Економија
Одржан македонско-унгарски бизнис форум
Ивестирање во земјоделскиот сектор, како и соработка меѓу тур операторите, било договорено на Македонско-Унгарскиот бизнис форум организиран од агенциите за странски инвестиции на двете земји, а во рамки на официјалната посета на унгарскиот премиер Виктор Орбан на Македонија.
Во своето обракање директорот на Агенцијата за странски инвестиции и промоција на извозот на Македонија, Висар Фида изјави дека форумот е плод на одличните трговски и инвестициски односи меѓу Македонија и Унгарија.
“Во мај оваа година беше потпишан Меморандум за разбирање помеѓу Агенцијата за странски инвестиции и промоција на извозот на Република Македонија и Унгарска агенција за инвестиции и трговија, со цел да се зајакнат билатералните односи помеѓу Република Македонија и Унгарија. Од тогаш двете земји со сите свои заложби ги промовираат и унапредуваат трговските и инвестициските односи и овој денешен форум и Б2Б настан е плод на таа соработка. На овој форум околу дваесет фирми од градежниот сектор, машинската индустрија, телекомуникациите и финансиите ќе се сретнат со исто толкав број македонски фирми“, изјави директорот на Агенцијата за странски инвестиции и промоција на извозот на Македонија, Висар Фида.
Тој додаде дека во изминатава година имало зголемен број на посети и можни проекти од фирми кои потекнуваат од Унгарија, како и мултинационални компании со седиште во Унгарија.
“Поконкретно, една од заинтересираните компании бара локација за погон за преработка на зеленчук и овошје. Друга компанија од автомобилскиот сектор ја посети Македонија барајќи партнер за заедничко вложување“, истакна Фида.
На овој настан ќе се официјализираат соработките помеѓу Водовод на Будимпешта и Општина Охрид со потпишување на Меморандум за разбирање и соработка, и ќе се потпише стратешки туристички договор помеѓу Atlasz World Travel од Унгарија со 3 Тур-Оператори од Македонија.
Фида истакна дека oчекува одлични резултати и уште подобра соработка во иднина.
Премиерот Никола Груевски кој се обрати на форумот рече дека има огромни неискористени можности за унапредување на економската соработка меѓу двете земји и дека таа треба да ги следи добрите политички односи што постојат меѓу двете земји.
Тој потенцира дека треба да се обрне внимание на различните форми кои можат да придонесат за унапредување на економските односи, бидејќи Македонија и Унгарија се многу блиску.
Пред бизнисмените ги посочи можностите и предностите што Македонија ги нуди за инвестирање и потенцира дека има сериозен интерес за инвестирање од компании од Америка, Кина, Индија, Катар, што, според него, е доказ за поволната бизнис клима.
На форумот се обрати и унгарскиот премиер кој ги повика унгарските компании да дојдат да инвестираат во Македонија бидјеќи е држава со шанси за добар успех.Според него, тие треба да одат во држави кои имаат силни водачи и што имаат шанси за успех.
Потенцира дека досега се реализирани повеќе работи од Спогодбата потпишана лани и дека останува во иднина да се воспостави и директна авионска врска меѓу двете земји.
Форумот се одржа како резултат на потпишаниот Меморандум за соработка помеѓу Агенцијата за странски инвестиции и промоција на извозот на Македонија и Агенцијата за странски инвестиции на Унгарија. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.