Економија
Колебање на цената на златото поради неизвесноста во Грција
Цената на златото во четвртокот забележа незначителна разлика поради обидите на инвеститорите да ги проценат изгледите на кој начин ќе се развива должничката криза во Грција и учеството на земјата во еврозоната, покажуваат податоците од берзите.
Цената на златото во четвртокот забележа незначителна разлика поради обидите на инвеститорите да ги проценат изгледите на кој начин ќе се развива должничката криза во Грција и учеството на земјата во еврозоната, покажуваат податоците од берзите.Декемвриските фјучерси за златото во електронско тргување на Њујоршката берза Comex во четвртокот пред 11 часот по македонско време се зголемија за 0,1 отсто на 1.732,7 долари за тројска унца. Претходно во четвртокот, благородниот метал поевтини до 1724 долари. Притисокот врз расположението на инвеститорите направи изјавата на францускиот претседател Николас Саркози дека Грција нема да ја добие следната транша од финансиска помош во рамките на европскиот план за помош, доколку не го исполни договореното од 27-ми октомври на самитот на европските челници во Брисел. Во исто време, грчкиот министер за финансии Евангелос Венизелос во четвртокот наутро се обиде да ги успокои пазарите, изјавувајќи дека планираниот референдум во Грција за помош на земјата според програмата договорена со Европската унија и со Меѓународниот монетарен фонд (ММФ) нема да влијае за членство на земјата во еврозоната. „Постојат многу нешта коишто ние мора внимателно да ги следиме. Луѓето чекаат нови вести од еврозоната“, изјави за Reuters Роналд Ленг, директор на „Lee Cheong Gold Dealers“ од Хонгконг. Рекордниот раст на цената на златото во 2010 година од 30 отсто, за третиот квартал од 2011 година златото поскапи за 8 отсто, а само во октомври за 6 проценти. Десетгодишниот раст на вредноста на благородниот метал, е најдолгиот период од зголемувањето на цената на златото од 1920 година.Главните фактори за поддршка на вредноста на златото, коешто се смета од страна на инвеститорите како посигурна алтернатива за нестабилните валути и акциите на компаниите кои се подложни на сериозно осцилации, и натаму остануваат должничката криза во Европа и забрзувањето на инфлацијата во повеќе земји./крај/мф/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.