Економија
Ставрески: Владата ќе најде начин да ги исплати обврските и покрај блокадата на СДСМ
Неодговорното однесување на СДСМ со блокада на буџетот во Собранието нема да ја спречи владата да ги реализира обврските и предвидените плаќања кон пензионерите, корисниците на социјалната помош, земјоделците и за реализација на инфраструктурните проекти.
Ова во понеделникот во Собранието го изјави вицепремиерот и министер за финансии, Зоран Ставрески, оценувајќи дека блокадата во Собранието на Законот за буџетот за 2013 година и на задолжувањето кај Светска банка од страна на опозицијата, ќе ја чини Македонија 84 милиони евра.Појаснувајќи го ваквото тврдење, Ставрески рече дека доколку Македонија излезе на пазарот на капитал со еврообврзници за кои нема потреба од одобрение од Собранието, наместо да ги земе двата поволни кредити од СБ, каматната стапка што ќе ја плати ќе биде повеќе од два пати повисока во однос на она што е договорено со Светска банка.„За седум години, колку што изнесува отплатата на таа обврзница или на кредитите од СБ во вториот случај, односно на гаранцијата, Македонија без потреба ќе плати 84 милиони евра повеќе отколку што би платила кога би ги зела парите од Светска банка, рече вицепремиерот“, изјави Ставрески.Ресорниот министер го праша СДСМ дали државата има вишок пари односно 84 милиони евра за да го плати неодговорното однесување на СДСМ и заради заштита, како што рече, безуспешна во секој случај, на политичката кариера на Црвенковски. „Цената ќе ја плати стопанството бидејќи ќе се доведе во прашање ликвидноста и реализацијата на обврските, цената ќе ја платат пензионерите, затоа што ќе се загрози зголемувањето на пензиите, социјалците, затоа што ќе се загрози зголемувањето на социјалната помош, земјоделците, затоа што ќе се загрози зголемувањето на субвенциите, цената ќе ја платиме сите ние затоа што ќе се закочи реализацијата на крупни инфраструктурни проекти“, изјави СтаврескиТој изрази уверување дека Владата и ВМРО-ДПМНЕ секако нема да дозволат да се случи тоа и оти ќе најдат начин како да се реализираат обврските и предвидените плаќања, а во зависност од однесувањето на опозицијата, Владата ќе заземела соодветен став како да продолжи понатаму.Ставрески смета дека однесувањето на СДСМ е скандалозно, штетно и неодговорно и со него првенствено се посрамотува себеси како политичка партија, се посрамотува и Република Македонија, ги нарушува односите со Светска банка и ги загрозува интересите на сите македонски граѓани.Никогаш претходно во Македонија, ниту еднаш опозицијата не кочела задолжувања од сличен тип и не го довела во прашање носењето на буџетот за следната година. Ова не само што го нема во Македонија во претходните 20 години, туку го нема и во ниту една европска земја. Го нема дури ни во Грција, ниту во Италија и во други држави кои имаат државен долг поголем од 100 проценти за разлика од Македонија која има 30 проценти државен долг од БДП, рече Ставрески.Според него, кредитите што треба да ги земе Македонија се речиси идентични со обврските што треба да ги плати догодина, поради што, како што рече, неиздржани се аргументите на СДСМ оти со тие задолжувања ќе се зголеми долгот на државата или пак тие пари ќе се трошат за други намени. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.