Економија
Банките и натаму тргуваат со злато во Турија и покрај заработката на Иран
Банките и натаму тргуваат со злато во Турција и покрај американското противење на сѐ посилното тргување со кое Анкара од Техеран купува гас за злато, што на Иран му овозможува да се справува со меѓународните санкции.
„И натаму нормално работиме. Ги проверуваме сите санкции и идентитетот на клиентите, но не добивме никаква посебна забран во врска со трансакциите со злато“, изјавил во вторникот висок службеник на турска банка кој поради чувствителноста на темата побарал да остане неименуван, пренесува Reuters.
Турција во првите 11 месеци од 2012 година го зголемила својот извоз на злато на 6,5 милијарди долари од 54 милиони долари во претходната 2011 година, откако САД ги засилија санкциите за Иран поради неговата контроверзна нуклеарна програма.
Турција е најголемиот купувач на иранскиот природен гас, но поради санкциите не смее на Иран да му плаќа во долари или евра. Затоа плаќа во турски лири кои на Техеран малку му користат на меѓународните пазар, но се идеални за купување злато во самата Турција.
Тоа не доаѓа во конфликт со постојните западни санкции, а на Иран му помага да одржи финансиска стабилност иако е исклучен од поголемиот дел од светскиот банкарски систем.
Турскиот министер за економија Зафер Каглајан минатата седмица изјави дека продажбата на злато на Иран ќе продолжи, бидејќи целата трговија ја спроведува приватниот сектора не држава кон држава, па не потпаѓа под санкциите.
Трговијата се одвива така што куририте летаат со милиони во багажот од Истанбул до Дубаи, од каде што се префрлуваат во Иран, изјавија за Reuters добро известени кругови.
Авион на турската воздухопловна компанија ULS Cargo кој превезува тон иполовина златни прачки беше блокиран од минатиот вторникот на меѓународниот аеродром во Истанбул, а турските власти тврдае дека документацијата за товарот не е уредна.
Авионот од типот „Airbus 330“ на летото меѓи Гана и Дубаи бил пренасочен кон истанбулскиот аеродром „Ататурк“ поради проблеми со горивото. Кога било забележено дека недостасуваат некои документи, авионот бил блокиран а товарот запечатен.
Полицијата околу авионот распореди силни единици за да спречи евентуален обид за полетување или кражба на товарот.
Турските медиуми претпоставуваат дека станува збор за товарот во златни прачки претставува плаќање на Гана за Иран кој е под меѓународни санкции поради неговата контроверзна нуклеарна програма и летал преку Дубаи за да не привлекува внимание.
Инцидентот не го коментираа ниту претставници на турските власти, ниту претставници на турската карго компанија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.