Економија
Заздравување на европските берзански индекси
Европските акции во вторникот зајакнаа потпирајќи се на новите надежи во финансискиот пакт за буџетската дисциплина во еврозоната.
Европските акции во вторникот зајакнаа потпирајќи се на новите надежи во финансискиот пакт за буџетската дисциплина во еврозоната.Индексот на лондонската берза FTSE 100 зајакна за 0,7 отсто на 5.709 поени, индексот на берзата во Франкфурт DAX 30 за 1 отсто на 6.508 поени, а индексот на париската берза CAC 40 беше во плус 1,5 отсто на 3.313 индексни поени.Во понеделникот доцна навечер челниците од еврозоната се договорија за ткн финансиски пакт за построга фискална дисциплина, кој се базира на предлозите на Германија, а Европската централна банка (ECB) го поздрави овој потег.Расположението кај инвеститорите, исто така, го поправи и изјавата на грчкиот премиер Лукас Пападимос кој рече дека преговарачите на грчката влада и приватните сопственици на грчките државни обврзници оствариле „значителен напредок“ во разговорите за реструктирањето на грчкиот државен долг и избегнувањето на долгот. Конечниот договор се очекува до крајот на седмицава, како што најави и францускиот претседател Николас Сакрози.„Иако еврозоната се бори за да ги помири штедењето и растот, се чини дека овој нов пакт ги охрабри инвеститорите“, вели за Reuters Франклинд Пикард, директор во „Barclays France“.Во таквата атмосфера најголемите добитници на пазарите беа акциите во нафтениот сектор, зајакнувајќи заедно со цените на нафтата. Така „British Petroleum“ зајакна за 2,9 отсто, „CGG Veritas“ и „Мaurel et Prom“ за 2,5 отсто.Банките, исто така, добија на вредноста, при што „Societe Generale“ зајакна за 5,6 отсто, „Intesa Sanpaolo“ за 3,5, „BNP Paribas“ за 3,1 а „Commerzbank“ за 2,9 отсто. Растот на вредноста на акациите сепак беше ограничена од тензиите поради португалските должнички проблеми, откако приносите на двегодишните португалски државни обврзници достигнаа рекордно ниво од 21 отсто. Се стравува дека Португалија би можела да стане следната жртва на кризата во еврозоната. „Следното прашање ба хоризонтот е Португалија, којашто би можела да биде следната потенцијална опасност за европската унија“, смета Ребека О’Кифи од компанијата „ Interactive Investitor“.Индексот на токиската берза Nikkei зајакна за 0,1 отсто на 8.802 индексни поени,/крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.