Економија
Прв саем за женско претприемништво во ЈИЕ
Прв саем за женско претприемништво во Југоисточна Европа почнува во петок (04 април) во Дубровник, во организација на Gender Task Force (GTF) во рамки на Светската група на меѓународни здруженија на деловни жени FCEM.
Саемот е една од активностите во рамки на тригодишниот проект „Женско претприемништво – мотор за создавање на работни места во ЈИЕ” чиј носител е Советот за регионална соработка. Финансиран е од страна на шведската организација Swedish International Development Agency (SIDA), со цел промовирање на најдобрите пракси во женското претприемништво и изградба на национални и регионални женски мрежи и здруженија.
Саемот за женско претприемништво е форма на собири какви што земјите со напредна економија и развиено женско претприемништво, на пример Шведска, го практикуваат веќе со децении. Целта на овие саеми е зацврстување на претприемничката мрежа, создавање нови контакти, размена на нови знаења и искуства. Саемот е организиран на регионално ниво затоа што во повеќето случаи жените претприемачи од ЈИЕ своите деловни прилики надвор од матичната земја ги остваруваат со соседните земји.
На саемот ќе учествуваат министри од Хрватска и Албанија, претставници од стопанските комори од девет земји, жени претприемачи од цела ЈИЕ. Меѓу учесниците се и македонски претставнички од стопанската комора, Македонската мрежа на ментори и останатите домашни организации кои ја третираат оваа тема.
Мери Ен Рукавина – Ципетиќ, директорка на GTF регионалниот центар за родова еднаквост во интервју за business.hr вели дека факт е дека жените се помалку присутни во светот на бизнисот отколку мажите поради воспоставените општествени модели.
„ Жените во претприемништвото немаат иста стартна позиција како мажите со оглед на отежнатиот пристап на капитал и дополнителни потешкотии со кои тие се сочуваат, како недостаток на социјална инфраструктура, на пример градинки, како и поради фактот дека жените по традиција која е изразена во бројни земји од ЈИЕ вообичаено не наследуваат имот, туку првенствено право на тоа имаат мажите. Жените објективно потешко доаѓаат до средства потребни за развој на претприемништвото иако се позастапени во високообразовниот слој на општеството. Жените во се поголем број имаат високо образование и кога би се отстраниле останатите пречки, би имале дури и предност пред нивните машки колеги. Во екот на светската економска криза, претпријатијата што ги водат жени се покажаа социјално почувствителни, жените се помалку склони кон отпуштање на работници и се помалку склони на ризичен капитал што им обезбедува на нивните фирми отпорност на последиците од кризата. Покрај тоа, факт е дека жените секогаш основаат претпријатија во најголем дел од нужда – поради личен и опстанок на семејството, поради губење на постојана работа и со помош на семејството, а не по сопствена иницијатива”, вели таа.
Рукавина – Ципетиќ истакнува дека Турција и Хрватска се лидери во ЈИЕ во развојот на женско претприемништво.
Токму Хрватска е предводник во стратешкиот пристап на женското претприемништво, првата стратегија ја изготви во 2010 година и со самото тоа е пред повеќето земји во ЕУ.
Во интервјуто Рукавина – Ципетиќ вели дека државните институции во сите земји би требало освен стратешко планирање да обезбедат и систематско следење со база на податоци како и зајакнување на социјалните инфраструктури каде што градинките не покриваат ни близу од потребите на жените претприемачи, на пример работното време од 8 до 4 не е усогласено со потребите на претприемништвото воопшто.
„Жените треба да веруваат во сопствената идеја и да не се откажуваат, да се движат. Имаат нееднаков пристап до капитал и би требало да бидат поупорни и посилни – да не се откажуваат од идеите, да се движат и да не се откажуваат кога ќе наидат на потешкотии”, порачува Рукавина – Ципетиќ.
Таа додава дека жените се помалку склони на ризици, повеќе чувствителни кон работниците, имаат помалку отпуштања во нивните фирми, нивната креативност може и мора да се развие и е побарана, а тоа особено се одразува преку социјалните иновации.
Исто така, потенцира Рукавина – Ципетиќ , жените се повеќе склони кон нови модели на претприемништво нагласувајќи ги социјалните фактори, а не само правење профит, а особено е нагласено нивното адаптирање на новите трендови во ЕУ и светот.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.