Економија
ММФ: Македонија може да оствари раст од два отсто, но постојат ризици
Умерен економски раст од два отсто во 2013 година се уште е остварлив за македонската економија, но е предмет на значителни проблематични ризици, со оглед дека надворешната средина останува тешка.
Ова во вторникот во Скопје го изјави Ивана Владкова Холар, шеф на тимот на Меѓународниот монетарен фонд (ММФ), што во изминатите две недели спроведе мониторинг на македонската економија.Политиката на конзервативни фискални, монетарни и финансиски политики им овозможи простор на македонските власти во политиките за соочување со ефектите од прелевањето на глобалната криза“, изјави Владкова Холар на заедничката прес конференција со министерот за финансии Зоран Ставрески.„Македонија избегна голем пад во производството и проблематичен одлив на капитал и е добро позиционирана да се врати кон растот кога ќе дојде до заздравување на ситуацијата во Европа“, рече шефот на тимот на ММФ.Таа оцени дека планираниот дефицит на владата од 3,5 отсто како и тековната монетарна политика се соодветни на актуелните состојби.Владкова Холар и советуваше на Македонија како што ќе се враќа растот на економијата постепено да го намалува нивото на долгот со цел да создаде простор за идни контрациклични одговори.ММФ смета дека властите треба повторно да воспостават среднорочна фискална стратегија и стратегија за управување со долгот во креирање на буџетскиот процес за 2014 година, што би ја зголемило транспарентноста и би претставувало рамка за приоритетните трошоци.Тимот на ММФ оцени дека македонските власти направиле добар напредок во продолжување на роковите за доспевање на внатрешниот долг.„Банките се финансираат главно од депозити на резидентите и не зависат од надворешно финансирање на големо. Потребите на јавниот сектор за надворешно финансирање за 2013 година се исполнети, а нивото на девизни резерви се соодветни. Сепак, надворешното опкружување останува непостојано така што властите треба да останат будни и да реагираат на стресоците со ниска веројатност, но со големо влијание врз довербата“, рече Владкова Холар.Министерот Ставрески рече дека постојат изгледи Македонија да го оствари проектираниот раст од два отсто, додавајќи дека тоа пред се би се базирало на солидното остварување на компаниите што работат во слободните економски зони и на јавните инвестиции во неколку клучни области, пред се во патната инфраструктура „Вкупната оценка е дека нашата позиција во однос на долгот и буџетскиот дефицит е адекватна на времето во кое што работиме и дека Македонија има добри изгледи штом се стабилизираат условите во Европа да оствари заздравување на економскиот раст и да се врати на патеката на повисоки стапки на економски раст“, истакна Ставрески.Тој рече дека состојбите во европската економија се сеуште чувствителни и во голем дел остварувањата на македонската економија ќе зависат од она што ќе се случува во европската економија.„За нас е охрабрувачки тоа што заклучоците на мисијата на ММФ покажуваат дека Македонија е земја со стабилна економија и солидни макроекономски перформанси во едно тешко опкружување“, изјави Ставрески.Наведувајќи дека расчистувањето на заостанатите долгови кон приватниот сектор придонесе за потребната ликвидност на компаниите, Ставрески вети дека владата во иднина нема да има одложени обврски кон фирмите. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.