Економија
Развојната страна на Буџетот треба да се гледа и преку приходната страна
Забелешките дека Буџетот за 2013 година не е развоен, според министерот за финансии и вицепремиер Зоран Ставрески, доаѓаат само од опозициската СДСМ, додека експертите се задоволни од него.
„Забелешки има од СДСМ, експертската јавност го поздрави Буџетот. И забелешките од СДСМ се нешто на што сме навикнати во овие години кога проектираме најреален Буџет“, рече Ставрески.
Потсети дека тие прво излегле со став дека Буџетот е реално испроектиран, за по неколку дена самите да се негираат, па претпостави дека веројатно тоа е политички став, а не став базиран на аргументи.
„Развојната компонента на Буџетот треба да се гледа не само преку расходната страна на Буџетот туку и преку приходната страна Буџетот. На расходната страна на Буџетот имаме износ на капитални инвестиции од околу 380 милиони евра, вклучително инвестициите за патишта и тоа е највисок износ во овие 20 години во делот на капиталните инвестиции“, рече Ставрески.
Како голем економски придонес во развојот на економијата и поддршка на фирмите ги наведе плановите за изградба на крупни инфраструктурни проекти од на патната и железничката инфраструктура, енергетската инфраструктура, изградба на училишта, водови, канализации, болници и слично.
„Ако ја погледнеме плус на тоа и приходната страна, каде што Македонија за разлика од сите земји во Европа е единствената што ги задржа ниските даноци од 10 проценти, односно 0 проценти, ако се реинвестира добивката или ако се задржи, ако не се исплати како дивиденда, во пакет тоа го прави развојниот дел на Буџетот најизразен во однос на сите земји во Европа“, рече Ставрески.
Во насока на поддршка на македонската економија ќе се влијае и со покачувањето на пензиите и социјалната помош.
Во однос на јавниот долг, што во Македонија изнесува 30,2 отсто, Ставрески потенцира дека тој не е најголем до сега, затоа што пред шест-седум години била 38 отсто.
„Тоа покажува дека сме во безбедна зона. Македонија е нискосредно задолжена земја, на ниската граница и од тој распон и апсолутно не трена да има грижа, дека со сите мерки и политики и проеккциите ќе се задржи во таа зона. Македонија ќе биде меѓу петте најниско задолжени земји и во следните неколку години“, додаде Ставрески./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.