Економија
Самсунг во 2012-та ќе инвестира рекордни 41,4 милд долари
Јужнакорејската компанија „Samsung Group“ планира да инвестира во развојот на бизнисот во тековната година, рекордни 41,4 милијарди долари, и покрај песимистичките прогнози за глобалниот раст и расходите на компаниите за набавка на опрема .
Јужнакорејската компанија „Samsung Group“ планира да инвестира во развојот на бизнисот во тековната година, рекордни 41,4 милијарди долари, и покрај песимистичките прогнози за глобалниот раст и расходите на компаниите за набавка на опрема .Како што пишува во вторникот Reutеrs, средствата коишто компанијата планира да ги потроши за зајакнување на својата позиција, ќе бидат искористени за изградба на нови ограноци и фабрики, како за научни истражувања, така и за зделки за спојувања и аквизиции н адруги компании. На пример, 80 отсто од средствата се планирани да бидат доделени на „Samsung Electronics Co“., најголемиот производител на чипови, интегрирани кола и OLED-дисплеи, кои се користат во производството на различни апарати од електрониката, како што се смартфони и таблет компјутери. Добар дел од продукцијата на „Samsung“, на пример, ги користи американскиот гигант Apple.„Samsung има доволно големи резерви на капитал за да инвестира во нови технологии. Ниедна друга ИТ компанија не може да ја надмине според обемот на инвестициите, а Samsung продолжува да го зголемува тој јаз“, вели за агенцијата ЛиСин, аналитичар во компанијата „NH Investment & Securities“.Раководството на јужнокорејската групација, исто така, има намера во 2012 година да го зголеми бројот на вработените за уште 25 илјади работници до 376 илјади луѓе.Клучните конкуренти на „Samsung“, пак, ги разгледуваат нивните инвестициски планови во надолна линија, поради несигурноста на светските пазари. Така, според Reuters, компанијата LG планира да потроши три милијарди долари помалку отколку претходната година, при што не се соопштува точниот износ на инвестициите.Во 2011 година, „Samsung“ потроши 42,8 трилиони вони (37,3 милијарди долари), додека инвестициите на „Sony Corp“, „Toshiba Corp“, „Hitachi Ltd“ и „Sharp Corp.“ севкупно изнесуваа само 16,6 милијарди долари.Од порано беше познато за плановите на „Samsung Electronics Co.“ почнувајќи од 1997 година за издавање обврзници во странство во висина од милијарда долари за да се прошири производството на процесори кои се користат кај смарт телефоните. Обврзниците ќе бидат издадени од страна на американската подружница, а рокот на отплата може да изнесува пет години. Средствата ќе бидат искористени за зголемување на производството во фабриката во Остин, во американската сојузна држава Тексас, којашто компанијата почна да ја користи во нејзиниот полн капацитет во октомври 2011 година.Групацијата „Samsung“, е најголемата во Јужна Кореја и една од водечките светски индустриски групации, која дејствува во разни сектори, како што се електорнскиот, хемискиот, продажниот, во авио и бродоградежништвото и др. Повеќе од 70 отсто од продажбата се одвива преку „Samsung Electronics“, основана во 1938 година од страна на државата, којашто има окулу 280 илјади вработени./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.