Контакт

Економија

540 компании првпат аплицирале на јавниот повик на Фондот за иновации

Објавено пред

Од 706 пријавени на јавниот повик за кофинансирани грантови за технолошки развој за забрзан економски раст, дури 540 се компании што аплицираат првпат на некој од јавните повици на ФИТР, а 207 се стартап-компании, покажува првичната анализа на Фондот за иновации и технолошки развој.

„Се гордеам што и во време на глобална пандемија добивме рекорден број доставени апликации во однос на кој било досегашен јавен повик што го спроведува ФИТР. Тоа што 540 од нив аплицираат првпат, а компаниите се подготвени да инвестираат околу 27 милиони евра, покажува дека ја постигнуваме целта, во ФИТР да гледаат партнер од доверба при реализирање на иновативните решенија и можностите да се справат со предизвиците со кои се соочуваат“, изјави Коста Петров, директор на Фондот за иновации и технолошки развој на денешната презентација.

Тој додаде дека еден од главните фокуси на ФИТР е позиционирањето на Северна Македонија како регионален стартап-хаб и затоа охрабрува што од вкупниот број аплицирани, 207 се стартап-компании.

Анализата покажува дека во однос на стартап-апликантите, 171 од нив се со старост до 3 години, а 105 работат до 6 години.

Вкупиот обем на инвестиции од предлог-проектите изнесува 63 милиони евра, од кои речиси 27 милиони би биле влог на компаниите, а од ФИТР побаруваат 36 милиони евра.

На јавниот повик, кој е наменет за поддршка на домашните компании да создадат услови за надминување на последиците од економската криза, да остварат забрзан раст, да ја зголемат конкурентноста на меѓународните пазари преку воведување нови зелени и дигитални технологии за нивна трансформација, аплицирале 345 микро, 329 мали и 32 средни претпријатија и 76 приватни здраствени установи.

Компаниите се од 18 индустрии, во најголем број од областа на маркетинг, здравство, технолошка индустрија, градежништво и ИТ. Доаѓаат од 29 града, со најдоминантен број на апликации од Скопје, Струмица, Тетово, Битола и од Штип.

Во насока на развој на женското претприемаштво, предност при оценувањето ќе имаат компаниите со жени управители и доаѓаат од разни региони. Тоа е една од причините што има зголемен интерес кај жените претприемачи од сите региони во земјата, па анализите покажуваат дека 45 % компании апликанти со жена сопственик или управител.

ФИТР обезбедува 70 % од буџетот на проектот за микро или мало претпријатие или 60 % за средни претпријатија. Односно 2.500.000 денари за микро, до 5.000.000 денари за мали и до 10.000.000 денари за средни претпријатија.

За компаниите што аплицирале, како што информираат од Фондот, ќе следува процес на примарна селекција на предлог-проектите, во која оценувањето ќе го вршат домашни стручни лица од 22 области на експертиза. Оценувањето се врши врз основа на следните критериуми: технолошки напредок и степен на дигитализација (35 поени), квалитет на проектот (10 поени), капацитет на проектниот тим (10 поени) и влијалние на проектот со по 45 поени. Сите проекти со просечна оценка од над 51 поен одат во втора фаза на оценување.

Во втората фаза проектите ќе ги разгледува Комитетот за одобрување инвестиции, независно тело составено од петмина меѓународни експерти. На нивно барање опционално е предвидена и јавна презентација на предлог-проектите, известуваат од ФИТР.

Економија

(Видео) Заев: Инвестицијата на „М6 Аграр“ и „Тиквеш“ во нови лозови насади на 120 хектари создава услови за производство на квалитетни македонски вина

Објавено пред

Премиерот Зоран Заев присуствуваше на промоцијата на новата инвестиција на компанијата „М6 Аграр“ и Винарската визба „Тиквеш“, кои се дел од Групацијата М6.

На настанот, на кој покрај менаџерите од овие компании, присуствуваа и министерот за земјоделство, шумарство и водостопанство Аријанит Хоџа и Агенцијата за финансиска поддршка во земјоделството и руралниот развој, беше поздравено што во услови на криза предизвикана од пандемијата, „М6 Аграр“ и Винарската визба „Тиквеш“ преку групацијата М6 продолжија со инвестицискиот циклус во нови лозови насади на површина од 120 хектари, на локацијата Бабуна, во близината на Велес.

Најновата инвестиција на „М6 Аграр“ за унапредување на квалитетот на вината на ВВ „Тиквеш“ е вредна речиси 2,5 милиони евра, а дел од средствата се обезбедени со поддршка на ИПАРД-програмата.

„Оваа инвестиција ги потврдува неисцрпните можности на македонското сонце и земја за развој на земјоделството, особено за развој и експанзија на нашето грозје, како и за производство на квалитетни вина. Инвестицијата во нови лозови насади нема да придонесе само за унапредување на квалитетот на вината на ‘Тиквеш’, туку ќе создаде услови и за производство за поголеми количини за освојување на светските пазари. Со овој нов потенцијал, Винарската визба ‘Тиквеш’ со долгогодишната традиција на производството на врвни вина, со присуство на над 25 пазари ширум светот и освоени 130 високи награди на реномирани светски вински натпревари само минатата година, претставува најголем промотор на македонските вина на светската винска сцена. Многу е важно што оваа инвестиција ќе придонесе за понатамошно градење на имиџот на земјата како производител на висококвалитетни вина и за етаблирање на македонската винска индустрија“, нагласи претседателот на Владата на Северна Македонија, Зоран Заев, на настанот.

Новите лозови насади на локацијата Бабуна се дел од повеќегодишна инвестициска програма за унапредување на квалитетот на вината на ВВ „Тиквеш“, во чии рамки досега се инвестирани над 5 милиони евра во подигнување  нови лозови насади и модерна механизација.

„Навистина е многу убаво чувството кога сме сведоци на нечиј развој. Јас сум истовремено и горд, бидејќи ова е заеднички успех како потврда на добрата политика на Владата и добрата соработка помеѓу институциите и приватниот сектор. Преку многу вакви примери, ние застанавме на лидерското место помеѓу земјите кориснички на ИПАРД во однос на степенот на искористеност на ИПАРД 2. Како резултат на добрата искористеност на средствата од Програмата, за првпат во историјата, две години по ред 2019 и 2020 година, а сега и во 2021 година, Република Северна Македонија нема да враќа неискористени средства од програмата“, истакна Аријанит Хоџа, министер за земјоделство, шумарство и водостопанство.

Инвестицискиот план за подигнување нови лозови насади предвидува во текот на 2022 година да се вложат дополнителни 3,3 милиони евра и да биде опфатена површина од нови 180 хектари, а овој тип инвестиции во земјоделството ги задоволуваат сите критериуми за поддршка од ИПАРД-програмата за развој на аграрот и руралниот развој.

„До денеска, преку ИПАРД 2-инструментот склучени се 1.723 договори со вкупна поддршка од 51 милиони евра. Агенцијата беше и ќе продолжи да биде најголем партнер на земјоделците и компаниите и двигател на растот и развојот на земјоделското производство и руралниот развој. Признание дека сме на добар пат и дека сме лидери во искористеност на средствата во регионот добивме и од ‘ДГ Агри’ на ЕУ, а веќе во ИПАРД 3-програмата која треба да ја започне со имплементација во 2022 година очекуваме многу поголем буџет од оној што го имавме во претходниот период“, изјави Никица Бачовски, директор на Агенцијата за финансиска поддршка во земјоделството и руралниот развој.

Во своето обраќање на настанот претседателот на управниот одбор на ВВ „Тиквеш“ и партнер во Групацијата М6 Светозар Јаневски говореше за јасната визија за создавање врвни вина и развој на винска индустрија.

„И во овие услови на пандемија компанијата продолжи со инвестициите во нови лозови насади, модерна технологија и развој на човечките ресурси за понатамошно унапредување на квалитетот на вината на ‘Тиквеш’, нивно позиционирање на странските пазари и поголема промоција на македонските вина воопшто. Задоволни сме и благодарни за поддршката што ја обезбедуваат Владата, ресорното министерство и ЕУ фондовите за овој сектор, а во тие рамки и за ‘Тиквеш’ како двигател на развојот на македонската винска индустрија“, истакна претседателот на управниот одбор на ВВ „Тиквеш“ и партнер во Групацијата М6, Светозар Јаневски.

Прикажи повеќе...

Економија

Oд полноќ се намалува цената на еуросупер БС-95 и на мазутот

Објавено пред

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати во просек за 0,51 % во однос на одлуката од 10.5.2021 година.

Малопродажната цена на бензинот еуросупер БС-95 есе намалува за 0,50 денар/литар. Малопродажните цени на бензинот еуросупер БС-98, еуродизел (Д-Е V) и на екстра лесното масло за домаќинство (ЕЛ-1) не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 10.5.2021 година.

Малопродажната цена на мазутот М-1 НС се намалува за 0,647 ден/кг и сега ќе изнесува 34,596 ден/кг.

Од 18.5.2021 година од 00:01 часот максималните цени на нафтените деривати ќе изнесуваат:

Моторен бензин еуросупер БС – 95 68,00 (денари/литар)

Моторен бензин еуросупер БС -98 70,00 (денари/литар)

Дизел гориво еуродизел БС (Д-Е V) 60,00 (денари/литар)

Масло за горење екстра лесно 1 (ЕЛ-1) 59,50 (денари/литар)

Мазут М-1 НС 34,596 (денари/килограм)

Во изминатиот седумдневен период референтните цени на светските берзи во просек бележат намалување кај бензинот за 0,82%, кај дизелот има зголемување за 1,048% и кај екстра лесното масло зголемувањето е за 1,35%, додека кај мазутот има намалување за 1,856%, велат од Регулаторна комисија за енергетика.

Напоменуваат дека ова се максималните цени на нафтените деривати од 00:01 часот на 18.5.2021 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Прикажи повеќе...

Економија

Мицкоски: Поради неспособноста на Владата ќе има пак поскапување на струјата, под итно да го намалат ДДВ од 18% на 5%

Објавено пред

Лидерот на ВМРО-ДПМНЕ, Христијан Мицкоски очекува повторно зголемување на цената на електричната енергија за домаќинствата, поради како што вели слабото работење на енергетските компании во државата. Тој обасни дека пред се станува збор за ЕВН и МЕПСО.

„ Мислам дека неминовно е да имаме зголемување на цената на електричната енергија и во насока на тоа во годината која што е кризна јас би сакал да ги советувам властите да ја намалат основицата, односно да го намалат данокот на додадена вредност наместо 18% да биде 5%, со тоа да го ублажат ценовниот шок кој што ќе следи со евентуалното зголемување на електричната енергија. Ние како пратеничка група, размислуваме да предложиме еден таков закон за Парламентот, за тоа што цениме дека на тој начин ќе бидат растеретени сметките за електрична енергија на граѓаните, но истовремено ќе бидат и растеретени и од бизнис заедницата“, појасни Мицкоски.

Прикажи повеќе...

Најново

Регион9 часа

Лидерите на Западен Балкан со заедничка декларација: Итен почеток на преговорите со Скопје и Тирана

Декларацијата усвоена од лидерите на Процесот „Брдо – Бриони“ на самитот укажува на важноста од брзото проширување на ЕУ за...

Македонија9 часа

Хрватскиот претседател: Членка на ЕУ навлегува во интимниот простор на Северна Македонија

Претседателот на Хрватска, Зоран Милановиќ, најави дека ќе се спротивстави на условите што ги поставува Бугарија за почеток на преговорите...

Македонија9 часа

Заев: Следните парламентарни избори ќе се одржат во 2024 година, нема да има предвремени

Премиерот и претседател на СДСМ, Зоран Заев, изјави дека предвремени парламентарни избори нема да има и дека следните ќе се...

Европа10 часа

ЕМА: Вакцината на „Фајзер“ може да се чува во обичен ладилник до еден месец

Европската агенција за лекови (ЕМА) препорача да се продолжи времето на чување на вакцините на „Фајзер/Бионтек“ на стандардни температури во...

Македонија12 часа

Денеска се регистрирани 27 нови случаи на Ковид-19, починати се 19 лица

Министерството за здравство информира дек во последните 24 часа се направени 1.314 тестирања, а регистрирани се 27 нови случаи на...

Економија15 часа

Oд полноќ се намалува цената на еуросупер БС-95 и на мазутот

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати...

Свет16 часа

Индија почна со дистрибуција на свој лек против коронавирус

Индија почна со дистрибуција на нов, домашен лек за лекување на симптомите од Ковид-19. Властите го одобрија лекот 2-ДГ, кој...

Македонија16 часа

Захариева: Властите во Македонија ќе направат сѐ што можат Бугарите таму да се сѐ помалку

И Европа и ние ќе го следиме пописот во РСМ и очекуваме да се спроведе според сите европски стандарди и...

Свет16 часа

(Видео) Тврдат дека Израел фрлил забранета бомба врз Газа, од која се топи човечко месо

На социјалните мрежи се шири видео со ракетирање на Појасот Газа, за кое се тврди дека е доказ дека Израел...

Свет19 часа

СЗО: Животниот век на работниците загрозен по пандемијата на коронавирусот

Премногу долгото работно време е смртоносно за стотици илјади луѓе во светот и ова е тренд што може да се...

Европа19 часа

Германски виролог предупредува: И следната година ќе мора да се вакцинираме

Шефот на германскиот независен советодавен панел за вакцинација, вирусологот Томас Мертенс, изјави дека е многу веројатно декаи следната година  сите...

Свет19 часа

На повидок нова вакцина – „Санофи“ и „ГСК“ велат дека произведува силен имунолошки одговор

Француската фармацевтска компанија „Санофи“ денеска соопшти дека експерименталната вакцина против Ковид-19, која ја развива заедно со „Глаксо Смит Клајн“ ќе...

Свет20 часа

Израел утрово изврши серија воздушни напади на Газа, висококатници срамнети со земја

Израелските воздушни сили рано утрово извршија серија масовни воздушни напади на повеќе локации во градот Газа. Најновата беше извршена само...

Свет20 часа

Товарен воз со токсични материи излета од шините во САД

Во близина на градот Сибли во американската држава Ајова воз на компанијата „Унион Пацифик“, кој превезувал тенкови и вагони со...

Македонија1 ден

(Видео) Заев: СДСМ останува локомотива за напредокот на македонската држава

Со задоволство сакам да соопштам дека денеска СДСМ одржа успешен 26. Конгрес, а веднаш потоа и прва седница на новоизбраниот...

Македонија1 ден

Лукаревска избрана за заменик-претседателка на СДСМ

Сања Лукаревска е новата заменик-претседателка на СДСМ, беше одлучено на денешниот 26. Конгрес на партијата. Таа беше изгласана со 682...

Свет2 дена

Нетанјаху со благодарност до земјите кои го поддржале Израел, меѓу нив и Македонија

Израелскиот премиер, Бенјамин Нетанјаху на социјалните мрежи им се заблагодари на владите на голем број земји во светот за, како...

Македонија2 дена

Регистрирани се 62 нови случаи на Ковид-19, починати се 14 лица

Министерството за здравство информира дека во последните 24 часа се направени 2.557 тестирања, а регистрирани се 62 нови случаи на...

Свет2 дена

(Видео)10 годишно девојче во урнатините на Газа, низ солзи вели: Не можам да го трпам ова, јас сум само дете

Жестоките напади меѓу Израел и Хамас се најтешки за луѓето во Газа, каде што луѓето умираат секој ден – претежно...

Свет2 дена

Курц: Целта на истрагата е да ме отстранат од функцијата

Австрискиот канцелар Себастијан Курц оцени дека целта на поднесената пријава против него, поради наводни лажни изјави пред истражниот одбор во...

Досие