Економија
Ставрески:Извештајот на Дуинг Бизнис индикатор дека бизнис климата е на високо ниво
Вицепремиерот и министер за финансии Зоран Ставрески изрази задоволство од последниот извештај на Дуинг Бизнис (Doing Business 2014), на кој Македонија повторно се најде меѓу десетте топ реформатори, а на глобалната листа е прва во поширокиот регион.
Според Ставрески, особено радува податокот што Македонија е подобро рангирана од дури 19 држави членки на Европската унија, меѓу кои Холандија, Австрија Белгија, Словенија и многу други.Тоа треба да претставува индикатор дека вкупниот амбиент за водење на бизнис во Македонија е навистина на високо ниво, вели Ставрески.„Се’ на се’ можеме да бидеме задоволни од остварувањето и од она што секоја година Македонија е меѓу топ десет реформатори, секоја година е најдобра во регионот, рече Ставрески.Тој потенцираше дека владата ги нотира и остварувањета во оние индикатори каде што има минимално влошување и каде што треба да се направат дополнителни напори за да има подобрување, како и оние индикаторите каде што веќе се остварени реформи и подобрување.Стручен тим од владата систематски на дневна основа работи на овие индикатори, ги детектираме најдобрите остварување во земјите кој што се на врвот на светот, гледаме што може да се примени во Македонија, а секако и преку праксата и контакти со бизнис заедницата настојуваме да собереме идеи и размислување како да се подобри ова веќе многу добро рангирање“, изјави Ставрески Република Македонија се наоѓа на петто место во групата земји кој што од 2005 година најмногу се реформирале, односно најмногу го затвориле јазот кој што го имаат развиените земји со добра бизнис клима и другите земји кој што имаат помалку добра бизнис клима. Македонија направила вкупно 31 реформа во наведениот период, посочи Ставрески.Извештајот за 2014 година прифаќа шест реформи во индикатори, од вкупно десет колку што опфаќа рангирањето и тоа се `најмногу од било кога година претходно, информираше вицепремиерот.Станува збор за областите добивање на градежни дозволи, регистрирање на имот, пристап до кредити, заштита на инвеститорите, пристап до електрична енергија и справување со солвентноста.Македонија е најдобро рангирана во областа пристап до кредити каде што е позиционирана на трето место, во однос на минатата година се забележува подобрување на рангот од 21 место, изјави Ставрески, додавајќи дека основната причина за тоа се законските измени на законот за договорен залог со кој што се обезбеди поголема флексибилност и сигурност во плаќањето на обврските кон доверителите.Поединечно, најдобро подобрување има кај индикаторот пристап до електрична енергија и тоа за 33 места од 109 на 76. Ова, според Ставрески, се должи на фактот што Македонија го олесни пристапот до електрична енергија преку намалување на времето потребно за добивање на нов приклучок и преку поставување на фиксни и пониски трошоци за добивање на приклучок.Значајно подобрување има и кај индикаторот заштита на инвеститорите каде што Македонија е рангирана на 16 место, што е подобрување на 16 места, што според Ставрески се должи на можноста акционерите да бараат поништување на трансакции со поврзани лица и заинтересирани страни и назначување на ревизор кој што ќе ги истражи можните нерегуларности во раководењето на компанијата. Подобрување има кај индикаторот справување со солвентноста каде што е намалено времетраењето на стечајните постапки, и кај индикаторот добивање на градежни дозволи, при што добивањето е намалено во потребно време за регистрирање на нов објект и намалување на трошоците, рече Ставрески .Кај индикаторот регистрирање на имот, Македонија има напредок за седум места што, како што рече Ставрески, се должи на намалување на времетраењето и трошокот за регистрирање на имот.Во извештајот Македонија е наведена како пример за регистрирање на имотот преку компјутеризација на процедурите. Позначајна реформа е и дигитализација на катастарот, наведе Ставрески.Тој истакна и дека три индикатори имаат незначително влошување и тоа за по две места,Се работи за категориите започнувањето на бизнис, плаќање даноци и кај прекугранична трговија. Ставрески појасни дека не станува збор за влошување на условите кои што ги нуди Македонија, туку дека некои други држави направиле поголеми реформи, како што е случајот со започнувањето на бизнис, односно ограничените можности за напредокот во областа прекугранична трговија, поради немањето на излез на море.Ставрески оцени дека во делот на решавањето на спорови има одредени резултати, но има и простор за подобрувањеОна што може да се направи е да се забрза постапката за решавање на споровите помеѓу фирмите, а,трошоците за фирмите да бидат пониски, рече Ставрески. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.