Економија
Нафтениот сектор ги поткрепи европските пазари на акции
Европските пазари на акции пораснаа во вторникот благодарејќи на неочекувано добрите деловни извештаи на компаниите BP и Saipem, кои го поттикнаа растот на цените на акациите во нафтениот сектор.
Индексот на лондонската берза FTSE порасна за 0,54 отсто, на 6761 поени, а во истиот процентен обем во добивка беше и парискиот индекс CAC, кој изнесуваше 4.272 поени, додека, пак, индексот DAX на берзата во Франкфурт забележа скромен раст од 1,18 отсто и достигна до 8.997 индексни поени.
Цените на кациите на британскиот нафтен гигант BP пораснале за 4.9 отсто, откако беше објавено за неочекуван добрите деловни резултати, како и дека ќе биде зголемена дивидендата со ветување дека ќе продава дополнителен имот и ќе ги исплати остварените приходи на акционерите. Благодарејќи на овој извештај, целиот сектор во просек доби на вредноста 1,5 отсто.
„Утринските потези на BP ја подигнаа летвата за другите компании во тој сектор. Инвеститорите сакаат парите да им се враќаат на акционерите, идеално во форма на дивиденда, но и преку откуп на кации. Во енергетскиот сектор сé уште не е решен проблемот на слабите деловни резултати, меѓутоа во одредена мерка тоа зависи од потезите што ги преземаат управите“, толкува за Reuters Нејл Мортон, аналитичар во компанијата „Investec“.
Годинава нафтените акции зајакнаа само за 1,8 отсто, заостанувајќи зад 14-процентниот раст на поширокиот пазар, а причинат аза тоа е загриженоста поради падот на цената на нафтата и растот на трошоците.
Од енергетските компании коишто досега ги објавија извештаите со нивните деловни резултати, 75 отсто од нив не ги исполните очекувањата, во споредба со 47 отсто на севкупниот пазар, покажаа податоците на институтот StarMine.
Италијанската нафтена компанија „Saipem“, пак, ја потврди прогноза за годишните деловни резултати, па ценат ана нејзината акција порасна за 0,3 отсто, имајќи предвид дека пазарите очекува предупредување за добивка. Во добивка беше и финската компанија „Nokia“, по помалиот од очекуваниот пад на оперативната маржа во одделот за комуникациска опрема.
Трговците истакнуваат дека многу инвеститори ќе избегнуваат значителни нови позиции пред завршувањето на редовниот месечен состанок на американската централна банка коешто почнува доцна попладне во вторник по средневропско време. Се очекува дека банката нема оваа седмица да ја промени монетарната политика, бидејќи очекува дополнителни податоци за тоа колку буџетската криза во Вашингтон му нанела штети на американското стопанство./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.