Економија
Преку задолжница ќе се олеснува наплатата на побарувањата меѓу фирмите
Задолжницата ќе биде нов инструмент кој што ќе им биде ставен на располагање на доверителите во Македонија, во насока на поефикасна наплата на своите побарување, но и ќе им помогне да ги избегнат несигурните плаќачи.
Задолжницата ќе биде нов инструмент кој што ќе им биде ставен на располагање на доверителите во Македонија, во насока на поефикасна наплата на своите побарување, но и ќе им помогне да ги избегнат несигурните плаќачи.Претставувајќи го новиот проект, која треба да стапи на сила на во септември, министерот за финансии Зоран Ставрески информираше дека владата го донела законот за задолжница со цел да им излезе во пресрет на приватните фирми во насока на воведување на нов и поефикасен инструмент во наплата на побарувањата.„Заложницата е инструмент со кој што се обезбедува поголема сигурност во насока на наплата на побарувањата кога станува збор за должничко-доверителските односи меѓу фирмите. Знаеме дека тоа беше еден од клучните проблеми кој што ја услови финансиската недисциплина во стопанството и влијаеше врз ликвидноста на фирмите“, рече Ставрески.Тој изрази уверување дека задолжницата значително ќе им ја зголеми правната сигурност на доверителите и ќе обезбеди повисока наплата на побарувањата.„Кога ќе доспее рокот за наплата на побарувањето, за кое што е издадена задолжницата, а доколку до тој рок должникот не го платил побарување, доверителот има право да отиде во банка да ја приложи задолжницата и од паричните средства на сите депозитни сметки на должникот да биде наплатено побарувањето во корист на доверителот“, рече Ставрески. Во случај должникот да нема доволно пари, банката ја блокира сметката и, како што појасни Ставрески, доаѓа до израз втората функција на задолжницата, а тоа е да се користи како правосилно извршно решение за наплата од непаричен имот на должникот, со што се овозможува да се избегне долгата судска постапка.Ресорниот министер информираше дека издавањето на задолжицата е на доброволна основа од страна на фирмите. „Тоа не е задолжително и е работа на договор на самите фирми, но со тоа што доколку некоја фирми одбие да издаде задолжница претставува индикатор за доверителот дека фирмата не е сигурен плаќач“, смета Ставрески..Предвидено е задолжницата како документ да ја издаваат нотарите, кој претходно ќе провери во Централниот регистер дали се исполнети условите за издавање на задолжница.Износот на кој што се издава задолжницата ќе биде лимитиран до 30 отсто од вкупниот приход што должникот го има остварено во минатата година. Покрај ова, нотарот ќе треба да провери дали можеби е покрената стечајна постапка против должникот или се изречени некакви санкции за неговата дејност. Изработката на законот за задолжница траела цели чест месеци, а во неа биле вклучени бизнис заедницата, научните работници и сите други кои што ќе бидат вклучени во функционирање на овој инструмент, или, пак, имаат некое претходно искуство. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.