Економија
ЕЦБ предупреди на јакнењето на ризиците за стопанството на еврозоната
Првиот човек на Европската централна банка (ECB) во четвртокот сигнализираше подготвеност за преземање нови акции со цел да се поддржи стопанството во еврозоната, тврдејќи дека ризиците се зголемиле и дека ECB е свесна за растечките проблеми на банките.
Првиот човек на Европската централна банка (ECB) во четвртокот сигнализираше подготвеност за преземање нови акции со цел да се поддржи стопанството во еврозоната, тврдејќи дека ризиците се зголемиле и дека ECB е свесна за растечките проблеми на банките.Истакнувајќи ги потезите коишто во средата ги преземаа Европската централна банка (ECB), Американската централна банка (Fed), британската централна банка Bank of England (BoE) и централните банки на Канада, Јапонија и Швајцарија се договориле за половина процентен поен ќе ја намалат цената на повремените доларски заеми за банките, Марио Драги пред пратениците во Европскиот парламент им порача дека банката ќе се погрижи инфлацијата да не биде под посакуваното ниво но ниту над него.Пазарите, сепак, таквите изјави, како и предупредувањата за растечките ризици за намалување на стопанските прогнози, ги протолкува како втор по ред сигнал за намалување на клучните каматни стапки по подолг период, на состанокот на ECB што треба да се одржи идната седмица. Па еврото се спушти на најниското ниво при денешното тргување.„Монетарната политика на ECB константно се раководи со цел да се зачува ценовната стабилност во еврозоната во среднорочниот период, што се однесува на стабилност ана цените во двете насоки. Ризиците на слабеењето на стопанските прогнози се зголемени“, изјави Драги.Тој истакна дека тоа што го кажува во периодот пред скорешниот состанок на ECB и дека ништо од она што го рече не би смеело да биде протолкувано како идни мерки на политиките на централната банка. Повеќето аналитичари неговите изјави го протолкуваа како зголемување на изгледите за натамошно намалување на каматните стапки на состанокот кој треба д асе одржи на 8-ми декември, околу што и самите тие се поделени. „Тие коментари навистина ги зголемуваат изгледите за намалување на каматните стапки. Идната седмица ќе ги добиеме прогнозите на ECB коишто сигурно ќе покажат значително намалување на прогнозите за растот и стапката на инфлацијата. Сетот тоа ќе доведе до очекуваното намалување на стапките и продолжување на примената на невообичаените мерки. Пазарите ќе бидат фрустрирани доколку тоа не го добијат идната седмица“, толкува за Reuters Џереми Стретч, валутен стратег во „CIBC World Markets“. Имајќи предвид дека според зборовите на еден висок функционер на европските политичари им претстојат клучните десет денови за спасот на еврото, Драги апелираше на „сеопфатно продлабочување“ на фискалната поврзаност. „Според мене, на нашата стопанска и монетарна унија и’ е потребен нов фискален пакт – фундаментално преформулирање на фискалните прописи, заедно со взаемните фискални обврски коишто ги преземаа владите од еврозоната. Би можеле да нé прашаат дали новиот фискален пакт ќе биде доволен за да се стабилизираат пазарите и како убедливата долгорочна визија ќе може да помогне во кус рок. Нашиот одговор гласи дека тоа е апсолутно најважниот елемент зад а се започне со враќањето ан довербата“, порача Драги. Германија и Франција ветија дека ќе подготват предлози за поголема финансиска интеграција за самитот на Европската унија кој ќе се одржи на 9-ти декември, еден ден по заседавањето на Европската централна банка./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.