Економија
Министрите на Г7 тврдат дека Европа е заложник на зависноста од рускиот гас
Европа уште со години ќе биде оптоварена со зависноста од рускиот гас, заклучија во вторникот во Рим министрите за енергетика на групата седум индустриски најразвиени земји Г7, осудувајќи го користењето на енергијата како средство за политички притисок.
„Не познавам никого на светот кон би можел да ни каже европската зависност од увозот на рускиот природен гас би можела да се промени во краток временски период”, изјави за медиумите на маргините од римската средба германскиот министер за економија и енергетика, Зигмар Габриел.
На средбата во Рим во време на ескалирање на украинската криза, министрите за енергетика на земјите од групата Г7 порачаа дека се „крајно загрижени поради влијанието на енергетската сигурност врз развојот на настаните во Украина, што е последица на руската повреда на украинската суверенот и територијален интегритет”, се наведува во заклучоците, пренесува Reuters.
Министрите ветуваат дека ќе ја подобрат енергетската ефикасност, ќе развијат поширока мрежа за снабдување со енергија, вклучително и течниот природен гас (LNG), обновливите извори на енергија и новите гасоводи, како и ќе ги развијат и зајакнат постојните инфраструктури за снабдување.
Додаваат, меѓутоа, дека не постојат моментални алтернативни решенија. Не се очекува дека американскиот гас од шкрилци ќе ѝ биде на располагање на Европа пред крајот на оваа деценија, кога ќе биде можно да се увезува со танкери како LNG.
Италија и Франција повторно ја нагласија својата поддршка за проектот за рускиот гасовод Јужен ток, со која гасот од Русија би се довезувал во Европа заобиколувајќи ја Украина, но истовремено укажаа на потребата од изградба на алтернативен правец.
Третина од гасот кој се увезува во Европа доаѓа од Русија, а половината од тоа транзитно се носи преку Украина, којашто со рускиот енергетски гигант „Газпром” не може да се договори околу цената, како и поради долгот од веќе неколку милијарди американски долари.
Завршната изјава на министерскиот состанок на Г7 од Рим е концентрирана на потребата од диверзификација на енергетските извори и изградба на гасна инфраструктура. „Одадени сме на покренувањето на системски и трајни чекори со цел да се подобри енергетската сигурност на национално, регионално и на глобално ниво”, порачуваа министрите во завршната заедничка изјава.
На состанокот не беа донесени одлуки за заострување на санкциите за припадниците на рускиот политички врв, како и за компаниите, а таа одлука ќе ја донесат министрите за надворешни работи и претседателите на владите на земјите од Г7. Американскиот министер за енергетика Ернест Мониз, меѓутоа, изјави дека челниците на групата Г7, доколку ситуацијата во Украина и натаму се заострува, согласно со договорот ќе продолжи зајакнувањето на санкциите против Русија.
Меѓутоа, за разлика од САД и Велика Британија, Германија го става акцентот на дипломатијата.
Британскиот министер Ед Дејвиј изјави дека рускиот претседател Владимир Путин „ја минал линијата” и дека на состанокот на Г7 е донесена „стратешка одлука за соочување со руското користење на енергијата како оружје”.
Но неговиот германски колега Габриел истовремено вели дека секое долгорочно решение на енергетскиот проблем мора да се заснова на дијалогот. „Само техниките промени на енергетскиот пазар нема да бидат доволни. Тој процес треба да го следат дипломатијата и политиката, како и договори за спогодбите меѓу партнерите”, порача Габриел.
И покрај политичките односи кои не ветуваа брзо решение, земјите како Италија, којашто речиси целосно зависи од увозот на енергија, настојуваат да гои прошират изворите за снабдување. Така, покрај Јужен тек, Италија сега уште поголема важност му придава на Трансјадранскиот гасовод (ТАР), преку кој гасот од Азербејџан би се довезувал во Италија, и разгледува моќност поврзување на гасоводите со регионот на источното Средоземје.
Италија, исто така, настојува покрај трите постојни да изгради уште најмалку три дополнителни терминала за течниот гас, за да увезува гас од САД, иако Американците нема наскоро да бидат во состојба да го извезуваат ваквиот гас.
„Првиот проект ќе биде подготвен кон крајот на 2015 година, додека шест терминали се во план, но е бидат готови до крајот на деценијата”, изјави во Рим американскиот министер за енергетика Ернест Мониз./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Комерцијална банка склучи договор за продажба на „Еуроникел“
Комерцијална банка информира дека склучи договор за продажба на имотот на комбинатот „Еуроникел индустри“ од Кавадарци со друштва основани од холандската холдинг-компанија Polynickel Holding BV, која е дел од групацијта Yildirim Group. За финална реализација на купопродажниот договор останува уште да се исполнат сите правни и регулаторни предуслови, се наведува во соопштението.
Во исто време, банката со групацијата Yildirim склучи договор за продажба и на имотот на фабриката „Нова рефрактори“ во Пехчево.
„Убедени сме дека продажбата е долгорочно решение за комбинатот ‘Еуроникел’ имајќи ги предвид кредибилитетот и капацитетот на групацијата Yildirim. Веруваме дека со ова е надминат неизвесниот период за сите доверители и, пред сè, за вработените во комбинатот, кои покажаа максимална посветеност и професионалност и покрај тешката состојба во која се најдоа не по нивна вина.
Групацијата Yildirim е глобален индустриски конгломерат со седиште во Амстердам и во Истанбул. Основана е 1963 година и моментно работи во 56 земји на 5 континенти, вработува 25.000 лица во девет индустрии: метали и рударство, управување со пристаништа, вештачки ѓубрива и хемикалии, енергија и енергетски производи, транспорт и логистика, финансиски услуги, градежништво и недвижности и меѓународната трговија.
Во целиот изминат период од декември 2023 година, кога Комерцијална банка го презеде имотот на комбинатот во своја сопственост, бевме посветени на наоѓањето сериозен инвеститор, кој ќе ја продолжи дејноста на еден од најзначајните индустриски капацитети во земјата. Со цел да се одржи комбинатот во добра состојба за безбедно и ефикасно рестартирање на производниот процес, банката во изминатите четири месеци обезбеди речиси 100 милиони денари за одржување на технолошкиот минимум на комбинатот и за давање шанса за продолжување на работењето“.
Банката, како што се дополнува во информацијата, останува посветена и понатаму да придонесе со сите свои капацитети за фер наплата на доверителите и вработените во рамките на стечајната постапка. Прв услов за тоа е сите должници на ‘Еуроникел’ веднаш да ги платат своите обврски“.
Економија
Од полноќ поскапуваат горивата
Регулаторната комисија за енергетика донесе одлука со која се врши зголемување на малопродажните цени на нафтените деривати во просек за 1,33 % во однос на одлуката од 22.3.2024 година.
Од 26.3.2024 година од 00.01 часот максималните цени на нафтените деривати ќе изнесуваат:
моторен бензин ЕВРОСУПЕР БС-95 – 85,00 (денари/литар)
моторен бензин ЕВРОСУПЕР БС-98 – 87,00 (денари/литар)
дизел-гориво ЕВРОДИЗЕЛ БС (Д-Е V) – 77,00 (денари/литар)
масло за горење екстра-лесно 1 (ЕЛ-1) – 76,00 (денари/литар)
„мазут М-1 НС“ – 44,776 (денари/килограм)
Малопродажната цена на бензинот ЕВРОСУПЕР БС-95 не се менува.
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се зголемуваат 1,00 денар/л, а малопродажната цена на бензинот ЕВРОСУПЕРОТ БС-98 се зголемува 1,50 денар/л.
Малопродажната цена на „мазутот М-1 НС“ се зголемува 0,979 денари/кг и сега ќе изнесува 44,776 денари/кг.
Курсот на денарот во однос на доларот во изминатиот период по кој беа формирани цените со претходната пресметка е повисок 0,028 %.
Економија
Бислимоски: Нема да дојде до поскапување на цената на парното
Не се отвора никаков простор за зголемување на цената на топлинска енергија за граѓаните. Во ниеден случај нема да дојде до поскапување на цената на топлинска енергија за домаќинствата, може да дојде само до намалување, истакна денеска првиот човек на РКЕ, Марко Бислимоски.
„Дали ќе има субвенции или ќе нема, во текот на јуни ќе ја донесеме одлуката. Можевме и сега да носиме популистички одлуки кога ја намаливме цената за недомаќинствата, но се решивме за потрошувачите кои во енергетската криза ниту еднаш не беа субвенционирани, да им се помогне, пред сè, ним“, рече Бислимоски на прес-конференција.
Во однос на најавите од одредени партии дека ќе се укинуваат одредени одлуки и ќе се носат одлуки за граѓаните, Бислимоски рече дека одлуки за цени за преносoт на електрична енергија, тарифни системи за дистрибуција и за преност, тарифен систем за универзалниот снабдувач,носи само регулаторот за енергетика.
„Ниту партија вовела евтина тарифа ниту партија може да укине надоместок, тоа може само РКЕ“, додаде првиот човек на Регулаторната.
По реакциите дека воведувањето 200 денари давачка за мрежарина било неуставно, Бислимовски нагласи дека нејзиното укинување би ги зголемило цените на електричната енергија за првиот блок за 9,3 %, односно за евтината тарифа 14,54 проценти.