Економија
Анкета на BBC: Невработеноста избива на врвот на стравувањата
Невработеноста е најголема грижа на светското население, покажува истражувањето организирано од светскиот сервис на BBC, а спроведено од агенцијата Globescan, врз примерок од 11.000 луѓе во 23 држави.
Невработеноста е најголема грижа на светското население, покажува истражувањето организирано од светскиот сервис на BBC, а спроведено од агенцијата Globescan, врз примерок од 11.000 луѓе во 23 држави.
Годишната анкета, наречена „Светот зборува“, се спроведува на начин што на испитаниците им се дава список од најчести стравувања и од нив се бара да го заокружат тоа за кое најчесто дискутирале со своето семејство или со пријателите во изминатиот месец.
Корупцијата и бедата се уште се уште се на врвот на светските стравувања, но за невработеноста како најголем страв се изјасниле 18 проценти од испитаниците, што е шест пати повеќе отколку при првата ваква анкета спроведена во 2009 година.
Стравот од невработеноста расте во сите држави во кои се спровело истражувањето, иако за корупцијата повторно најмногу се зборува ширум светот.
Следна на список по корупцијата е бедата. Еден од петмина испитаници најмногу дискутирал за оваа тема. Темите како што е инфлацијата и повисоките цени на храната и енергенсите се на третото место, заедно со невработеноста. Сепак, стравот од невработеноста не е еднаков во сите држави.
Најзагрижени од ова прашање се Шпанците, каде што 54 проценти од испитаниците се изјасниле дека најмногу зборуваат за невработеноста, зголемување за една третина од претходното истражување на BBC. Шпанија е во сржта на тековната должничка криза во еврозоната и има највисока стапка на невработеност кај младите, која се движи над 40 проценти.
Гана, Нигерија, Мексико и Турција каде што ова прашање предизвикува посебно внимание, при што една третина или повеќе од испитаниците најмногу зборувале за овој проблем.
Во најразвиените економии, пак, како Јапонија, САД или Франција, испитаниците покажале најголема загриженост од состојбата на светската економија. Спротивно на тоа, корупцијата е најдискутирано прашање во Нигерија, Индија, Турција, Индонезија и Перу. Последниве се држави во развој, со лошо реноме во однос на транспарентноста на владите и деловните субјекти.
Друга група земји во развој, како Русија, Кина, Кенија и Филипините, најголем страв испитаниците покажале од растечките цени на храната и енергенсите.
Латинска Америка се истакнува со стравот од криминалот и насилствата. Во Бразил, познат по социјалните тензии и бедата во големите градови, заедно со Мексико и Еквадор, познати по масовните убиства поврзани со дрогата, на првото место испитаниците го ставиле стравот од криминалот и насилствата.
Луѓето во развиените земји покажале поголема тенденција да дискутираат за прашања кои не се непосредна закана, како климатските промени отколку во посиромашните земји во развој. Но, речиси во сите држави климатските промени паѓаат на скалата на најдискутирани теми. Мината година истото истражување покажа дека ова прашање е на прво место во десет држави во светот, додека годинава најмногу за тоа се дискутирало само во Германија и во Британија.
Истражувањето на терен е спроведено во периодот помеѓу јули и септември годинава. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Рекорден трговски дефицит во 2023 година во износ од 436 милиони евра
Дополнителниот заменик-министер за земјоделство, шумарство и водостопанство, Цветан Трипуновски, преку фејсбук-објава извести за рекорден трговски дефицит во 2023 година за земјоделско-прехранбени производи во висина од 436 милиони евра.
„Рекорден трговски дефицит во 2023 година во износ од 436 милиони евра. Еве како СДС го уништува македонското земјоделство, Македонија со СДС стана земја увозно зависна од храна. Негрижата за македонските земјоделци и тотално погрешните земјоделски политики на СДС ги принудија земјоделците да го напуштат полето, а со тоа македонските граѓани да јадат увозни земјоделски производи, Македонија од земја извозник стана земја увозник на храна под власта на СДС. Земјоделците ќе имаат вистински партнер во новата влада на ВМРО-ДПМНЕ и заедно ќе го вратиме македонското земјоделство во онаа препознатлива состојба, а Македонија повторно ќе биде земја извозник на храна“, рече Трипуновски.
Економија
Надворешен долг, побарувања и меѓународна инвестициска позиција во четвртото тримесечје од 2023 година
Објавено е редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција.
На крајот на четвртиот квартал од 2023 година:
На 31.12.2023 година, нето надворешниот долг изнесува 4.458 милиони евра (или 32,6% од проценетиот БДП). Нето надворешниот долг на земјата, во четвртиот квартал од 2023 година, е зголемен за 305 милиони евра, или за 7,3%. Од аспект на структурата, приватниот нето-долг и натаму има поголемо учество во вкупниот нето-долг со 67%.
Во текот на четвртиот квартал од 2023 година, негативната нето меѓународна инвестициска позиција (МИП) е зголемена за 160 милиони евра и изнесува 8.500 милиони евра, односно 62,2% од проценетиот БДП за 2023 година.
Најновото соопштение за позначајните промени кај надворешниот долг, надворешните побарувања и меѓународната инвестициска позиција е достапно на следниот линк.
Економија
Во вториот квартал од 2025 година стапката на противцикличниот заштитен слој на капиталот ќе остане 1,5 отсто, одржана седница на Советот на Народната банка
Советот на Народната банка, на својата редовна седница, одржана на 28 март 2024 година, врз основа на редовната квартална оцена на системските ризици, донесе одлука за задржување на стапката на противцикличниот заштитен слој на капиталот за изложеностите на банките во Република Северна Македонија во висина од 1,5%, којашто ќе се применува и во вториот квартал од 2025 година. Одлуката се заснова врз оцените за постепено стабилизирање на нагорните циклични системски ризици и постојана стабилност на банкарскиот систем. Исто така, ги зема предвид условите од окружувањето коешто и натаму е неизвесно и придружено со ризици, што е причина за претпазливо спроведување на макропрудентните мерки заради натамошно јакнење на отпорноста на банкарскиот сектор. Со одржувањето на стапката на противцикличниот заштитен слој на капиталот се придонесува за спречување и за намалување на можните ризици.
Народната банка ќе продолжи со внимателно следење на системските ризици и ќе ја преоценува висината на стапката на противцикличниот заштитен слој на капиталот на редовна квартална основа. Притоа, имајќи ја предвид природата на противцикличниот заштитен слој на капиталот и насоките на релевантните европски институции, Народната банка може да ја оцени потребата за зголемување на стапката, при раст на ризиците и неизвесностите од окружувањето, во услови на поволни остварувања на банките. Во случај, пак, на значително остварување на ризиците во билансите на банките, може да се оцени и потребата од делумно или целосно ослободување на овој заштитен слој на капиталот, како поддршка во работењето на банките при евентуални неповолни сценарија.
Советот на Народната банка на седницата разгледа и други материјали поврзани со работата на централната банка.