Економија
СБ: Сиромаштијата на рекорден минимум
Бројот на сиромашни луѓе во државите во развој падна на рекорден минимум помеѓу 2005 и 2008 година, кога во тие држави стапката на сиромашно население изнесуваше 22 отсто, се наведува во извештајот на Светска банка.
Бројот на сиромашни луѓе во државите во развој падна на рекорден минимум помеѓу 2005 и 2008 година, кога во тие држави стапката на сиромашно население изнесуваше 22 отсто, се наведува во извештајот на Светска банка.Во истражувањето биле опфатени по 850 домаќинства во 130 држави во светот, а под терминот сиромаштија се подразбира едно лице да живее со помалку од 1,25 долари на ден.Студијата покажала дека 1,29 милијарди лица, или 22 отсто од популацијата на земјите во развој, биле сиромашни во 2008 година, што претставува намалување од 1981 година, кога за сиромашни се сметале 1,94 милијарди лица.„Целокупниот свет во развој оствари значителен напредок во борбата против екстремната сиромаштија, но 663 милиони лица кои ја пречекорија линијата на сиромаштијата се уште се сиромашни според стандардите на државите со средни и високи приходи“, изјави шефот на истражувачкиот тим, Мартин Равалион.Најголем пад на сиромаштијата по региони источна бележи Азија и Пацификот, вклучувајќи ја и Кина, каде што во 2008 година 14 отсто од населението било сиромашно, додека во 1981 година тој процент изнесувал 77 отсто.Стапката на сиромаштија во јужна Азија падна од 61 на 32,5 отсто од 1981 година до 2008 година.Во латинска Америка и на Карибите бројот на сиромашните е намален на 6,5 отсто, од 14 отсто евидентирани во 1981 година.На Блискиот исток и во северна Африка бројот на сиромашни изнесува 8,6 милиони, или 3,3 отсто од популацијата, додека во 1981 година сиромашни биле 16, милиони лица.Бројот на сиромашни во Европа и централна Азија достигна кулминација во 1999 година, кога сиромашни биле близу четири отсто од жителите, но сега тој процент е сведен на 0,5 отсто.Најмал пад на сиромаштијата има во субсахарска Африка, каде што стапката од 51 отсто во 1981 година се намалила само до 47 отсто, колку што биле сиромашни во 2008 година. /крај/по/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.