Економија
Еврото над најниското ниво во 11 месеци спрема доларот
Еврото во четвртокот на меѓународните пазари на валути испеа да се задржи над најниското ниво во 11 месеци во однос на американскиот долар, но ослаби спрема јапонскиот јен
Еврото во четвртокот на меѓународните пазари на валути испеа да се задржи над најниското ниво во 11 месеци во однос на американскиот долар, но ослаби спрема јапонскиот јен, бидејќи инвеститорите уште стравуваат од должничката криза и можната рецесија во еврозоната па го продаваат по секое негово јакнење. Еврото во вакви услови во однос на доларот во текот на денот се задржа во плус од 0,1 отсто и со него се тргуваше по 1,3001 долари. Со тоа единствената европска валута малку се задржа по бранот распродажба која во средата го намали на најниското ниво од јануари годинава од 1,2945 долари на електронската плaтформа ESB. Најниското ниво на еврото во однос на доларот беше забележано на 10-ти јануари од 1,2860 долари.Исто така, еврото го забележа и најниското ниво во последните два месеца од 101,04 јени, што е далеку најниско нови во последните десет години од 100,77 јени, на коишто се спушти во октомври.Еврото ослаби и во однос на швајцарскиот франк, за околу 0,8 отсто на 1.2270 франка. Претходно накусо падна на најниското ниво во декември од 1.2252 франка, под притисокот на одлуката на швајцарската централна банка SNB за задржување на долната граница на курсот од 1,2 франка за евро, што ги разочара инвеститорите коишто подолго време шпекулираат дека ќе биде подигнат со цел да се надмине дефлацијата.Доларот падна речиси еден отсто во однос на франкот и со него се тргуваше по 94,39 сантими, што е близу најниското ниво во текот на денот од 94.04 сантими, на кое се спушти веднаш по објавувањето на соопштението на SNB. Во однос на јенот, пак, беше во минус од 0,2 отсто на 77,91 јени. „Притисокот врз SNB да го зголеми долниот лимит на курсот на еврото во однос на франкот нема да престане имајќи го предвид забавувањето на растот на швајцарското стопанство и проблемите во еврозоната“, вели за Reuters, Крис Тарнер водечки валутен стратег во ING. Еврото само оваа седмица во однос на доларот ослаби за околу три процента, откако минатонеделниот самит на Европската унија не донесе решение за кризата применливо во скорешна иднина, со што би ја повратило довербата меѓу инвеститорите.Во периодот додека стопанството во еврозоната се движи во насока на нова рецесија а во САД последните показатели укажуваат на знаци за заздравување, аналитичарите очекуваат дека кон крајот на годинава еврото ќе остане под притисокот, додека доларот ќе добива поддршка. Најновите извештаи на лондонската компанија „Mаrkit“ покажуваат дека падот на деловните активности во приватниот сектор во еврозоната благо забавил во декември, но и покрај тоа рецесијата и натаму се чини неизбежна, имајќи ги предвид периферните стопанства коишто имаат големи проблеми со долговите./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.