Економија
Забавен раст на активностите во фабриките во еврозоната во март
Растот на активностите во фабриките на еврозоната во март подзакочил како и што се очекуваше, покажаа најновите податоци од лондонскиот институт за собирање и обработка на економските податоци Markit, укажувајќи сепак на очигледното раширено заздравување во рамките на 18-члената економија.
Конечниот индекс на менаџерите на набавка (PMI) кој ги составува лондонската истражувачки институт Markite врз основа на анкетата меѓу челниците на илјада компании во март, така, во март е намален на 53 поени, од 53,2 поени во февруари, според податоците објавени во вторникот.
Што се донесува до најголемите економии во 18-члената еврозона, Франција, втората според обемот економија во економската унија, покажала нови знаци на заздравување, додека растот на активностите во Германија, најголемата економијата во еврозоната, останал силен. Италијанскиот PMI зголемен е на највисокото ниво во последните два месеца, додека шпанскиот го забележал највисокото ниво во последните 47 месеци.
„Истражувањето сведочи за раширеното заздравување на активностите во производствениот сектор, со раст на производството втор месец со ред, во сите земји во коишто е спроведено истражувањето”, изјави за Reuters главниот економист на лондонскиот институт, Крис Вилијамсон.
Загрижувачко за политичарите, сепак, е намалувањето на цените на коешто повторно се вратија компаниите за да го поддржат работењето. Соодветниот подиндекс се спушти така под 50 поени, што укажува на пад на цените, и тоа првпат од август 2013 година.
Годишната стапка на инфлацијата во еврозоната се спуштила на само 0,5 отсто во март и така е на најниското ниво од ноември 2009 година, како и забележително под целените околу 2 процента од страна на Европската централна банка (ECB).
Целото внимание сега е насочено кон редовното месечно заседание на Европската централна банка во четврток, иако не се очекува ублажување на монетарната политика.
Индексот кој го мери производството, кој претставува компонента на збирниот индекс PMI за еврозоната и добриот показател на состојбата на економиите, благо е зголемен во март, достигнувајќи 55,6 поени, од 55,3 поени колку што изнесуваше во февруари. Од Markit, меѓутоа, сепак предупредуваат дека забавениот доток на порачки и забавениот раст на производството би можеле да ги придушат бројките во април, како и дека дефлаторните сигнали би можеле да ја зголемат веројатноста од натамошни поттикнувања од страна на ECB./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.