Економија
Словачка и Македонија со Меморандум за економска соработка
Министерот за економија Ваљон Сараќини во понеделник беше гостин на министерот за економија на Словачка Томаш Малатински, кога двајцата министри потпишаа и Меморандум за економска соработка.
Текстот на Меморандумот е солидна основа за промоција и продлабочување на економската соработка и размена на искуствата во областите кои се однесуваат на процесот за пристапување на Република Македонија во Европската Унија врз принципите на еднаквост, взаемна корист и реципроцитет, соопштуваат од Министерството за економија.
Основната цел на Меморандумот е создавање поволни услови за зајакнување на економската соработка, особено преку: олеснување и поддршка на размената и контактите помеѓу своите економски оператори, создавање поволна атмосфера за инвестиции, олеснување на размената на деловни и економски информации, олеснување на размената на информации за активности на домашниот пазар, вклучувајќи ги и’ правилата кои се однесуваат на заштита на потрошувачите, создавање на поволна клима за соработка во областа на малите и средни претпријатија и развој на претприемништвото, како и соработка и активности во областа на туризмот.
На средбата беше договорено првата седница на Мешовитиот комитет за економска соработка да се одржи во текот на април 2013 година, а беа дефинирани и областите за кои ќе се стави посебен акцент на оваа седница: енергетика, инфраструктура, туризам, земјоделство и актуелни економски прашања.
Сараќини и Малатински ги претставија макроекономските показатели и трговската соработка на двете земји, при што вкупната размена на Република Македонија со Словачка е 0,9 отсто во 2011 година и 1 отсто за деветте месеци од 2012 година, во однос на вкупната структура на Македонија со светот.
Учеството на вкупната трговија со Словачка во рамки на ЕУ 1,6 отсто во 2011 и 1,7 отсто во деветте месеци од 2012 година, при што учеството на извозот во Словачка е 1,5 отсто во 2011 година и 1,9 отсто за деветте месеци од 2012 година во однос на вкупната структура на извоз на Република Македонија, додека учеството на увозот од Словачка 0,5 отсто во 2011 година и 0,47 отсто за деветте месеци од 2012 година.
Што се однесува до инвестициите, според податоците на НБРМ во периодот 1997 – 2010 година од Словачка вкупниот кумулативен прилив изнесуваше од 16.193 милиони евра, па во 2001 година, беше една од целните земји од која се очекуваше инвеститори особено во делот на автомобилски компоненти, информатичко-комуникациска технологија, земјоделство и преработка на храна.
Сепак, како резултат на кризата, во 2011 година нема остварено прилив на инвестиции од оваа земја, додека во првото полугодие од 2012 година има реализирано прилив од 160 илјади евра.
Со оглед на добро развиената структура за користење на средства од европските фондови, словачката страна упати покана до македонската страна за заедничко аплицирање со проекти, при што учеството и искористеноста на двете страни би биле подеднакви.
Во попладневните часови министерот Сараќини ќе ја посети најголемата и најмоќна комбинирана генеративна електрична централа во Словачка Република, која покрај на матичната територија, инвестира и надвор од Словачка./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.