Контакт

Економија

50 милиони евра за модернизација на земјоделството: Изградба на откупни центри и поголемо искористување на европските фондови

Објавено пред

Преку Проектот за модернизација на земјоделството, кој е дел од четиригодишната рамка за соработка со Светска банка, ќе се обезбедат 50 милиони евра за унапредувања во земјоделството, преку формирање на систем на дистрибуција на земјоделските производи и храна, изградба на откупно-дистрибутивни центри, обуки и советодавни услуги за земјоделците, поголемо искористување на европските фондови, како и креирање на систем за безбедно остранување на животинските нус производи, беше посочено на денешната прес-конференција, на која министерот за финансии Фатмир Бесими, директорот на Светска банка во Република Северна Македонија Масимилијано Паолучи и министерот за земјоделство, шумарство и водостопанство Арјанит Хоџа го презентираа проектот.

dobivaj vesti na viber

За финансирање на Проектот за модернизација на земјоделството обезбедени се 46 милиони евра од Светска банка и 4 милиони евра грант-средства од Европската унија. Средствата од Светска банка се добиени под исклучително поволни услови, со рок на отплата 12 години, со вклучен грејс-период од 4 години и каматна стапка од шестемесечен ЕУРИБОР зголемен за фиксен распон, која во моментот изнесува 0,1%.

„ Проектот за модернизација на земјоделството има за цел да се подобри конкурентноста во земјоделството и да се зајакнат институционалните капацитети на земјоделскиот сектор за пристап до европските фондови. Со проектот ќе се придонесе кон подобрување на квалитетот на земјоделските производи и воведување стандарди при земјоделско производство, со што ќе се зголеми вредноста и конкурентноста на земјоделските производи на меѓународните пазари. Понатаму, предвидено е зајакнување на институционалните капацитети во однос на подготовка и спроведување на програмите за земјоделство и рурален развој, како и подобро искористување на европските фондови. Исто така, проектот предвидува воспоставување на систем при управување со државно земјоделско земјиште и систем за безбедно отстранување на нуспрозводи од животниско потекло“ рече министерот за финансии Фатмир Бесими.

Директорот на Светска банка Масимилјано Паолучи посочи дека кај нас не се користи целосниот потенцијал на земјоделството поради ниската продуктивност, недостаток на пристап до нови технологии и можности на пазарот, како и ограничено познавање на менаџментот и маркетингот од страна на помалите земјоделски производители и агро-бизниси. Исто така, тука се лошото управување и практики по бербата, вклучувајќи лошо сортирање и оценување, како и несоодветно пакување при транспортот, што ја поткопува свежината и квалитетот на производот. Покрај тоа, Северна Македонија има лимитирани и технички застарени капацитети за складирање кои имаат потреба од модернизирање, како на пример, преку климатско-отпорни центри за собирање и складирање на производите, кои ќе бидат стратешки лоцирани и технолошки напредни и кои ќе обезбедуваат целосен опсег на услуги за оценување, сортирање и пакување согласно стандардите за квалитет и испорака на купувачите.

„ Новиот проект за модернизација на земјоделството ќе опфати некои од горенаведените прашања. Со помош на советодавни услуги, споделување знаење и воспоставување на центри за набавка и дистрибуција, проектот ќе има за цел да поттикне модернизација што ќе доведе до подобрени производни практики и со тоа да го зголеми пристапот до домашните и меѓународните пазари“ рече Паолучи.

Министерот за земјоделство Хоџа, посочи дека овој проект содржи огромна развојна компонента за земјоделството, со сериозен позитивен импакт врз вкупната домашна економија.

„ Проектот предвидува неколку компоненти од кои најзначајна за земјоделците е компонентата „Промовирање на конкурентноста во земјоделскиот сектор“, со вкупна вредност од 32 милиони евра, која опфаќа изградба на Земјоделско-прехранбена платформа во Скопје, Откупно-Дистрибутивни Центри за земјоделски производи во Струмица и Ресен и зголемување на пристапот до советодавни услуги, за земјоделските производители и агробизнис секторот“ изјави министерот Хоџа.

Тој додаде дека Земјоделско-прехранбената платформа во Скопје, што ќе го покрие полошкиот и кумановскиот регион, ќе содржи откупно-дистрибутивен центар, современи „суви“ магацини, ладилници со перформанси кои сега не постојат на национално ниво, како и посебен технички центар, кој ќе содржи станица за чистење и дезинфекција на камиони, помошна опрема за пречистителна станица и станица за рециклирање на отпад.

Во рамки на проектот планирана е изградба на фабрика за преработка на нус производи од животинско потекло, со што ќе се исполни уште едно барање во усогласувањето на Република Северна Македонија со ЕУ стандардите и регулативите.

Економија

ЕСМ склучи договор со „Балкан јутилитис“ за набавка на гас за февруари

Објавено пред

„ЕСМ продажба“ потпиша договор за набавка на природен гас за февруари 2023 за свои потреби, како и за потребите на други стопански субјекти во државата со фирмата „Балкан јутилитис“.

dobivaj vesti na viber

Како што информираат од ЕСМ, на јавниот повик, кој беше достапен за сите домашни и странски компании, пристигнале две понуди – фирмата „Актаел“ со понуда од 99,83 eвра/MWh, а фирмата „Балкан јутилитис“ со понуда од 98,71 евра/MWh.

„Понудените цени на гасот од страна на двете фирми ги опфаќаат сите трошоци за набавка на енергентот, како што се закуп на преносни капацитети, разни такси и маржа. Овој факт го потенцираме со цел да се избегнат евентуални шпекулации што би произлегле од цената на гасот на берзите во моментот, но во берзанската цена не се пресметани сите споменати дополнителни трошоци што произлегуваат од набавката, како што се закуп на преносни капацитети, разни такси и маржа.

Со понудувачот, кој имаше понудено пониска цена во моментот на носење на одлуката за избор, во случајот „Балкан јутилитис“, склучен е валиден деловен договор, кој ги содржи сите параметри од јавниот повик, односно количина, цена, динамика и гаранција за испорака“, соопштија од компанијата.

Со оваа набавка, како што појаснуваат, во целост ќе се задоволат потребите од природен гас за производство на топлинска енергија за топланите „Исток“, „Запад“, „Енергетика“ и „Скопје Север“, како и за други потрошувачи на природен гас во Македонија. Граѓаните да бидат сигурни и спокојни дека и во февруари ќе продолжи континуираното снабдување со топлинска енергија, додаваат од ЕСМ.

Јавен повик за набавка на природен гас за март 2023 година ќе биде спроведен во текот на февруари.

Прикажи повеќе...

Економија

Нов салон на „Прима“ во Ѓорче Петров – нов центар за модерен и квалитетен мебел

Објавено пред

Со новиот салон на „Прима“, населбата Ѓорче Петров станува нова дестинација за модерен и квалитетен мебел во Скопје и пошироко.

dobivaj vesti na viber

Познавајќи ја досегашната работа на „Прима“ како најголем производител на мебел на овие простори, новиот салон ќе биде место во кое се прикажуваат сите новитети во делот на нивниот оригинално дизајниран мебел, како и сите вредности кон кои се стремат во „Прима“: извонреден квалитет, модуларност, модерен дизајн, како и ред други услуги, со што се блиску до сите оние што сакаат модерен, едноставен и практичен начин на уредување на домот.

„Прима“ во своето портфолио нуди мебел за секоја просторија во домот: претсобје, дневен престој, трпезарии, кујни, детски и спални соби, како и целосна програма за спиење, со што, според зборовите на менаџерскиот тим, ја покажува својата цел да им излезе во пресрет на потребите и желбите на своите купувачи, особено на оние од помладата популација.

Дополнителна вредност на ребрендираната „Прима“ е најновата услуга што ја нуди, а тоа е дизајнирање на ентериерот, што секој заинтересиран купувач може да ја добие во најблискиот салон добивајќи решенија што одговараат на просторот и индивидуалните идеи на клиентите.

ПР

Прикажи повеќе...

Економија

Во Швајцарија нагло забави извозот на накит, зголемен извозот на часовници

Објавено пред

Трговскиот биланс на Швајцарија за 2022 година покажа четвртина помал суфицит од претходната година бидејќи увозот пораснал многу повеќе од извозот, покажаа денеска податоците на Федералната царинска управа.

dobivaj vesti na viber

Трговскиот суфицит од размената на Швајцарија со светот минатата година изнесувала 43,5 милијарди швајцарски франци (47,3 милијарди долари) и бил 25,6 отсто помал од 2021 година.

Извозот реално пораснал само 0,1 отсто по скокот од 9,5 отсто во 2021 година.

Номинално, извозот е зголемен 7,2 отсто, поддржан од постојано зголемување на цените, а увозот дури 16,8 отсто, покажуваат податоците на Царинската управа. Послабиот раст на извозот во 2022 година во голема мера го одразува падот на извозот на возила од 6,9 проценти. Намалени се и испораките на хемикалии и лекови, и тоа 4,4 отсто.

Растот на извозот на накит нагло забави, на 21,3 отсто, од 38 отсто во претходната година, што значително се одрази на вкупните извозни резултати во 2022 година.

Во последните три месеци од минатата година вкупниот трговски суфицит е намален 11,3 отсто во однос на претходните три месеци и се лизна на 7,1 милијарди франци. Истовремено, извозот е намален реално 1,8 отсто, а увозот 0,4 отсто.

На самиот крај на годината закрепна извозот и бележи пораст од 5,7 отсто во однос на ноември кога бележи пад од 2,7 отсто. Увозот, пак, е зголемен за првпат по три месеци и е за 0,3 отсто поголем во однос на ноември.

Извозот на часовници скокна 5,8 отсто на годишно ниво во декември и ја скрши границата од две милијарди франци, што никогаш претходно не се случило на крајот на годината, покажаа податоците од Швајцарската асоцијација за индустрија на часовници.

Во 2022 година Швајцарија извезла часовници во вредност од 24,8 милијарди франци, што е 11,4 отсто повеќе од претходната година, објави здружението.

Прикажи повеќе...

Најново

Регион7 часа

Курти: На Косово нема српски општини

Косовскиот премиер Албин Курти денеска изјави дека на Косово нема српски општини и дека договорот за формирање Заедница на српски...

Свет8 часа

Претседателот на Израел ја повика ЕУ да го искорени антисемитизмот

Израелскиот претседател Исак Херцог изјави денеска дека антисемитизмот е во пораст во западниот свет и апелираше до Европската унија да...

Македонија11 часа

Градоначалникот на Крива Паланка, кој удри полицаец, заработи прекршочна пријава

Случајот со боксовите од градоначалникот на Крива Паланка, Сашо Митовски, кон полицаецот Кристофер Стоевски стигна и на седницата за пратенички...

Македонија14 часа

Мицкоски: За да останат на власт, отстапија и прифатија сè, невозможно ќе биде да се исправат нивните грешки

Претседателот на ВМРО-ДПМНЕ, Христијан Мицкоски, изјави дека тоа што се случува со Бугарија е нешто за што како партија предупредувале...

Македонија14 часа

„Повлекувањето на амбасадорот во Софија е неосновано“ – Османи смета дека Бугарија потклекнува на провокации

Бујар Османи, министер за надворешни работи, изрази жалење оти Бугарија го повлече амбасадорот во Македонија, Ангел Ангелов. Смета дека тоа...

Култура15 часа

Арсовска: Со ревизија откриени 250 незаконски договори во МКЦ, шанкери добивале 750 евра месечно

Лаги и манипулации се обвинувањата за директорската смена и за кратењето на буџетот на Младинскиот културен центар (МКЦ), вели градоначалничката...

Македонија16 часа

ЦУК: Стабилна е состојбата со излевањето на Вардар во Зелениково и во Велешко, но опасноста не е надмината

Состојбата во Зелениково и во Велешко е стабилна и излевањето на реката Вардар е стопирано, информираа утрово од Центарот за...

Топ16 часа

Скопјанец викнал жена на кафе и почнал да ја допира, го одбила, па ја истепал и ја заклучил

Против 60-годишен скопјанец Основното јавно обвинителство Скопје поведе постапка за кривични дела тешка телесна повреда од член 131 став 1...

Регион17 часа

Лајчак: Во Приштина согласност за спроведување на сите договори со Белград

Специјалниот претставник на Европската Унија за дијалог меѓу Белград и Приштина, Мирослав Лајчак, по вчерашната ненајавена посета на Приштина, соопшти...

Македонија17 часа

Милков: Не можеме да го прифатиме наративот дека Пендиков бил дилер

Бугарија ќе ги преземе сите мерки за случајот со Пендиков и тие се веќе во тек. Ова за БТВ го...

Свет17 часа

(Видео) Зеленски: Немам интерес да се сретнам со Путин, тој е никој за мене

Украинскиот претседател Володимир Зеленски за „Скај њуз“ изјави дека не е заинтересиран да се сретне со Владимир Путин за мировни...

Македонија18 часа

ВМРО-ДПМНЕ: Попусливоста кон Бугарија поттикната поради штитење на криминалот на Ковачевски и Ахмети донесе нова блокада

Попусливоста кон Бугарија поттикната поради штитење на криминалот на Ковачевски и Ахмети донесоа нова блокада, прифатија сè што бараше Бугарија,...

Свет18 часа

Путин: Ние сме гарант на уставниот поредок на Австрија

Рускиот претседател Владимир Путин денеска изјави дека американските трупи во Германија сè уште се окупаторски сили и во правна смисла...

Свет18 часа

Американски генерал: Најновото оружје што Украина ќе го добие од САД ќе предизвика паника во руските редови

Пензионираниот американски генерал-полковник Бен Хоџис во средата изјави дека оружјето што САД наводно набргу ќе ѝ го обезбедат на Украина...

Свет19 часа

Канаѓанка се обидела да го отруе Трамп: Ги уништуваш САД и ги водиш до катастрофа

Паскале Сесил Вероник Фериер, жена со француско и канадско државјанство, денеска се изјасни за виновна за испраќање писма со отров...

Свет19 часа

Најмалку 54 лица загинаа во експлозија на бомба во Нигерија

Најмалку 54 лица загинаа во експлозија на бомба во централна Нигерија, а многу други се повредени, изјави владин претставник. Инцидентот...

Македонија1 ден

Бугарија го повлече амбасадорот и ги замрзнува сите меѓудржавни проекти со Македонија

Бугарскиот амбасадор во Македонија, Ангел Ангелов останува во Софија се’ додека, според бугарските власти, не се случи вистинска промена, а...

Македонија1 ден

МНР: Безбедносните органи да донесат одлука за ограничување на пристапот на Џамбаски

Министерството за надворешни работи реагираше со осуда за изјавите на европратеникот Џамбаски за што по дипломатски пат го известува и...

Топ1 ден

Пензионер почина по удар од автомобил во Куманово – возачот побегнал, па бил пронајден

Седумдесетгодишник од Куманово почина во сообраќајна несреќа. Според информациите од полицијата, тој управувајќи велосипед бил прегазен од автомобил чијшто возач...

Македонија1 ден

Уставниот суд ја укина одлуката за спорниот ДУП во Центар кој ги опфаќа и парцелите на Водно

Уставниот суд на денешната седница одлучи да ја укине Одлуката со која на 18 јули 2014-та година Советот на општина...