Економија
Расте стапката на сиромаштија во Русија
Во текот на минатата година, нови два милиона Руси паднале во беда, со што сега во Русија под нивото на сиромаштија сега живеат 21,1 милион Руси, соопшти руската сржавна Агенција за статистика.
Во текот на минатата година, нови два милиона Руси паднале во беда, со што сега во Русија под нивото на сиромаштија сега живеат 21,1 милион Руси, соопшти руската сржавна Агенција за статистика.
Според аналитичарите, цела низа фактори, вклучувајќи ги нееднаквоста во приходите и забавувањето предизвикано од светската криза, влијаеле врз растеката стапка на сиромаштија минатата година.
Овие статистички податоци се уште еден предизвик за повратникот на претседателската функција, Владимир Путин, по најверојатната попбеда на извборите во март 2012 година, кој ја има репутацијата на гарант на економската стабилност во Русија.
Статистиката вели дека 14,9 проценти Руси живеат под нивото на сиромаштија, во споредба со 13,5 проценти во годината рпед тоа. Просечната минимална плата беше 6.505 рубљи (203 долари) месечно, при што просекот кај вработените е 7.023 рубљи (220 долари), а кај пензионерите е 5.141 рубља (161 долар) месечно. Официјалното објаснување за зголемената сиромаштија е растот на цената на потрошувачката кошничка.
„Растот на приходите во Русија минатата година беше многу мал, нешто над еден процент, а и тоа се должи на растот на приходите на најбогатата популација. Најсиромашното население станува уште посиромашно“, вели Наталија Орлова, главен економист на „Алфа банка“ во Русија.
Додатна причина за падот на руската економија се гледа и во оставката на долгогодишниот министер за финансии, Алексеи Кудрин, архитектот на рускиот Фонд за стабилизација со кој земјата се извлече од глобалната криза и миленик на странските инвеститори. Иако финансиските пазари не реагираа турбулентно на неговата оставка, рубљата падна за 12 роценти во однос на доларот, што е најголем пад од првата четвртина на 2009 година.
Добрите економски индикатори растот на животниот стандард беа одлика на периодот на владеењето на Путин. Релативната економска стабилност, поттикната од високите цени на нафтата, по хаотичните години на Борис Елцин, е главна причина за неговата популарност во Русија. Индикаторите за сиромаштија паднаа од 33 проценти воп 2001 година, на под 15 проценти во 2007 година.
Путин во говорот во кој ја објави својата кандидатура за претседател на земјата, истакна дека земјата ќе мора да преземе мерки за ставање на економијата под контрола, најмногу преку мерки за штедење.
„Задачата на владата не е само да става мед во напитокот, туку некогаш мора и да даде и горчлив лек. Ова секогаш мора да се прави отворено и искрено и нозинството од народот ќе разбере“, рече Путин.
Тој, меѓу другите мерки, вети и зголемување на даноците за најбогатите. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.