Економија
Стартуваше Агрофуд 2012
Меѓународната саемска манифестација за широка потрошувачка Агрофуд 2012, на која се претставени најновите земјоделски машини, насади, вештачки ѓубрива, пијалоци, конзервна индустрија, како и достигнувања во органската храна, отворена е во средата на Скопскиот саем.
На најстарата саемска манифестација, која се одржува по 62 пат, учествуваат компании од Македонија, Бугарија, Италија, Србија, Грција и Словенија.Саемот за широка потрошувачка се простира во две хали на површина од 5.000 метри квадратни. Манифестацијата, која ќе трае до сабота, ја отвори министерот за земјоделство, шумарство и водостопанство, Љупчо Димовски кој посочи дека Република Македонија има со што да се пофали во областа на земјоделството. „Градејќи ја нашата македонска приказна во оваа област сите заедно признаваме една работа – одличниот и посебен квалитет, специфичност и карактеристичен македонски вкус. Тоа е дополнителниот мотив стратешки и заеднички да ја градиме стратегијата за промоција на земјоделските производи во земјава и во светот“, изјави Димовски.Тој информираше за трендот на постојан пораст за финансиските издвојувања за развој на земјоделството и руралните средини Секако дека на тоа не треба да се остане. Министерството изготви посебна програма за настап на најзначајните светски саемски манифестации на кои ќе се презентираат македонските земјоделски производи и преработки, за нивна уште поголема препознатливост и афирмација, рече Димовски.Директорот на Скопкски саем Гвидо Омладич рече дека иако Агрофуд е најстара манифестација таа има огромен потенцијал, бидејќи прехраната е неопходна во животниот циклус на човекот. „Особен потенцијал има Македонија, која е земја на плодородна почва. Органската храна е новиот императив ако сакаме да практикуваме здрав живот, но и создавањето брендови од квалитетна суровина и пласирање прозиводи на странски пазари мора да стане стратешка цел“, изјави Омладич. Во рамки на Арофуд 2012. како пропратни манифестации ќе се одржат третата по ред изложба на ЕКО ЕТНО Македонија каде индивидуално ќе се претстават руралните општини од Македонија, нивната култура, храна и фолклор. За првпат оваа година ќе биде поставен и проектот Слоу фуд Македонија, на кои ќе настапат 12 конвивиуми од Македонија во соработка конвивиуми од Италија, каде ќе се подготвува традицонална здрава храна.Како дел од изложувачката програма се и Федерацијата на органски производители и нејзините членки, Здружението на земјоделци од Куманово, Федерацијата на фармери од Македонија и Средните земјоделски ветеринарни училишта од Македонија. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.