Економија
Quantas денеска ги обнови сите летови
Австралиската авиокомпанија Quantas денеска повторно ги воведе сите свои летови, откако преку викендот ја приземји целата своја флота во храбрата тактика со која ја присили владата да интервенира во најлошиот работен спор во Австралија во изминатава деценија.
Австралиската авиокомпанија Quantas денеска повторно ги воведе сите свои летови, откако преку викендот ја приземји целата своја флота во храбрата тактика со која ја присили владата да интервенира во најлошиот работен спор во Австралија во изминатава деценија.
Спорот помеѓу управата и трите синдикати околу платите, работните услови, планираното кратење на работните места и селење на дел од компанијата во Азија, трае веќе неколку месеци. Управата тврди дека поради штрајковите на синдикатите од септември до сега компанијата изгубила 70 милиони австралиски долари, а приземјувањето на целата флота компанијата ја чинеше додатни 20 милиони долари на ден.
Quantas оваа драстична мерка ја презема за да ја присили владата да се обрати до судот за работни спорови и со тоа да интервенира во повеќемесечниот спор помеѓу управата на компанијата и трите синдикати на вработените Quantas.
Австралискиот суд за работни спорови на вонредната седница што ја одржа вчера, на Quantas му нареди да продолжи со летовите, а на синдикатите да прекинат со сите штрајкови. И на двете страни им беше наложено да се вратат на преговарачката маса и во рок од 21 ден да најдат решение. Во спротивно судот ќе им наметне арбитражна постапка.
„Тоа беше единственото нешто што можевме да го сториме“, изјави за новинарите претседателот на управниот одборот на Quantas, Ален Џојс, кого локалните медиуми веќе го нарекоа „камиказа“, затоа што со овој потег ризикуваше да го привлече бесот на владата, на патниците, да предизвика финансиски загуби и губење на угледот на компанијата.
Овој потег без преседан во воздухопловната индустрија ја изненади австриската влада и ја засрами премиерката Џулија Гилард, која викендов беше домаќинска на самитот на Комонвелтот во Перт. Некои од лидерите на земјите-членки имале карти за вчерашните летови на Quantas, па мораа да се снаоѓаат со други компании.
Владата ја поздрави одлуката на судот, истакнувајќи дека со тоа е спасена австралиската туристичка индустрија и пошироката економија од потенцијално огромните штети. Премиерката Гилард бече лута што управата на компанијата за прекинот на летовите ја информирала само три часа пред да започне.
Но, повеќето аналитичари сметаат дека компанијата излезе како победник од оваа ситуација. Краткиот рок кој судот го даде за договор со синдикатите и оди во прилог на управата. Позитивно реагираше и пазарот, па така акциите на Quantas денеска скокнаа за три проценти. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.