Економија
Франција порача дека е партнер за разговор за дефицитот на ЕУ
Франција за темпото на намалувањето на дефицитот ќе разговара со Европската унија, порача во четвртокот новиот министер за финанси Мишел Сапен, упатувајќи со оваа изјава индиректна порака до Германија
Во својот прв јавен настап откако официјално беше именуван на функцијата министер за финансии на Франција, втората економија според обемот во 18-члената еврозона, Мишел Сапен истакна дека ќе соработува со Европската комисија за да „изнајде пат кој е од заеднички интерес”. Брисел инаку веќе во два наврата го продолжуваше рокот во кој Франција мора да го намали прекумерниот дефицит пропишан за Европската унија. Париз вети дека ќе го намали од минатогодишните 4,3 отсто на 3 процента во следната 2015 година, согласно обврската од европскиот Пакт за стабилност и раст.
„Не може една земја да им зборува на другите што треба да прават (…) Европа ќе биде подобра кога на Франција ќе и’ биде подобро”, изјави, како што коментира AFP, Сапен со борбен тон, јасно алудирајќи на Германија.
Сапен на министерската должност го замени Пјер Московиси, во рамките на реконструкцијата на владиниот кабинет на социјалистичката влада на францускиот претседател Франсоа Оланд, по лошите резултати од тамошните локални избори минатата во неделата. Владата има проблеми со кастрењето на буџетскиот дефицит во услови на стагнација на економскиот раст и зголемувањето на невработеноста, што социјалистите коишто ја предводат ги прави непопуларни кај избирачите, а претседателот Оланд со најнискиот рејтинг во историјата.
Новиот министер за финансии нагласува дека Франција нема да се повлече од настојувањето, меѓутоа во првото јавно обраќање не наведе никакви термини, забележува уште агенцијата. „Ќе ги оствариме целите кои се остварени”, повторил неколкупати.
Буџетскиот кусока на Франција во 2013 година 4,3 отсто од бруто домашниот производ (БДП), покажаа официјалните податоци објавени на почетокот од седмицава. Со ЕУ беше договорено, инаку, тој да изнесува 4,1 отсто. Париз мора, исто така, да ја намали потрошувачката за 30 милијарди евра поради финансиското оптоварување на работодавците. Дополнителните 20 до 25 милијарди евра мора да се заштедат да се исполни зацртаното намалување на буџетскиот дефицит во согласност со прописите на ЕУ. Со тоа, неопходните француски заштеди се искачуваат на вкупни околу 50 милијарди евра.
На скоро одржаниот неформален состанок на министрите за финансии на еврозоната во Атина, европските функционери и’ сигнализираа на Франција дека не би требало да очекува попустливост во поглед на зацртаните цели, откако францускиот претседател Франсоа Оланд истакна дека телата на ЕУ при анализата на дефицитот мора да ги земат предвид преземените структурни реформи.
Челникот на министрите за финансии на земјите членки на еврозоната (еврогрупата). Холандскиот министер Јероен Дијселблом потсети, пак, на обврските што ги презема Франција. „Во целост се согласувам со претседателот на Франција дека во интерес на Европа е да има силна Франција. Но, Франција мора да и исполни своите обврски коишто произлегуваат од Пактот за стабилност и раст”, изјави Дијселблом во Атина.
„Важно е Франција да преземе одлучни мерки за да ја осигури одржливоста на јавните финансии и да ги реши тесните грала за конкурентност и раст. Траба да се потсети дека рокот за намалувањето на францускиот дефицит е пролонгиран веќе двапати”, порача еврокомесарот за економски работи Оли Рен на истата средба./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.