Економија
Нафтените пазари чекаат на сигналите на ЕЦБ за јакнење на ликвидноста во еврозоната
Цените на нафтата во четвртокот на меѓународните пазари се зголемија поттикнати од загриженоста за снабдувањето а поддршка добија о од очекувањата дека Европската централна банка ќе ја зајакне ликвидноста во еврозоната за да го поддржи економскиот раст.
Цените на нафтата во четвртокот на меѓународните пазари се зголемија поттикнати од загриженоста за снабдувањето а поддршка добија о од очекувањата дека Европската централна банка ќе ја зајакне ликвидноста во еврозоната за да го поддржи економскиот раст. Цената на барел сирова нафта на лондонскиот пазар се зголеми за 61 цент на 117,81 долар. На американскиот пазар, пак цената на барелот сирова нафта поскапи за 52 цента на 99,23 долари.Организацијата на земјите извознички на нафта OPEC во четвртокот објави дека цената на барел од нејзината референтна кошница нафта во средата изнесувала 115,18 долари, што значи дека за 50 центи бил поскап отколку во вторникот.Во меѓувреме OPEC во четвртокот во редовниот месечен извештај ја намали прогнозата за растот на побарувачката на нафта во светот во 2012 година за 120 илјади барели дневно, на 940 илјади барели нафта дневно. Според прогнозите на овој нафтен картел, годинава растот на побарувачката ќе оди побавно отколку што досега се очекуваше подари должничката криза во еврозоната и високите малопродажни цени. Пазарите во четвртокот беа поддржани од загриженоста за снабдувањето со енергентот, имајќи ја предвид продолжената напнатост на блискиот исток, особено во врска со Сирија и Иран.„Важно е да се укаже дека цените ги поддржуваат тензиите во врска со снабдувањето, чиешто, пак, влијание врз реалното производство засега е главно придушен“, смета Андреј Кријчеников од „VTB Capital“ во анкетата на Reuters.Вниманието сега е свртеноно кон Европската централна банка (ECB) којашто во четвртокот како што се очекуваше ги задржа каматните стапки во еврозоната на 1,0 отсто. Инвеститорите сега очекуваат сигнали за новите инјекции за ликвидност на европскиот банкарски сектор. „Монетарниот вишок на ликвидноста ги ублажува финансиските потешкотии во европскиот банкарски сектор, па годинава нема да имаме банкарска криза, а се намалуваат и приносите на италијанските и на шпанските државни обврзници. Тоа на шпекулативниот капитал му ја олеснува купувачката на договорите за испораките на нафтата“, смета аналитичарот на „DnB NOR“, Торбјорн Кјус../крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.