Контакт

Економија

ЕУ усвои нова директива за тутунските производи

Објавено пред

Државите членки на Европската унија постигнаа договор во средата со Европскиот парламент за новата директива за тутунските производи, којашто предвидува поголеми предупредувања за опасностите од пушењата на кутиите од цигарите и првите европски правила за електронските цигари.

„Договорот за директивата за тутунските производи претставува голем чекор кон поздравото и попросперитетно општество“, изјави литванскиот министер за здравство Витенис Повилас Андриукаитис, пренесува Reuters.

Договорот е постигнат откако владите на земјите членки на Европската унија и Европскиот парламент го надминаа спорот околу регулацијата на пазарот на електронските цигари, коишто според некои процени за десет години ќе биде поголем од пазарот на обичните цигари вреден 700 милијарди американски долари годишно. Во Европа електронските цигари во моментов ги користат седум милиони луѓе.

Според договорот, повеќето електронски цигари ќе се продаваат како потрошувачки производ без претходно одобрување, а не како построго регулирани медицински уреди, што во почетокот европските влади го бараа. Концентрацијата на никотинот во нив е ограничена на 20 мг/мл, како што бараше Европскиот парламент, а капацитетот на картушите на 2 мл., пренесува AFP. Производите со поголеми концентрации ќе бидат регулирани како лекови.

Европската комисија ќе може да ги забрани електронските цигари кои може да се полнат, доколку ги забранат три или повеќе држави членки на ЕУ, поради здравствени причини. Комисијата две години по усвојувањето на законот ќе подготви извештај за ризиците за здравјето од електронските цигари.

Од 2016 година, која промените во прописите ќе стапат на сила, цигарите, тутунот за виткање и другите производи ќе мора да имаат слика и пишано предупредување за штетноста од пушењето на 65 отсто од предниот и од задниот дел од кутијата. Сегашните правила се поблаги, имено пишаните предупредувања сега мора да ја прекриваат 30 отсто од предната страна и 40 отсто од задната, а сликите не се задолжителни.

Државите членки на ЕУ, исто така, ќе може да воведат и построги одредби од тоа и да го забранат целосното брендирање, под услов тоа да биде оправдано од здравствени причини и за тоа ќе мора да ја известат Европската комисија.

Правилата, исто така, ја вклучуваат и забрана на пушење тутунски производи со арома, на пример на овошје или ванила. Цигарите со ментол ќе бидат забранети четири години подоцна, во 2020 година, бидејќи не кои влади на членките на ЕУ бараа подолг преоден период.

„Цврсто сум убеден дека истакнатите визуелни предупредувања ќе бидат ефикасни потсетници за сериозните последици од пушењето по здравјето и ќе помогнат на луѓето на направат добро информиран избор. А забраната за ароми како што се овошје или ментол, коишто им се допаѓаат на младите, ќе направи почнувањето на пушењето да биде помалку привлечно“, изјавил европскиот комесар за здравје Тони Борг.

Забранети се, покрај тоа, и ознаките за примамување на тутунските производи, како што се „органско“ или „природно“. Владите, исто така, може да воведат забрана за прекуграничните продажби на тутунските производи преку интернет.

Компромисот уште мораат формално да го усвојат министрите на државите членки и Европскиот парламент на пленарна седница пред да стапи на сила следната 2014 година. Кога директивата ќе биде усвоена, државите членки ќе мораат да ја имплементираат и во националните законодавства во рок од две седмици.

Пушењето е главната причина за смрт којашто може да биде избегната во земјите членки на Европската унија со околу 700 илјади жртви секоја година. Мерките преземени за борба против пушењето успеаја да го намалат бројот на пушачите во Европа од 40 отсто во 2002 година, на 28 отсто во 2012 година./крај/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

Извлечени добитниците на награди од 20.000 денари преку „MojДДВ#МојаНаграда“

Објавено пред

Извлечени се 15 добитници на месечните награди од 20.000 денари преку наградната игра „МојДДВ#МојаНаграда“ на јавно извлекување, кое се одржа вчера.

Имињата на добитниците се објавени и на веб-страницата на Државна лотарија на следниот линк: https://www.loto.mk/MojaNagradaRezultati

Во другите кола на „#МојаНаграда“ до крајот на годината, односно до декември, месечните награди ќе изнесуваат 20.000 денари и секој месец ќе се доделуваат по 15 награди.
Извлекувањето на втората главна премија ќе се одржи во декември, а таа ќе изнесува 1.000.000 денари, соопшти Министерството за финансии.

До краотј на годината секој ден ќе се доделуваат 30 награди од 1.000 денари. Доделувањето повеќе дневни наградни, но во помал износ во овој период, ќе претставува мотив за граѓаните да скенираат фискални сметки и да влијаат на намалувањето на сивата економија.

Прикажи повеќе...

Економија

Ваучерите за туризам ќе може да се користат и преку туристички агенции

Објавено пред

Министерството за економија овозможи сите лиценцирани туристички агенции, кои сакаат да работат со ваучери за туризам, да може дополнително да се регистрираат на платформата „Дома си е дома“ заклучно со 10 август.

На тој начин граѓаните што добиле ваучери за туризам, освен во сместувачките капацитети, да може да ги искористат ваучерите и преку туристичките агенции што ќе се регистрираат на платформата.

„Во согласност со уредбата со законска сила за издавање ваучери за туризам на вработени лица со низок доход заради поттикнување на домашниот туризам за време на вонредна состојба, Министерството за економија ги повикува сите лиценцирани туристички агенции, кои сакаат да работат со ваучери за туризам, во рамките на своите понуди за Република Северна Македонија да вклучат и можност за резервација со ваучери за туризам издадени од страна на Министерството за економија преку платформата domasiedoma.gov.mk“, соопшти Министерството.

За да исполнуваат услови за добивање пристап во платформата, туристичките агенции треба да имаат валидна лиценца за работа издадена од страна на Министерството за економија и да ја прикачат на самата платформа.

Агенциите што претходно се имаат пријавено на платформата „Дома си е дома“, а ги исполнуваат условите (имаат валидна лиценца), автоматски ќе бидат одобрени од страна на Министерството за економија.

Туристичките агенции во рамките на понудите може да понудат сместување, а да вклучат и дополнителни услуги, како што се: превоз до туристичките центри, екскурзии, водичи, прошетки и сл.

За 20 дена, по почнувањето на мерката ваучери за домашен туризам, до денеска искористени се над 8.400 ваучери.

Ваучерите граѓаните ќе може да ги искористат до 15 декември 2020 година.

Прикажи повеќе...

Економија

РКЕ: Поскапувањето на струјата нема да влијае на зголемување на цената на другите производи

Објавено пред

Регулаторната комисија за енергетика и водни услуги ги оценува како неточни, неосновани и нестручни наводите дека зголемените цени на електричната енергија ќе ги зголеми цените на производите.

„Одлуката на Регулаторната комисија за енергетика се однесува само за регулираниот пазар на електрична енергија. Повеќето од индустриските и комерцијалните потрошувачи сами набавуваат електрична енергија на слободниот пазар по цени што не ги определува Регулаторната комисија за енергетика. Цената на електричната енергија на слободниот пазар во Северна Македонија во 2020 година е пониска приближно 9 % во однос на 2019 година, што значи дека и трошокот за електрична енергија на индустриските и комерцијалните потрошувачи во 2020 ќе биде помал во однос на 2019. Во наредниот период индустријата ќе има пониски трошоци за електрична енергија во споредба со 2019 година и тоа позитивно ќе влијае врз нејзиното работење во овие кризни времиња“, изјави Марко Бислимоски, претседател на Регулаторната комисија за енергетика.

Регулаторната комисија за енергетика и водни услуги информира дека со одлуките од 31 јули 2020 година преку фактори на корекција на МЕПСО му го намали приходот за 2020 година за 13,25 милиони евра, а на „ЕВН хоме“ за 4,5 милиони евра, поради тоа што овие компании во 2019 година оствариле поголем приход од одобрениот.

Прикажи повеќе...

Најново

Свет23 минути

Германија воведе задолжително тестирање за коронавирус на аеродромите

Бројот на заразени со коронавирус во Германија многу загрижувачки расте, nајверојатно и поради големиот број повратници од ризични земји, пишува...

Свет58 минути

Истражување: 60 отсто од излекуваните од Ковид-19 развиваат антитела

Уште на почетокот на јули, виролозите од Медицинскиот универзитет во Виена известија дека само околу половина од заболените и излекуваните...

Свет2 часа

Асимптоматските случаи имаат иста количина вирус како и оние со симптоми

Асимптоматските случаи на Ковид-19 носат иста количина вирус како и оние со симптоми, покажува јужнокорејска студија. Јужна Кореја можеше да...

Свет3 часа

Сандерс предлага закон за даночење на добивката на милијардерите за време на пандемијата

Американскиот сенатор Берни Сандерс заедно со колегите сенатори, Ед Марли и Кирстен Гилбренд, предлага закон за даночење на милијардерите. Според...

Свет4 часа

(Видео) Антивладини протести во Бејрут поради експлозијата

По силната експлозија во Бејрут, во која загинаа голем број луѓе, на улиците на престолнината следуваат демонстрации против владата. Демонстрантите...

Регион15 часа

(Видео) Дваесет полицајци во Шпанија апселе двајца бегалци од Србија, пронајдена е лабораторија за дрога

Шпанската полиција уапси двајца Срби за кои била распишана меѓународна потерница. Еден од нив се барал за нападот на стадионот...

Свет15 часа

Реконструкција на катастрофата: како се случи експлозијата во Бејрут што го шокираше светот

Силата на експлозијата што ја зафати либанската престолнина го шокираше светот. Повеќе од 300.000 луѓе останаа без покрив над главата,...

Свет17 часа

(Видео) Се запали зградата на Светскиот трговски центар во Брисел

Силен пожар избувна на врвот на зградата на Светскиот трговски центар во Брисел. Според медиумите, огнот избувнал во техничката просторија...

Свет18 часа

Херои кои се обиделе да го спасат Бејрут – последна фотографија од пожарникарите кои влегле во магацинот пред експлозијата

На социјалните мрежи се појави фотографија на која се прикажани последните моменти на пожарникарите кои се обиделе да спречат понатамошно...

Македонија21 час

(Видео) Обилните дождови ги поплавија рудниците на РЕК „Битола“

Обилните врнежи од дожд во Битолско предизвикаа поплава на јагленовите откопни полиња во рудникот „Суводол“ на РЕК „Битола“. Ископот и...

Македонија21 час

Нови 113 заболени и шестмина починати, меѓу кои и 22-годишен пациент

Министерството за здравство информира дека во последните 24 часа се направени 1.543 тестирања, а регистрирани се 113 нови случаи на...

Регион22 часа

Црна Гора го прошири списокот за влез без ограничувања, Македонија повторно ja нема

Црна Гора го прошири списокот на земји чии граѓани имаат право да влезат во земјата без ограничувања. Од утре граѓаните...

Македонија23 часа

МЖСПП: Опасниот отпад од ОХИС ќе биде изнесен од државата кога ќе дозволат временските услови

Винилхлоридмономерот од поранешната фабрика ОХИС ќе се преточи и ќе се транспортира од државата веднаш штом ќе дозволат временските услови...

Македонија23 часа

Кривична пријава против шест полицајци од СВР Скопје

Одделот за внатрешна контрола, криминалистички истраги и професионални стандарди до Основното јавно обвинитество за гонење организиран криминал и корпуција –...

Македонија24 часа

Бочварски: Родителите да бидат ослободени од паушалот за градинките за периодот април – август

Градоначалникот на општина Штип, Благој Бочварски, бара од градинките да ги ослободат родителите од плаќањето на паушалот за април, мај,...

Свет1 ден

Во Кина дневно се тестираат 4,8 милиони луѓе на коронавирус

Во Кина се пријавени 37 симптоматски случаи на коронавирус и 20 асимптоматски случаи, според податоците на Националната комисија за здравство на...

Свет1 ден

Во Северна Кореја тестиран првиот сомнителен случај на Ковид-19, резултатот нејасен

Во Северна Кореја е тестиран првиот сомнителен случај на коронавирус, но резултатите не се јасни, изјавил претставникот на СЗО во...

Свет1 ден

(Видео) Либан во тридневна жалост – спасувачите ги пребаруваат урнатините, се очекуваат уште жртви

Либанските спасувачки екипи и денеска продолжија со потрагата по преживеани меѓу урнатините по стравотната експлозија во Бејрут, во која животот...

Свет1 ден

(Видео) Експлозијата во Бејрут трета по моќност во историјата по бомбите во Хирошима и Нагасаки

Експлозијата во Бејрут е трета по моќност во историјата, веднаш по експлозиите на нуклеарните бомби во Хирошима и Нагасаки, вели...

Свет2 дена

Објавени сателитски снимки од Бејрут пред и по експлозијата

Руската вселенска агенција „Роскосмос“ објави сателитски фотографии од пристаништето во Бејрут пред и по вчерашната експлозија. Покрај нив, фотографии објави...

Досие