Контакт

Економија

Министерството за финансии ја објави спогодбата за „Јужен поток“

Објавено пред

Македонското министерство за финансии во средата на својата веб страница го објави договорот со Руската Федерација за соработка при изградба на гасоводот-кракот за испорака на гас во Република Македонија.

Спогодбата предвидува двете страни да го помагаат проектирањето, изградбата и користењето на гасоводот-кракот од магистралниот гасоводен систем, кој се гради од Русија преку Црното море и териториите на трети земји, за испорака на природен гас во Македонија во случај да се потврди целисходноста на реализацијата на проектот гасовод-крак.Од македонска страна за утврдување на целисходноста овластено е акционерското друштво „Македонски енергетски ресурси“, а од руска страна отвореното акционерско друштво „Гаспром“.Овластените организации извршуваат анализа, чија цел е одредување на техничката, економската, еколошката и финансиската оправданост на реализацијата на гасоводот-кракот и врз основ ана нејзините резултати заеднички ја потврдуваат целисходноста.Доколку биде донесено решение за целисходноста на реализација на проектот гасовод-крак, истото треба да биде одобрено од компетентните органи на двете влади, за што меѓусебно ќе се информираат по дипломатски канали.Во случај да биде дадено зелено светло, овластените организации ќе основаат заедничка компанија за реализација на гасоводот-кракот, при што и македонскиот и рускиот основач ќе имаат по 50 отсто удел. Евентуална одлука за привлекување на нови акционери ја донесуваа усогласено.Трасата на гасоводот-кракот, вклучувајќи ја и географската точка на влез во Македонија и неговата проектирана пропусната моќ, се усогласува од страна на основачите на база на резултатите на техничко-економската пресметка.Конкретни обеми, услови и рокови на испораката на природниот гас преку гасоводот-кракот се определуваат со соодветни договори. Целта на спогодбата, меѓу другиот, е да придонесе кон зголемувањето на енергетската безбедност врз основа на осигурување на стабилна испорака на гас од Руската Федерација кон Република Македонија.Договорот беше потпишам на 23-ти овој месец во Москва, а двете страни оценија дека тој е добра основа за интензивирање на економската соработка меѓу двете држави.„Јужен поток“ започна да се гради минатата година. Предвидено е до 2015 година да се изгради морскиот крак под Црното море, а до 2018 година проектот целосно да биде завршен. Опозицијата деновиве ја повика македонската влада да го објави договорот што го потпишала со руската Федерација./крај/

Економија

Бесими: Продолжуваме со практиката да ги дискутираме плановите и политиките со бизнис заедницата

Објавено пред

Планот за забрзан економски раст, кој е еден од стратешките документи што ги подготвува Министерството за финанси и кој е пред усвојување, како и можностите што ги нуди тој за инвестирање денеска беа претставени пред засегнатите страни во имплементацијата на предвидените активности од Планот.

Министерството за финансии ја продолжува практиката да ги дискутира своите планови и политики со бизнис заедницата. Затоа ја воспоставивме и СЕФФ платформата, која е активна по одржување на Првата конфернција на МФ во септември годинава, а во чии рамки се одржа и денешната дискусија со претставници на стопанските комори, банките, развојните партнери, како и институциите кои ќе бидат вклучени во реализација на Планот, односно директорите на Дирекцијата за ТИРЗ, Развојната банка на Северна Македонија и на Фондот за иновации и технолошки развој.

„Во насока на нашите заложби за фискална консолидација, а воедно и заложбите за удвојување на економскиот раст и постигнување годишни стапки на раст на БДП од околу 5%, Министерството за финансии го подготви Планот за ззабрзан економски раст. Целта на Планот е да се зголемат вкупните инвестиции во економијата, а притоа да се остане на зацртаниот курс постепено да се намалува фискалниот дефицит, а со тоа и да го задржиме долгот на стабилно ниво, рече министерот за финансии Фатмир Бесими.

Овој план нуди нови начини за пристап до капитал за финансирање на заздравувањето и забрзувањето на економскиот раст, преку инвестициски проекти во јавниот и приватниот сектор. Покрај традиционалните инструменти, предложени се и повеќе иновативни начини за финансирање на инвестициите, користење на расположливите средства од официјалните кредитори и искористување на сите можности за мобилизација на приватниот капитал.

“Главната поента на Планот е преку креирање и користење нови механизми, инструменти, фондови и извори на финансирање да се создаде позитивен мултипликативен ефект, односно покрај планираните јавни инвестиции во износ од околу 4 милијарди евра за периодот 2022-2026 година, финансирани од буџетот, ИПА фондовите и меѓународните финансиски институции, да се мобилизираат неколкукратно повеќе средства и инвестиции од приватниот сектор“, потенцира министерот и оцени дека со тоа ќе се влијае не само на зголемување на вкупните инвестиции и забрзување на растот, туку и на отворање нови работни места.

Планот за забрзан економски раст е насочен кон инвестиции во јавни проекти, инвестиции во приватниот сектор, реформски политики и институционални реформи, а приоритетни области на кои ќе биде фокусиран се зелена економија, дигитализација, иновации и технолошки развој, човечки капитал, физичка инфраструктура и социјална кохезија. Покрај од буџетот, средствата за реализација ќе се обезбедуваат преку меѓународни и билатерални финансиски инститиуции, приватни институционални инвеститори, банки и развојни партнери, како и грантови.

Планот за финансирање на економското заздравување и забрзаниот раст треба да се усвои од страна на Владата, а активностите се предвидени за периодот од 2022-2026 година.

Дел од инструментите кои веќе стојат на располагање и новите инструменти предвидени во Планот, во текот на дискусијата беа претставени од страна на директорот на Развојната банка, Кире Наумов, директорот на Фондот за иновации и технолошки развој (ФИТР), Коста Петров и директорот на Дирекцијата за технолошки индустриски развојни зони (ТИРЗ) Јован Деспотовски.

Прикажи повеќе...

Економија

Нацевска: Финтек-компаниите заинтересирани за развивање нови услуги во платежната сфера

Објавено пред

Преку Портата за иновации на Народната банка согледуваме дека финтек-компаниите се заинтересирани за развивање и понуда на нови услуги во платежната сфера. Тие може да го олеснат управувањето со паричните средства на компаниите, коишто се водат на платежни сметки кај повеќе даватели на платежни услуги, преку следење во реално време на состојбата и извршените трансакции. За таа цел, ќе требно да се воведе концептот на т.н. „отворено банкарство“, којшто подразбира воспоставување стандарди за отворена и сигурна комуникација. Народната банка работи на изготвувањето соодветен подзаконски акт со кој ќе се пропишат стандардите за отворена и сигурна комуникација, усогласен со стандардите коишто се применуваат во Европската Унија.

Ова го истакна вицегувернерката на Народната банка, Емилија Нацевска, на панел-дискусијата „Долгорочни можности: Економски и правни аспекти на регулативата за инвеститорите во РСМ“, на виртуелниот национален настан во рамките на Светската недела на инвеститорите т.н. бизнис-ангели, којшто се одржа вчера, во организација на Сојузот на стопански комори на Македонија и Светскиот инвестициски форум на бизнис-ангелите.

Нацевска меѓу другото се осврна на придобивките од залагањата на финтек-компаниите за олеснување на плаќањата и преносот на средства, преку понуда на иновативни решенија за дигитализација на платежните услуги.

„Со користењето на иновативните решенија на финтек-компаниите, во иднина граѓаните ќе можат полесно да иницираат плаќања од своите платежни сметки коишто ги одржуваат кај банките или кај други даватели на платежни услуги, како и да добијат прегледни и корисни збирни и аналитички информации за своето потрошувачко однесување, во однос на извршените плаќања во одреден временски период преку своите платежни сметки кај различни даватели на платежни услуги“, истакна Нацевска.

Резултатите од истражувањето на Народната банка, коешто го презентира Нацевска, потврдуваат дека финтек-секторот може да обезбеди поголеми можности и подобри услуги за потрошувачите и малите бизниси и може да придонесе за усогласување на финансискиот систем со најдобрите меѓународни практики.

Во своето излагање, вицегувернерката потсети и дека Народната банка, во соработка со Министерството за финансии, работи на нова регулативна рамка во платежната сфера со експертска поддршка од Европската Унија. Новата регулативна рамка ќе придонесе за побрз развој на финтек-секторот во земјата.

Прикажи повеќе...

Економија

Народна банка: ЕК со највисоки оценки за монетарната политика

Објавено пред

Во Извештајот на Европската комисија (ЕК), во којшто на годишна основа детално се оценуваат политиките и напредокот во реформите на секоја земја кандидатка или потенцијална кандидатка за членство во Европската Унија, дадени се позитивни оцени за монетарната политика и Народната банка на Република Северна Македонија.

„ЕК оценува дека од аспект на монетарната политика, усогласувањето со европското законодавство е во напредна фаза, а се истакнува и дека за време на корона-кризата, централната банка успеа да ја одржи финансиската стабилност, како и да овозможи простор за значителна кредитна поддршка за граѓаните и компаниите. Во Извештајот се нагласува и исклучителната важност на независноста на централната банка“, соопшти Народната банка.

„Целосно независна институција, ослободена од мешање од други власти, е од витално значење за остварувањето на улогата на централната банка, како гарант за монетарната и финансиската стабилност“, стои во Извештајот.

Од ЕК оценуваат дека за време на кризата предизвикана од Kовид-19, централната банка успеала да ја одржи финансиската стабилност и да овозможи значителна кредитна поддршка за граѓаните и за компаниите. Се наведува дека Народната банка ја намалила основната каматна стапка на историски најниското ниво од 1,25%, со што ја ослободила потребната ликвидност во стопанството заради поттикнување на економската активност. ЕК посочува и дека монетарната политика е соодветна на макроекономските услови, а во Извештајот се истакнува и трендот на раст на кредитната поддршка.

Во Извештајот се наведува дека покрај тоа што го поддржува тековното економско закрепнување, монетарната политика внимателно ги следи и зголемените инфлациски притисоци.

Во поглавјето за статистиката, посебна оцена е дадена за статистиката во надлежност на централната банка. Европската комисија напоменува дека Народната банка ѝ е целосно посветена на примената на кодексот на статистичките стандарди и дека го подобрува својот капацитет за нивно постојано спроведување во своето работење. Како особено достигнување е издвоен фактот дека во областа на статистиката за финансиските сметки, Народната банка за првпат ги објави годишните податоци за финансиските сметки и редовно ги доставува податоците до Евростат, со подобрена методологија и покривање за одредени финансиски инструменти. Во однос на статистиката за билансот на плаќања и за директните странски инвестиции (СДИ), од ЕК нагласуваат дека Народната банка ја изготвува според најновите стандарди.

Во Извештајот се бележи и дека Законот за платежни услуги и платни системи, чија цел е усогласување на домашното со европското законодавство, влезе во владина процедура, како и тоа дека Народната банка е во напредна фаза на подготовка на подзаконските акти. Исто така, истакнато е дека Народната банка оствари напредок и во спроведувањето техничка анализа и откривањето фалсификувани пари, преку нови методолошки алатки, како и навремена размена на податоци со националните и меѓународните институции.

Прикажи повеќе...

Најново

Македонија33 минути

Мицкоски: Заев ништо не разбрал, народот е веќе обединет, но против него

Зоран Заев ништо не разбрал. Зоран Заев само ја повторува истата прес-конференција од лани кога исто така лажеше дека ја...

Македонија1 час

(Видео) Заев: Свесни сме дека повеќе нема толеранција за повторување на истите грешки

Претседателот на СДСМ и премиер, Зоран Заев, смета дека не може да влечат назад, а Владата да води напред. Затоа...

Топ2 часа

Со ремен ја тепал сопругата, замавнал со нож кон ќерката, гостиварец вршел семејно насилство

43-годишен гостиварец е обвинет за семејно насилство, информираа надлежните. Основното јавно обвинителство Гостивар поднесе Обвинителен предлог против 43-годишен гостиварец за...

Македонија3 часа

Починати 15 лица, регистрирани нови 487 случаи на Ковид-19

Министерството за здравство информира, согласно податоците од Институтот за јавно здравје дека во последните 24 часа се направени 3.491 тестирањe,...

Македонија4 часа

Борел и Блинкен бараат без одлагање почеток на преговори за Македонија

Во заедничката изјава за Западен Балкан, европскиот министер за надворешни работи, Жозеп Борел, и американскиот државен секретар, Ентони Блинкен, повикаа...

Македонија5 часа

Гир: Европската комисија очекува прва Меѓувладина конференција до крајот на годинава

Извештајот доаѓа во контекст на неодамнешниот Самит на Европската Унија за Западен Балкан, каде се даде недвосмислена поддршка за европерспективата...

Свет6 часа

Во Израел откриена мутација на делта-сојот од коронавирус, момче сместено во карантин

Израел го потврди првиот случај со мутација на делта-сојот на коронавирус, кој претходно беше откриен во некои европски земји, објави...

Македонија7 часа

Со една доза вакцинирани се 49,4% од населението над 18-годишна возраст

Заклучно со 17 октомври со една доза на вакцина против Ковид-19 вакцинирани се 49,4% од населението над 18-годишна возраст. Кај...

Македонија7 часа

Пендаровски: Извештајот на ЕК претставува објективна слика за состојбите во државата

Претседателот Стево Пендаровски денеска имаше средба шефот на делегацијата на Европската Унија, амбасадорот Дејвид Гир, кој му го предаде извештајот...

Македонија7 часа

До ДИК поднесени 13 приговори за изборните резултати

До Државната изборна комисија се поднесени 13 приговори за постапката за гласање и за постапката за сумирање и утврдување на...

Спорт10 часа

Потврдено: Ако не се вакцинира, Ѓоковиќ нема да игра на Австралија опен

Најдобриот тенисер во светот, Новак Ѓоковиќ, нема да може да ја брани титулата на Австралија опен, доколку не се вакцинира....

Македонија23 часа

Вархељи повика на итно решавање на спорот со Бугарија до крајот на годината

Еврокомесарот за проширување, Оливер Вархељи, очекува зелено светло за преговорите со Северна Македонија и Албанија и повика на итно решавање...

Македонија24 часа

Северна Македонија продолжува да ги исполнува условите за преговори за членство во ЕУ, се наведува во новиот извештај

Северна Македонија продолжува да ги исполнува условите за отворање на преговорите за членство и властите ја демонстрираа јавно својата цврста...

Македонија1 ден

Димитриевски: Лица од МВР три недели нè следат мене и мојот тим, тоа е вршење притисок поради изборите

Градоначалникот на Куманово, Максим Димитриевски, кого утрово полицијата го сопре и го прaти со возилото на технички преглед, на прес-конференција...

Македонија1 ден

Се укинува ограничувањето на бројот на гости на една маса во угостителските објекти

Владата на денешната редовна 113. седница, меѓу другото, во согласност со моментната епидемиолошка состојба во државата усвои измени и дополнувања...

Македонија1 ден

(Видео) Мицкоски ја повика цела опозиција зa уривање на Владата

Претседателот на ВМРО-ДПМНЕ, Христијан Мицкоски, упати повик до Левица и сите опозициски партии, но и до владините кои се во...

Македонија1 ден

За една недела од коронавирус починале 26 вакцинирани лица, од кои најголем дел примиле „синофарм“

Во периодот од 8 до 14 октомври од коронавирус починале 105 пациенти, а 75 % од нив не биле вакцинирани....

Македонија1 ден

МВР не ја наведува причината за запирањето на Максим Димитриевски и најави истрага за случајот

Од Министерството за внатрешни работи по сопирањето на градоначалникот на Куманово, Максим Димитриевски, велат дека за случајот е вклучен Одделот...

Македонија1 ден

Уште 27 Авганистанци заминаа од земјава

Група од 27 граѓани на Авганистан кои привремено престојуваа во земјава изутрината од Меѓународниот аеродром Скопје, со членови на нивните...

Македонија1 ден

35 проценти од популацијата во државата примиле две дози вакцина

Во текот на вчерашниот ден аплицирани се вкупно 3.475 дози вакцини, од кои 917 се аплицирани како прва доза, 2.509...

Досие