Економија
ЕБРД планира три милијарди евра кредити за нова Европа
Европската банка за обнова и развој (ЕБРД) ќе одобри во следните две години три милијарди евра кредити за земјите од југоисточна Европа кои се најдоа под најжестокиот удар на кризата во еврозоната, изјави челник на банката во Токио.
Сума Чакрабарти додаде дека има намера д аги наговори и другите меѓународни финансиски иснтитуции да дадат свој финансиски придонес на ова поле,
Во разговорот за Reuters изминатиот викенд на маргините од редовното полугодишното собрание на Меѓународниот монетарен фонд (ММФ) и Светската банка коешто започна минатиот четврток во јапонската престолнина Токио, на коешто присуствуваат и вицепремиерот и министер за финансии Зоран Ставрески и гувернерот на Народната банка на Македонија, Димитар Богов, претседателот на ЕБРД, Сума Чакрабарти најави покренување на споменатата тема во овонеделните разговори.
ЕБРД ќе се концентрира на поддршка на банкарскиот и на приватниот сектор во земјите од регионот и ќе настојува да го поттикне вработувањето низ големи инфраструктурни проекти, како што се градењето железнички пруги патишата, вели челникот на банката.
Светската банка од своја страна сигнализираше дека е заинтересирана за тој план и би можела да учествува во неговото финансирање со најмногу пет милијарди евра, вели друг добро упатен извор.
Треба притоа да се додаде дека секое евро коешто ќе го вложи ЕБРД, најчесто, во просек привлекува дополнителни 2,6 евра приватни инвестиции, со што проценетиот првичен износ би нараснал на околу 15 милијарди евра.
ЕБРД има намера, инаку, да го подготви кредитниот пакет до крајот на оваа година.
Осврнувајќи се на ситуацијата во новите членки на Европската унија, односно ткн нова Европа, ЕБРД во јули годинава прогнозираше пад на хрватската, словенечката и унгарската економија во 2012 година, а предупреди и дека земјите од југоисточна Европа, како што се Бугарија и Романија, се особено ранливи на кризата во еврозоната поради изложеноста на Грција и другите периферни земји членки на еврозоната.
„Постојано слушаме за Грција, Италија и Шпанија, а речиси никој не зборува за другите земји во соседството на Грција, коишто, исто така, чувствуваа негативни последици од ефектот на прелевањето на кризата“, предупредува Чакрабарти.
Банките во многу источноевропски земји надвор од рамките на еврозоната се во целосна или во делумна сопственост ан западноевропските банки, коишто го намалуваат кредитирањето за да ја подобрат состојбата во своите биланси притиснати од должничката криза во зоната на употреба на единствената европска валута.
Балканките економии, истовремено, во голема мера зависат од вложувањата на Грција, Италија и другите земји од еврозоната.
„Досега настојувањата главно беа насочени на намалувањето на дефицитите, но ја уважуваме и потребата од структурни реформи во земјите од регионот, за да може да уживаат во плодовите од растот кога економиите ќе заздрават“, додава Чакрабатри./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.