Контакт

Економија

Промовирана стратегија за туризам

Објавено пред

Дефинирање на визија за туризмот во Македонија, со предлагање на реални и одржливи туристички производи, кои треба да се адаптираат кон соодветните целни пазари и да се базираат на сеопфатни оперативни акциски планови.

Дефинирање на визија за туризмот во Македонија, со предлагање на реални и одржливи туристички производи, кои треба да се адаптираат кон соодветните целни пазари и да се базираат на сеопфатни оперативни акциски планови.Ова е основната цел на Стратегијата за туризам и акциониот план што денеска беше промовирана од страна на министерството за економија.Ресорниот министер Ваљон Сараќини појасни дека стратегијата е прифатена од туристичкото стопанство, кое учествуваше во нејзината изработка, но и од владините институции, кои беа консултирани во нејзината изработка.„Стратегијата се состои од три дела: првиот ја содржи сегашната ситуација на туристичкиот пазар, компарација на туризмот во државата со регионалниот туристички производ, како и делот на маркетингот, откако е формирана Агенцијата за промоција и поддршка на туризмот. Направена е и СВОТ анализа за слабите и јаките страни на туризмот кај нас, можностите и предизвиците“, изјави Сараќини. Тој информираше дека вториот дел е стратешка рамка врз основа на анализата, во која се дава план како да се развива туризмот во државата и тоа преку кластери: езерски туризам, вински, културен, рурален и планински со активен спорт. „Конкретните чекори се предвидени во  третиот дел од стратегијата, а тоа е развој на регионален туристички производ во петте кластери, со акционен план за секој кластер и за секој производ пооделно. Акциониот план е за период од 2011 па се до 2015, а за некои активности и до 2018 година“, изјаи министерот за економија.Задолженијата на министерството за економија кои што произлегуваат од акциониот план одат во насока на  регулирање на сивиот пазар на сместувачките капацитети, каде министерството во соработка со државниот пазарен инспекторат ќе работи на засилена контрола, брендирање на туризмот и негова заштита на национално ниво, ширење на мрежа за информативни центри во државата, воведување на туристичка сателитска сметка за правилно навремено и точно собрани податоци во туризмот. /крај/со/ап/



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Халкбанк се стекна со сертификатот „Фер финансиски услуги за потрошувачите“

Објавено пред

На денешен ден, Халкбанк се стекна со сертификатот „Фер финансиски услуги за потрошувачите“ кој го доделува Организацијата на потрошувачите на Македонија врз доброволна основа.

Доделувањето на сертификатот претставува потврда дека Халкбанк е ориентирана кон почитување на правата на потрошувачите и дека посветено се грижи за задоволството на потрошувачите во сите области на дејствувањето.

Сертификатот „Фер финансиски услуги за потрошувачите“ се доделува заради исполнетоста на критериумите во шест одделни области кои се битни за потрошувачите, а се однесуваат на обезбедување точни, недвосмислени, разбирливи и навремени информации, примена на чесни пазарни практики, овозможена комуникација и пристап кон банката за различни категории лица, воспоставен систем за одговорно управување со поплаки од потрошувачите, како и едукација на потрошувачите и развој на финансиската писменост.

„Како што гласи и нашето мото „Важни се луѓето“ – луѓето се поставени во центарот на нашето работење. Негуваме грижа за вработените, негуваме грижа за нашите клиенти и деловни партнери и негуваме грижа за заедницата во која работиме. Особено сме горди што можеме да се пофалиме со стекнување на сертификатот „Фер Финансиски услуги за потрошувачите“ кој претставува уште едно признание дека Халкбанк е банка на народот, банка која работи за граѓаните и нуди врвно банкарско искуство преку создавање на фер и долгорочни односи со клиентите. Како банка ќе продолжиме да растеме заедно со растењето на нашите ценети клиенти, ќе ги поддржуваме и ќе направиме да се чувствуваат како наши партнери. Ќе се трудиме да ја даваме најдобрата услуга на пазарот и ќе се трудиме да бидеме дел од креирањето успешни приказни”, изјави д-р Билал Суџубаши, Главен Извршен Директор на Халкбанк АД Скопје.

Задоволство ни е да го поздравиме пристапувањето на Халкбанк кон процесот на сертификација. Во сите наведени области Халкбанк ги исполнува условите и се стекнува со сертификатот „Фер Финансиски услуги за потрошувачите“. Сертификатот ја верификува обврзаноста на Халкбанк да негува примерен однос кон потрошувачите, а со тоа да придонесува кон нивната доверба и задоволство”, изјави претседателката на ОПМ, д-р Маријана Лончар Велкова.

Сертификацијата се одвиваше врз основа на критериуми за верификација на исполнетоста на критериумите во наведените шест области, а е дел од ЕУ проектот за унапредување на заштитата на потрошувачите и застапување на нивните интереси во финансиските услуги. Проектот е спроведуван од ОПМ, а финансиран од oперативен грант од Програма за потрошувачи на Европската унија (2014-2020) преку Европската организација на потрошувачите (BEUC).

 

 

(ПР текст)

Прикажи повеќе...

Економија

Македонски производи ќе се извезуваат во Украина без царина

Објавено пред

Македонски производи ќе се извезуваат во Украина без царина, ова е договорено на третата седница на меѓувладината комисија по договорот на македонската и украинската влада за трговска и економска соработка, со која преседаваа министерот за економија, Крешник Бектеши, и заменик-министерот за економски развој, трговија и земјоделство на Украина, Тарас Качка, во улога на домаќин.

Изразувајќи го задоволството што по 12 години од одржувањето на втората седница на оваа меѓувладина комисија, министерот Бектеши рече:

„Традиционалното пријателство меѓу двете земји претставува предуслов и стабилна основа за соработката да продолжи со позитивен тренд во периодот што претстои во сите области од заеднички интерес, а особено на економски план. Во последните две години, односно пред пандемијата, успеавме за граѓаните на двете земји да им овозможиме безвизен режим за краткорочен престој од 90 дена, директен авиолет Киев – Скопје и обратно, како и збратимување седум општини од Северна Македонија и Украина. Оваа година двете земји во рамките на билатералните односи успеаја да договорат нова либерализација во согласност со договорот за слободна трговија. Се надевам што побргу ќе се потпише таа либерализација бидејќи е значаен поттик за компаниите да може да извезуваат голем број производи кои се домашно производство, без царина или со намалена царина“.

Министерот информира дека Северна Македонија веќе почна промотивна кампања за извозниот потенцијал на македонски производи и дека Украина е голем пазар за македонското вино и земјоделски производи и во таа насока предложи за можност за промоција, учество на саеми и бизнис-форуми.

Прикажи повеќе...

Економија

НБРМ: Поставеноста на монетарната политика соодветна на макроекономските услови

Објавено пред

На вчера одржната редовна седница на Комитетот за оперативна монетарна политика на Народната банка, беа разгледани движењата на меѓународните и на домашните финансиски пазари и показателите за домашната економија во контекст на поставеноста на монетарната политика, информираат од НБРМ.

Појаснуваат дека на седницата било одлучено основната каматна стапка да остане непроменета, на нивото од 1,25 %, со што монетарната политика и натаму има релаксиран карактер.

„Со оглед на веќе извршеното олабавување во март 2021 година, додека сѐ уште постојат неизвесноста и ризиците поврзани со пандемијата, на оваа седница беше одлучено каматната стапка на благајничките записи да се задржи на постојното ниво, кое беше оценето како соодветно на тековните економски и финансиски услови. Досегашното намалување на основната каматна стапка, како и позначителното намалување на понудениот износ на благајнички записи, придонесе за зголемување на ликвидноста на банкарскиот систем и поддршка на кредитните текови во економијата“, стои во писменото известување. На седницата било потврдено дека вкупната ликвидност ослободена преку основниот инструмент на Народната банка од почетокот на пандемијата е соодветна, при што било одлучено на аукцијата што ќе се одржи денес да се понудат благајнички записи во непроменет износ од 10 милијарди денари.

„Според последните расположливи макроекономски показатели за економската активност, домашниот бруто-производ во првиот квартал од 2021 година забележа реален пад од 1,9 % на годишна основа во услови на трет бран на Ковид-19, што негативно влијаеше врз динамиката на економското закрепнување. Ваквата динамика на економската активност во првото тримесечје беше очекувана во рамките на априлскиот циклус проекции. Тековно расположливите високофреквентни податоци за вториот квартал од 2021 година се ограничени за поцелосно согледување на состојбите, но упатуваат на позитивни сигнали во согласност со стабилизирањето на третиот бран од пандемијата и почнатата имунизација во земјата. Воедно, податоците за април покажуваат значително забрзување на реалниот годишен раст на прометот во вкупната трговија и индустриското производство, во поголем дел поради ниската споредбена основа, што е поврзано со строгите мерки воведени за спречување ширење на Ковид-19 во овој период од минатата година“, велат од Народната банка.

Во однос на инфлациските движења, според информации од оваа институција, годишниот раст на цените во периодот април – мај 2021 година изнесувал 2,9 % и е во согласност со очекувањата според априлските проекции на Народната банка. Во однос на очекуваните движења на увозните цени, последните ревизии се во нагорна насока. Неизвесноста во однос на движењето на светските цени на примарните производи во следниот период е особено нагласена во согласност со неизвесните економски ефекти поврзани со пандемијата и изгледите за справување со неа.

Девизните резерви се одржуваат на соодветното ниво и во сигурната зона, а на крајот на мај 2021 година бележат зголемување во однос на состојбата на крајот на првиот квартал. Во однос на расположливите податоци од надворешниот сектор за второто тримесечје од 2021 година, податоците за април покажуваат проширување на трговскиот дефицит, кој е нешто повисок од очекуваниот за вториот квартал од годината, но периодот на оцена е премногу кус за донесување посигурни заклучоци. Воедно, во согласност со последните податоци за менувачкото работење, остварените нето-приливи се малку повисоки од очекуваните за вториот квартал од 2021 година. Остварувањата кај билансот на плаќања за првиот квартал од 2021 година се во согласност со очекувањата според априлската проекција.

Во рамките на монетарниот сектор, во согласност со првичните податоци за мај, продолжува годишниот раст на депозитите и кредитите, со нешто побрза динамика во однос на априлската проекција.

Општо земено, на седницата на Комитетот било заклучено дека движењата кај основните макроекономски параметри се во рамките на очекувањата. Неизвесноста и ризиците од пандемијата предизвикана од Ковид-19 и понатаму постојат. Народната банка и во следниот период внимателно ќе ги следи трендовите и потенцијалните ризици заради соодветна реакција, доколку е потребно, известуваат од НБРМ.

Прикажи повеќе...

Најново

Македонија2 часа

ЕУ ја стави Македонија на листата безбедни земји за патување

Европската Унија одлучи да ја стави Република Северна Македонија на списокот на земји што се безбедни за патување, пренесуват европските...

Свет3 часа

Борел: Три принципи во новата стратегија на ЕУ кон Русија

Новата надворешнополитичка стратегија на ЕУ кон Русија ќе се заснова на три принципи: одбивање, воздржаност и соработка, изјави високиот претставник...

Регион4 часа

Нови мерки во Србија – дозволени се матурски прослави, угостителите може да работат и на затворено

Поради постабилната епидемиолошка состојба во Србија, од денес во сила се нови мерки, од кои повеќето се однесуваат на угостителските...

Македонија4 часа

Од денеска нема полициски час, дозволени се веселби и настани на отворено

Од ноќеска на полноќ престана да важи одлуката за полициски час, а се укина и ограничувањето на работното време на...

Свет5 часа

Средбата Путин – Бајден во Женева под строго засилени мерки

Денеска, во Женева, американскиот претседател, Џо Бајден, ќе се сретне со рускиот претседател, Владимир Путин, и тоа ќе биде нивна...

Економија5 часа

Денеска се затвора јавниот повик за ваучери за одмор на работници со ниски приходи

Министерството за економија ги известува граѓаните дека заклучно со денешниот ден, 16 јуни (среда), се затвора јавниот повик за издавање...

Свет6 часа

(Видео) Израел бомбардира позиции на Хамас, прекршено примирјето во Појасот Газа

Израел синоќа ги бомбардира позициите на Хамас, со тоа беше прекршено примирјето во Појасот Газа, јавуваат светските агенции. Израелската страна...

Топ20 часа

Пронајдени 1.243 стебла марихуана во близина на болницата „Св. Еразмо“ во Охрид

Полицијата пронајде 1.243 стебла марихуана во близина на болницата „Св. Еразмо“ во Охрид. Според информациите на МВР, приведени се две...

Македонија22 часа

28 новозаразени од коронавирус, нема починати

Министерството за здравство информира дека во последните 24 часа се направени 2.887 тестирања, а регистрирани се 28 нови случаи на...

Македонија1 ден

Актерката Силвија Стојановска доби три и пол години затвор поради учество во шверц на кокаин

Затворска казна од 3,6 години доби актерката Силвија Стојановска за транспортот на 700 килограми кокаин од Колумбија во Шпанија. Нејзиниот...

Македонија1 ден

Филипче ја прими грчката донација од 20.000 дози вакцини од „Астра зенека“

Министерот за здравство, Венко Филипче, на социјалните мрежи објави дека денеска пристигнала донацијата од 20.000 дози вакцини на „Астра зенека“...

Свет1 ден

„Политико“: Има пет работи поради кои Бајден ја сака Европа, една од нив е Балканот

Малкумина американски претседатели стапиле на таа функција со толку многу поминати километри во меѓународни патувања како што е Бајден, пишува...

Македонија1 ден

Вчера се аплицирани 4.840 вакцини, прва доза примиле 3.222 граѓани

На вакциналните пунктови во државата заклучно со вчера вакцинирани се вкупно 259.935 граѓани. Прва доза вакцина вчера примиле 3.222 граѓани,...

Македонија1 ден

Кацарска: Ниту еден политичар не може да ми влијае за некој предмет

Претседателката на Уставниот суд, Добрила Кацарска, тврди дека врз неа не може да влијае ниту еден политичар ниту, пак, да...

Свет1 ден

Израел ги укина маските во затворено

Министерството за здравство на Израел објави дека од денеска веќе не важи обврската за носење заштитни маски во затворен простор....

Македонија1 ден

Владата ќе одлучува за укинување на полицискиот час

На седница што ќе почне денеска во 13 часот, според соопштение од владините служби, на дневен ред пред министрите за...

Свет1 ден

СЗО: Опаѓа бројот на новозаразени од коронавирус во последните седум недели

Генералниот директор на Светската здравствена организација (СЗО), Тедрос Аданом Гебрејсус, рече дека има пад на новозаразени од коронавирус во последните...

Свет1 ден

Бајден вети дека ќе му ја каже црвената линија на Путин

Американскиот претседател, Џозеф Бајден, вчера во Брисел вети дека ќе му каже на својот руски колега Владимир Путин каде е...

Свет1 ден

Кина возврати на обвинувањата на НАТО: Кажувате невистини, ние сме мирољубиви

Кинеската мисија во Европската Унија денеска ја осуди процената на НАТО од вчерашниот самит дека Кина претставува „системски предизвик“. Водачите...

Македонија2 дена

Заев од НАТО Самитот 2021: Трансатлантското семејство е силно како никогаш порано

Премиерот Зоран Заев, заедно со лидерите на земјите членки на НАТО, учествуваше во централниот работен дел на годинешниот Самит на...

Досие