Економија
Потребно е подобрувањето на македонско-унгарските економските односи
Втора седница на Мешовитата македонско – унгарска меѓувладина комисија за економска соработка се одржа во среда во Скопје.
Со комисијата претседаваа министерот за економија Ваљон Сараќини и Петер Сијарто Државен секретар за надворешна политика и надворешна трговија во Кабинетот на претседателот на Владата на Република Унгарија.
„Честите средби на македонско-унгарската Мешовита комисија придонесуваат да се подобрува трговската соработка. Во време од една година одржавме две седници согласно Договорот за економска соработка. Во придружба на владините делегација се компании од двете земји, кои се заинтересирани да воспостават интензивни контакти, во brownfield инвестиции, во енергетскиот сектор, формирање на туристички асоцијации и сл. За 9 месеци во 2013 година имаме раст на трговската размена од 343 илјади евра во однос на истиот период во 2012 година, што претставува раст од 1 отсто“, информираше Сараќини.
На средбата главен акцент бeше ставен на подобрувањето на економските односи помеѓу двете држави, зголемувањето на трговската размена и преземање на взаемни активности за поттикнување на идна соработка на полето на инвестициите, туризмот, енергетските и инфраструктурните проекти, потенцијалите за експлоатација на минерални суровини, заеднички проекти за научни и иновативни истражувања.
„Согласно обврските од Меморандумот за соработка што го потпишаа агенциите за инвестиции на двете земји во мај 2013 година, утре ќе се одржи бизнис форум на кој ќе присуствуваат 30 унгарски компании, а ќе се потпишат и три нови меморандуми за продлабочување на соработката во областа на културата, образованието и управувањето со води. Во делот на образованието се предлага можноста за стипендирање на студенти на универзитетите, за што со колегата Сијарто договоривме следната година 20 студенти да посетат некои унгарски компании за да видат како се реализираат странските инвестиции во Унгарија“, рече Сараќини.
„Оваа наша посета е уште една потврда дека Унгарија ја поддржува Република Македонија на патот кон ЕУ и подготвени сме да ги споделиме искуствата што ги имаме стекнато при влезот во Европската Унија. Што се однесува до билатералната соработка, сакам да истакнам дека реализацијата на Акциониот план, кој што го донесовме на претходната средба се одвива многу добро. Во областа на енергетиката, по одржаната средба меѓу АД МЕПСО и MVM Group, наскоро ќе уследи и посета на експерти на MVM Group на АД МЕПСО за да ги презентираат нивните потенцијали, да разменат информации за идните проекти и можностите за соработка“, истакна Сијарто, додавајќи дека унгарските компании се заинтересирани и за учество на тендерите за електрични централи, како и за проекти од енергетската инфраструктура, но исто и во секторот туризам, образование, култура идр.
По средбата беше потпишан Протоколот за одржаната Втора седница на Мешовитата комисија, кој содржи конкретни активности кои треба да бидат реализирани до следната седница на Мешовитата комисија. Дел од нив се поврзани со иницијативи за продлабочување на соработката во одредени индустриски сектори, додека друг дел се иницијативи на деловните субјекти од двете земји, во однос на подобрување на соработката и олеснување на работењето на компаниите во Република Македонија и Република Унгарија. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.