 евра, а во Женева 30 евра. Покрај европските градови на оваа листа се наоѓаат и Токио и Сиднеј.Најевтин град повторно е Џакарта во Индонезија каде паркирањето на ден чини 92 центи. крај/смедиа/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.