Економија
Значително зголемена загубата на Дојче Телеком во четвртиот квартал
Германскиот телекомуникациски гигант Deutsche Telekom го заврши последниот квартал од изминатата година со нето загуба од 1,34 милијарди евра, поради отписите во САД и во Грција.
Германскиот телекомуникациски гигант Deutsche Telekom го заврши последниот квартал од изминатата година со нето загуба од 1,34 милијарди евра, поради отписите во САД и во Грција. Со тоа загубата на германската телекомуникациска компанија е за повеќе од двојно зголемена во однос на истиот период од 201 година, кога изнесувал 514 милиони долaри.„На неприлагодената нето добивка негативно влијаеше отписот на гудвилите во САД, како и отписот на гудвилот и имот, фабрики и опрема во југоисточна Европа, во прв ред во Грција, во износ од околу 3,3 милијарди евра“, се наведува во соопштението на Deutsche Telekom, што го цитира Hina.Готовинскиот надомест за американската компанија AT&T во износ од 2,3 милијарди евра за пропадната аквизација на американскиот огранок на Deutsche Telekom во трансакцијата чијашто вредност требаше да изнесува 39 милијарди американски долари не успеа да ги надомести негативните влијанија на овие трошоци, истакнуваат од компанијата. Трансакцијата пропадна поради приговорот на американското министерство за финансии дека таа би можела негативно да влијае врз конкуренцијата на пазарот. Нето приходите се намалени во последниот минатогодишен квартал за 3,7 отсто на 14,911 милијарди евра. Од тоа на матичниот пазар на Deutsche Telekom во Германија отпаѓа 6,623 милијарди евра, 52, отсто помалку отколку во истиот период од 201 година, а на странските пазари, меѓу кои е и Македонија, отпаѓаат 8,288 милијарди евра, што е за 2,4 отсто помалку отколку во последните три месеца од 2010 година.Во целата мината година нето добивката на Deutsche Telekom изнесувала 557 милиони евра, намалувајќи се за 67,1 во однос на 2010 година. Приходите се намалени за 6 отсто и изнесувале 58,653 милијарди евра.Во Deutsche Telekom за 2011 година одлучиле да исплатата иста дивиденда како и за претходната година, во износ од 70 центи по акција. „Во 2011 година компанијата работеше во атмосфера којашто во секој поглед беше предизвикувачка, и тоа нема да се промени ниту во оваа година“, заклучува извршниот директор на За тековната 2012 година се очекува на Deutsche Telekom, Рене Оберман./крај/хи/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.