Економија
Еврото послабо спрема франкот, во најмал плус спрема доларот пред гласањето во Италија
Еврото во вторникот ослаби спрема швајцарскиот франк на меѓународните пазари откако швајцарската централна банка ги стивна шпекулациите и очекувањата за нејзина скорешна интервенција, а беше и во помал плус во однос на американскиот долар пред клучното гласање во италијанскиот парламент.
Еврото во вторникот ослаби спрема швајцарскиот франк на меѓународните пазари откако швајцарската централна банка ги стивна шпекулациите и очекувањата за нејзина скорешна интервенција, а беше и во помал плус во однос на американскиот долар пред клучното гласање во италијанскиот парламент.Еврото во текот на вторникот спрема франкот ослаби за 0,.2 отсто на 1,2380 франка. Во сличен процент, пак, беше на добивка спрема доларот и со него се тргуваше по 1.3806 долара. Така се задржа во широк распон меѓу двете највисоки нивоа во два месеца од 1,4248 долари, достигнати на 27-ми октомври и ниските 1,3608 долари на колку што се спушти на 1-ви ноември. Доларот, пак, спрема јапонскиот јен ослаби исто така за 0,2 отсто на 77,86 јени.Франкот ја црпеше својата поддршка од изјавата на гувернерот на централната банка на Швајцарија – SNB, Томас Џордан, дека натпреварувањето на монетарните власти во девалвацијата би било погрешно. SNBво септември го ограничи курсот на 1,2 франка за евро и вети дека ќе го брани тоа ниво. „Се обидуваат да го вратат акцентот на дефлаторните притисоци, за да не би кажале дека делуваат поради причини од конкурентски карактер“, вели Иан Станард, валутен стратег во „Morgan Stanley“. Приливот на капитал во сигурните прибежишта за вложување би требало да го поддржи франкот. Во контекстот на продолжените борби на грчките политички партии за името на новиот премиер и скокот на приносите по италијанските државни обврзници на новото рекордно ниво од воведувањето на еврото, коишто се сметаат за неодржливи. Во центарот на вниманието на пазарите е клучното гласање за јавните финансии во италијанскиот парламент кое треба да следи вечерва. Опозицијата најави дека при гласањето ќе биде воздржана,. Што значи дека буџетот за минатата година би бил усвоен а шансите за останување на премиерот Силвио Берлускони би биле намалени. „Со веројатност работите да тргнат опасно наопаку, секако со влошување на ситуацијата во Италија, наскоро би можеле повторно да се најдеме на 1,22 франка за евро. Доколку тоа се случи, SNB не би чекала премногу“, толкува валутниот стратег во „ Bank of New York Mellon“, Нејл Мелор./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.