Економија
OECD: Најголемите светски економии ги зголемиле субвенциите за земјоделието во 2012-та
Најголемите светски економии минатата 2012 година ги зголемиле земјоделските субвенции и покрај напрегнатите буџети и високите цени на храната, утврди Организацијата за економска соработка и развој (OECD).
Минатата година државната поддршка во земјоделието во 47 најразвиени земји во светот во просек достигнале вредност од околу 17 отсто од бруто приходите во овој сектор, во однос на 15 отсто, колку што изнесувале во 2011 година, објавија од OECD во редовниот годишен извештај. Тоа зголемување, всушност, било непотребно, имајќи предвид дека повисоките цени на земјоделските производи дале добра можноста да се намалат субвенциите, сметаат од OECD.
„Светските пазари на храни и стоки доживуваат будење и се очекува дека цените на стоките и натаму ќе растат, па е вистински момент владите веродостојни да се обврзат да спроведат опсежна реформа на земјоделските субвенции“, заклучува директорот на OECD за трговија и земјоделие, Кен Еш.
Извештајот беше претставен во Брисел, во седиштето на Европската унија, којашто според наводите на OECD презема „значителни чекори“ за да ја реформира извонредно великодушната програма на субвенции. Сепак, можни се и дополнителни подобрувања, се напомнува натаму во споменатиот извештај.
Во јуни Европската унија најави голема реформа на контроверзната Заедничка земјоделска политика (CAP) којашто би требало да ги опфати пониските субвенции за индустриските фарми и поттикнувањата за младите земјоделци. Според важечките прописи, 80 отсто од субвенциите во рамките на CAP се исплатуваа на 20 отсто од земјоделските претпријатија коишто се занимаваат со интензивно производство, имајќи предвид дека неколку земји уште ги поврзуваат субвенциите со нивното на производството. Според новиот предлог земјите членки ЕУ до 2019 година треба да се погрижат секој земјоделец да добие најмалку 60 отсто од просечниот износ од субвенциите по хектар.
Во OECD, притоа, предупредуваат дека планираната реформа „не претставува значително отклонување, ниту од актуелната ориентација, ниту од обем на поддршка во 28-членито блок“. Според оваа меѓународна организација субвенциите минатата година достигнале противвредност од 19 отсто од бруто приходот во земјоделието во ЕУ, о споредба со 7 отсто колку што изнесувале во САД.
Најголемите економии во формирање, пак, минатата година повторно ги зголемиле земјоделските субвенции, коишто во Кина изнесувале 17 отсто од вкупните приходи а во Индонезија 21 отсто. Нивното ниво, пак, останало релативно ниско во Бразил, на 5 проценти, и во Јужноафриканската Република, каде што изнесувала 3 отсто./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.