Економија
ММФ: Финансискиот систем го притиска кризата на довербата
Заканите за стабилност ана светскиот економски систем значително зајакнаа изминатите неколку месеци, оценува Меѓународниот монетарен фонд (ММФ) во средата во своето најново известување, предупредувајќи дека кризата на довербата го зема данокот и во стопанството и во финансискиот систем.
Заканите за стабилност ана светскиот економски систем значително зајакнаа изминатите неколку месеци, оценува Меѓународниот монетарен фонд (ММФ) во средата во своето најново известување, предупредувајќи дека кризата на довербата го зема данокот и во стопанството и во финансискиот систем. Финансискиот систем е притиснат од послабиот стопански раст, должничката криза во еврозоната и намалувањето на кредитниот рејтинг на САД, констатираше ММФ во редовниот полугодишен извештај.Кризата којашто започна на американскиот пазар на второкласните хипотекарни заеми сега влегува во петтата година, при што нејзината најнова фаза ќе ја одбележи политиката, проценуваат во ММФ во извештајот за финансискиот систем. „Се наоѓаме во самиот центар на кризата на довербата која го зема својот данок и во стопанството и во финансискиот систем“, заклучува финансискиот советник и челник на монетарниот и одделот за пазарите на капиталот во ММФ, Хозе Виналс. Според него, подобрувањата од минатите три години делумно се анулирани. Европските и американските политички лидери сé уште не издејствуваа поддршка за зајакнување на макрофинансиските стабилности и спроведување на реформите за поттикнување на стопанскиот раст, па пазарите почнаа да се сомневаат во нивната способност да ги преземат потребните мерки. Во Европа стравувањата во врска со нивото на јавниот долг се пренесоа и на банкарскиот систем, зголемувајќи ги трошоците за задолжување за многу банки и намалувајќи ја нивната пазарна вредност, констатираат во ММФ.Во Фондот проценуваат дека европските банки се изложени на ризикот поврзан со обврзниците на задолжените членки од еврозоната во износ околу 200 милијарди евра. Таа бројка не ги одразува потребите на банките за дополнителен капитал, туку зголемувањето на опасноста поврзано со обврзниците во изминатите две години. Поради тоа, банките во Европската унија мора да продолжат да ги засилуваат заштитните механизми, што ќе им овозможи полесно да се носат со последиците од прелевањето на проблемите од поризичниот јавен сектор. Решавањето на проблемот на јавниот долг, пак, го кочат политичките несогласувања, како и во самите држави кои ги спроведуваат мерките на штедење, така и меѓу земјите коишто им помагаат, се констатира меѓу другото во полугодишниот извештај на ММФ.Истовремено засилени се и стравувањата во врска со долгорочната одржливост на американскиот јавен долг, Ако не бидат отстранети, се заканува опасност од повторување на засилениот ризик во врска со обврзниците, со сериозни последици за целиот свет.„Ризиците се засилени а недостига време да се отстранат слабостите коишто го загрозуваат финансискиот систем и актуелното стопанско заздравување“, заклучува ММФ/крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.