Економија
На Волстрит осцилации на индексите
Во средата на Волстрит два индекса забележаа благ раст а еден ослабе поради инвеститорите се колебаа по објавувањето на слабите деловни резултати од компанијата Oracle, кои го отворија прашањето за деловните услови во севкупниот технолошки сектор.
Во средата на Волстрит два индекса забележаа благ раст а еден ослабе поради инвеститорите се колебаа по објавувањето на слабите деловни резултати од компанијата Oracle, кои го отворија прашањето за деловните услови во севкупниот технолошки сектор. Индексот Dow Jones зајакна за 0,03 отсто на 12.107 поени како и индексот S&P 500 за 0,19 отсто на 1.243 поени, додека, пак, индексот Nasdaq ја намали вредноста за 0,99 отсто на 2577 берзански поени. Цената на акциите на технолошкиот гигант Oracle потона за 12 отсто, откако оваа софтверска компанија разочара со своите квартални деловни резултати. Со тоа оваа компанија им се придружи на подолгата листа компании, вклучувајќи ги и големите имиња од технолошкиот сектор, чии резултати и процени за натамошното работење алармираат. Поради тоа, поевтинија и акциите на другите технолошки гиганти, па така цената на IBM падна за повеќе од 3 отсто, а на Cisco Systems за 2,6 отсто. Во центарот на инвеститорите на американските берзи во средата беа вестите од Европа. Првата понуда на тригодишните поволни заеми од Европската централна банка (ECB) предизвика голема побарувачка, па 523 европски банки се задолжија за вкупно 489 милијарди евра. Тоа предизвика надеж дека должничката криза може да се ублажи доколку банките овие средства ги употребата за купувањето на италијанските и шпанските државни обврзници, за да се намалат приносите на долговите на овие инаку презадолжени членки на еврозоната. Меѓутоа, бидејќи не дојде до натамошно зголемување на разликите во приносите меѓу референтните германски и италијанските државни обврзници, следеа шпекулации дека овие свежи пари не одат онаму каде што се најпотребни. Сепак, во последните моменти од тргувањето ан берзите во САД (утрово), загриженоста произлезена од должничката криза во еврозоната беше малку ублажена, па индексите Dow Jones S&P 500 на крајот завршија во позитивното подрачје. На европските берзи, пак, во средата цените на акциите паднаа, па така индексот на лондонската берза FTSE 100 се намали за 0,55 отсто на 5.389 поени, индексот на франкфуртската берза DAX падна за 0,95 отсто на 5.791 поени, а индексот на берзата во Париз CAC 40 се намали за 0,82 отсто на 3.030 индексни поени./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.