Економија
Економија Б92: Тодоровиќ ќе инвестира во хотел во Белград
Владимир Тодоровиќ, градоначалникот на скопската општина Центар и познат македонски стопанственик од српско потекло, планира да отвори хотел во центарот на Белград, пишува Б92, повикувајќи се на српската Канцеларија за дијаспора.
Тодоровиќ оваа идеја му ја изнел на заменикот директор на канцеларијата за дијаспора Александар Влајковиќ, кој престојуваше во Македонија по повод свеченоста за празникот на српската заедница Свети Сава.Влајковиќ во таа прилика се состана со Тодоровиќ и со македонскиот премиер Никола Груевски, пишува Б 92.Тодоровиќ истакнал дека има намера да разговара со сопствениците на една голема деловна зграда во близина на најпознатата белградска улица Кнез Михаилова, кои биле познати по купувањето на некогашниот синџир на стоковни куќи „Београд“.Доколку успеал со нив да се договори, Тодоровиќ би се распрашал за купување на земјиште во Белград, на кое би го реализирал својот проект за отворање на хотел.Премиерот Никола Груевски, кој е лидер на владеачката ВМРО-ДПМНЕ, на која и припаѓа и Тодоровиќ, изразил надеж дека српската држава и градот Белград ќе ја поддржат оваа македонска инвестиција, пишува Б 92.Александар Влајковиќ ја поздравил намерата на македонскиот бизнисмен да вложи средства во отворање на хотел во Белград, кој станува се поголема туристичка дестинација и изразил подготвеност на Канцеларијата за дијаспора да помогне во поврзување со надлежните институции, со цел намерата на инвеститорот што поскоро да се реализира.Македонскиот премиер истакнал дека Тодоровиќ е пример кој покажува дека Србите ги заземаат најистакнатите позиции во македонската држава и дека можат да бидат мост за поврзување со Србија, пишува на сајтот на канцеларијата за дијаспораВладимир Тодоровиќ важи за еден од најуспешните бизнисмени од српско потекло во Македонија. Роден е во Пирот, одраснал во Македонија, каде завршил Градежен факултет. Тој е сопственик на „Тинекс“, најголемата трговска мрежа во македонија, а го развива работењето и во друг области, пишува Б 92. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.