Економија
Грција ја помага „Протон банка“
Грција презема чекори за поддршка на малa приватна банка со којa претседава поранешниот американски амбасадор во земјата, во услови на покрената истрага за проневера во која се инволвирани неколку големи акционери.
Грција презема чекори за поддршка на малa приватна банка со којa претседава поранешниот американски амбасадор во земјата, во услови на покрената истрага за проневера во која се инволвирани неколку големи акционери.Евангелос Венизелос изјави дека одлуката државата да ја зајакне „Протон банка“ донесена на 14 јули, еден ден пред опсежните стрес-тестови врз банките ширум ЕУ, беше диктирана од “државни интереси“, бидејќи се стравуваше дека може да има “негативни ефекти“ врз грчкиот банкарски систем.“За да се заштитат државните интереси, потребно е да се обезбеди непречено и безбедно функционирање на банката без оглед на нејзиниот акционерски состав, управување или лица кои директно или индиректно се поврзани со тоа“, рече Венизелос во соопштението.Министерството, исто така, објави писмо од страна на Венизелос од 14 јули, во кое тој предупредува на можните негативни ефекти “на грчкиот банкарски систем, доколку ’Протон банка’ се соочи во финансиски јаз“.Еден ден претходно, пишува денеска грчкиот весник „Елефтеротипија“, бил регистриран еднодневен итен државен депозит во висина од 100 милиони евра ($ 142,000,000) во Протон банка, а по наредба на Венизелос, и покрај забелешките на две официјални лица во Министерството, кои предупредија дека банката може да не биде во можност да ги врати парите.Грчките медиуми објавија дека специјалниот обвинител го истражува повлекувањето на 51 милиони евра во „Протон банка“, што извори од Банката на Грција го опишуваат како “невообичаено“.„Протон банка“, каде што во периодот од 2007-2010 година американскиот амбасадор во Грција Даниел Спекхард е неизвршен претседател, вети дека ќе соработува со властите, а еден од клучните акционери, бизнисменот Лаврентис Лаврентиадис негира дека направил некакви незаконски дејства.Банкарските сметки на Лаврентиадис и на уште седум други банкарските службеници биле замрзнати во очекување на резултатите од истрагата, објавија медиумите.Банката има мрежа од 30 филијали ширум Грција и 3,8 милијарди евра во капитал според податоците во март.Таа не беше на списокот на грчките банки доставени до ЕУ минатиот месец за стрес-тестови, кој се одржа за да се утврди нивниот отпор кон голем шок во финансискиот систем.Двете грчки банки – Еуробанк и државната ATEBank – не го издржаа предизвикот на времето.Грчките банки имаат претрпено големи загуби како резултат на должничката криза во Грција, па мораа да се потпрат на Европската централна банка за нови кредити за да останат во живот. /крај/timeslive
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.