Економија
Раст на туристите преку намалувањето на ДДВ-то за угостителските услуги
Мерката на Владата за намалување на Данокот на додадена вредност (ДДВ) за угостителските услуги од 18 на 5 отсто ќе придонесе за зголемување на домашните и странските туристи, инвестициите и раст на вработувањата во секторот туризам.
Мерката на Владата за намалување на Данокот на додадена вредност (ДДВ) за угостителските услуги од 18 на 5 отсто ќе придонесе за зголемување на домашните и странските туристи, инвестициите и раст на вработувањата во секторот туризам.
Ова се придобивките кои ги истакнаа од Асоцијацијата на хотелиерите на Македонија (ХОТАМ) и Туристичко угостителската комора при Сојузот на стопански комори (ССК) по средбата со министерот за економија, Ваљон Сараќини.
Од двете здруженија сметаат дека со оваа мерка ќе се направи конкурентна цена на услугите за и Македонија ќе стане атрактивна дестинација.
„Една од нашите приоритети ќе биде и развивањето на туризмот бидејќи има огромно влијание врз севкупниот развој на една држава и овој сектор има активна улога во зголемување на работните места како и создавање на националните придобивки“, рече министерот.
Според пресметките, мерката за намалување на ДДВ-то ќе го чини буџетот шест милиони евра помалку, но потрошените средства за екстра услуги кои ги трошат туристите во хотелот, буџетот ќе се зголеми за девет милиони евра.
„Државата ќе се откаже од шест милиони евра за намалување на ДДВ, меѓутоа по нашите анализи еден туристи за екстра услуги само во хотелите троши околу 1.000 денари дневно што значи дека од екстра услугите буџетот ќе добие девет милиони евра“, потенцираше Дончо Танески, претседател на асоцијацијата на хотелиерите на Македонија (ХОТАМ).
Феркант Бербери, претседател на Туристичко-угостителската комора при ССК смета дека одлуката за ДДВ-то ќе придонесе за зголемување на бројот како на домашни така и странски туристи, за зголемување на домашни и странски инвестиции, нови вработувања и ќе се заштитат на младите луѓе кои работат во регионот.
Од ХОТАМ додаваат дека со оваа преку намаленото ДДВ ќе се намалат и цените услугите кои ги користат македонските граѓани.
За оваа година предвидени се субвенции од 49 милиони денари за привлекување на странски туристи. /крај/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.