Економија
Интензивирање на соработката меѓу Македонија и Унгарија во земјоделството
Претставници од Федерацијата на фармерите на Ребулика Македонија (ФФРМ) од 12-ти до 14-ти февруари рпестојуваа во тридневна посета на Унгарија каде што беа реализирани средби со градинари, претприемачи владини и невладини институции кои работат на полето за развој на унгарското земјоделство.
Студискиот пресдтој на ФФРМ беше организиран во соработка со македонската амбасада во Унгарија , така што првата средба ФФРМ ја реализира со македонскиот амбасадор во Унгарија, Дарко Ангелов, кој истакна дека економската криза се чувствува и во унгарското стопанство. На самата средба беа потенцирани понатамошните активности кои амбасадата на Македонија во Унгарија и ФФРМ може да ги реализираат во насока на презентирање на македонското земјоделство и можноста за пробивање на македонските земјоделски производи на унгарскиот пазар.
ФФРМ реализираше средба со Иштван Јакоб, претседател на Национална асоцијација на здруженија на унгарските фармери и кооперативи, MAGOSZ која се одржа во парламентот на Унгарија, каде што Јакоб ја извршува и функцијата на потпретседател на унгарското собрание. На самата средба исто така беше посочено потребата од интензивирање и продлабочување на соработката меѓу МАГОСЗ и ФФРМ и воопшто помеѓу македонското и унгарското земјоделство на билатерално ниво.
Иштван Јакоб го пренесе искуството на формирање и трансформација на MAGOSZ. Тој посебно ја нагласи потребата од пренесување на знаење на фармерите и единството кои тие треба да го имаат за да бидат успешни.
Делегацијата на ФФРМ реализира средба во Министерството за рурален развој со државниот секретар, Ѓула Будаи, кој зборуваше за состојбите во унгарското земјоделство, досегашната соработка на ова поле меѓу Македонија и Унгарија и можностите за продлабочување на соработката. За време на самата средба раководители на сектори во Унгарското министерство за рурален развој одржаа презентации каде што ги запознаа македонските претставници со функционирањето на унгарското земјоделство , групи на производители во секторот градинарство во Унгарија , системот на финансиска поддршка на ЕУ во секторот градинарство и преработувачката индустрија во секторот градинарство во Унгарија.
Целта на студиското патување е реализирање на средби и размена на искуства со унгарските земјоделции и институции во полето на кооперативите и градинарствто, така што посетени се и преработувачки капацитети на зеленчук. Од страна на ФФРМ присуствуваа членови на управниот одбор на Федерацијата (Никола Стаменов и Дијана Стоичовска), градинари и извршниот директорот на ФФРМ, Ѓорги Јовановски.
Имено студискиот престој е реализиран од страна на Федерацијата на фармерите и консултанстката куќа МЦГ, а подржан од Агбиз програмата на УСАИД./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.