Економија
Јанакиески на работна вечера со камионските трапортери
Министерот за транспорт и врски, Миле Јанакиески присуствуваше на работната вечера со претставници на превозните компании, која ја организира Асоцијацијата на камионски транспортери МАКАМТРАНС, на која се разговараше за актуелните состојби во врска со дејноста превоз во патниот сообраќај.
Во рамките на средбата, министерот за транспорт и врски најави дека аплицирањето за годишните ЦЕМТ дозволи за 2013 година за превозниците кои вршат превоз на стока ќе се врши електронски во периодот од 10 октомври до 15 октомври. На огласот ќе можат да аплицираат сите транспортни компании кои поседуваат важечка лиценца за јавен превоз на стока за меѓународен превоз на стока. Исто така, беше истакнато дека за 2013 година согласно расположивиот контингент на дозволи кои ги има Република Македонија добиени од седиштето на ЦЕМТ Конференцијата во Париз, министерството за транспорт и врски на располагање ќе има 1200 годишни ЦЕМТ дозволи за возила со Еуро 5 стандард како и 800 месечни ЦЕМТ дозволи за возила со Еуро 4 и Еуро 3 стандард. Процентот на покриеност со годишни ЦЕМТ дозволи на возилата со Еуро 5 стандард ќе биде од 78 отсто на ниво на цела Македонија.
Министерот потенцираше дека покриеноста со дозволи на одредена фирма зависи исклучиво од самата фирма односно од исполнувањето на критериумите кои се бодираат, како што се број на возила, број на возачи, големина на приход, големина на добивка, искористеност на ЦЕМТ дозволи и сл. Споредбено со минатата година, во 2012 година беа распределени 1188 годишни ЦЕМТ дозволи од кои 1100 дозволи за возила со еуро 5 стандард и 88 годишни ЦЕМТ дозволи со возила за еуро 4 стандард. Покриеноста на возниот парк со годишни ЦЕМТ дозволи за 2012 година беше 85%, а оваа година планирано е дека по 78%. Во 2012 година година во распределбата учествуваа 1378 возила еуро 5 стандард, а досега во базата на министерството за распределбата за 2013 година се евидентирани 1600 возила со еуро 5 стандард. Значи, споредбено со минатата година фондот на годишни ЦЕМТ дозволи е скоро ист како минатата година, а бројот на возила кои ќе учествуваат во распределба заклучно до денес е поголем од 220 возила.
На средбата, меѓу останатото се најави дека почнувајќи од 1 октомври 2012 година во соработка со Царинската управа на Македонија ќе започне проектот со воведување на EXIM системот за евиденција на превозот на стоки и патници преку граничните премини на Република Македонија. Царинските службеници по извршената контрола во електронскиот систем треба да евидентираат број на извод од лиценца со кој е вршен превозот, број на сертификатот за учество на возачот во меѓународниот патен сообраќај, бројот на дозвола за соодветниот вид на превоз за стока што се врши и сл. Министерството за транспорт и врски и државниот инспекторат за транспорт ќе имаат континуиран увид во системот. Со воведувањето на овој систем ќе се постигне целосна евиденција за вршење на превозот на стока и од домашните и од странските превозници, како и ќе придонесе за намалување на нелегалниот превоз на стока, ќе се разбие злоупотребата на користењето на дозволите за превоз и сл.
Исто така, превозниците беа информирани дека од август оваа година воведена е посебна електронска архива на секторот за патен сообраќај и инфраструктура при министерството за транспорт и врски односно влезните и излезните предмети кои се заведуваат во архивата на секторот се скенираат и се распределуваат за работа. За околу една недела ќе започне и електронска распределба за работа на предметите и помеѓу вработените во секторот при што ќе се овозможи непречена и континуирана контрола за работата на секторот од страна на министерот и државниот секретар. Со воведувањето на посебната архива и електронската распределба за работа на предметите ќе се постигне уште побрза и поефикасна распределба и решавање на предметите, што всушност е и најголема придобивка за превозниците. Дополнително на ова, од 1 септември е започнато издавањето на лиценца за организација на превоз на стока и патници, со што фирмите кои немаат во сопственост возила ќе можат да ја извадат оваа лиценца за организација на превоз при што задолжително треба да ја потврдат својата финансиска стабилност. Со воведувањето на оваа лиценца ќе се намали нелојалната конкуренција и ќе се спречи намалување на нелегално намалување на превозните цени од нелиценцирани превозници.
Претседателот на Асоцијацијата на камионски транспортери МАКАМТРАНС, Билјана Муратовска ја изрази својата благодарност кон Министерството за транспорт и врски и министерот Јанакиески за добрата комуникација со работниците во овој сектор и истакна дека редовните средби меѓу превозниците и претставници на министерството се веќе добро воспоставена пракса која е од големо значење за дополнително подобрување на условите во кои се одвива оваа дејност. Таа ги поздрави реформите кои во изминатиот период се направија во делот на превозот во патниот сообраќај и изрази надеж дека соработката меѓу транспортниот сектор и ресорното министерство и понатаму ќе се продлабочува./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.