Економија
МБИ-10 скокна за 5 насто
Индексот на десетте најликвидни компании во Македонија МБИ-10 денеска скокна за 4,99 насто, постигнувајќи вредност од 3.836,52 индексни поени
Индексот на десетте најликвидни компании во Македонија МБИ-10 денеска скокна за 4,99 насто, постигнувајќи вредност од 3.836,52 индексни поени.
МБИД оствари пораст од 4,06%, а неговата вредност достигна 3.933,68 индексни поени. ОМБ порасна за 0,65%, и со тоа се искачи на ниво од 106,22 индексни поени.
Прометот на македонската берза при тргувањето во средата изнесуваше 59.653.432,52 денари, а 52.103.228,00 денари од тој промет беше остварени со обичните акции.
На официјалниот пазар прометот изнесуваше 44.727.157,52 денари, а се оствари преку 435 трансакции. Редовниот пазар оствари промет од 14.926.275,00 денари кои се остварија преку 160 трансакции.
Убедливо најтргувана акција од официјалниот пазар беше Алкалоид Скопје со промет од 9.672.620,0 денари. Постигната беше просечна цена од 6.418,46 денари, а дневниот пораст изнесуваше 4,93%. Минималната цена на акцијата при тргувањето изнесуваше 6.300,00 денари, а максималната 6.550,00 денари. Истргувани беа вкупно 1.507 акции кои се реализираа преку 63 трансакции.
Гранит Скопје со промет од 6.943.828,00 денари беше втора акција според ликвидност од официјалниот пазар. Просечната цена изнесуваше 1.010,60 денари што значеше дневен пораст од 3,68%. Ценовниот распон се движеше од 990,00 денари до 1.050,00 денари. Истргувани беа 6.871 акции преку 78 трансакции.
Трета хартија од вредност според ликвидност од официјалниот пазар беше државната обврзница за денационализација од осмата емисија со промет од 5.861.810,97 денари. Просечната цена изнесуваше 79,81% од номиналната вредност, што значеше дневен пораст од 1,08%. Истргувани беа 120.060 обврзници.
Од редовниот пазар најтргувана акција со промет од 3.045.186,00 денари беше Прилепска Пиварница Прилеп. Просечната цена изнесуваше 14.927,38 денари, додека на дневно ниво порастот беше 9,99%. Истргувани беа 204 акции преку 19 трансакции.
Втора по ликвидност од редовниот промет беше Тутунска Банка Скопје со промет од 2.798.592,00 денари. Просечната цена изнесуваше 5.444,73 денари при пораст од 6,12%. Истргувани беа 514 акции кои се реализираа преку 20 трансакции. Минималната цена изнесуваше 5.400,00 денари, а максималната изнесуваше 5.643,00 денари.
Охридска Банка Охрид, Сосиете Женерал Груп склучи договор за кредит со Сосиете Женерал, Париз, Франција на износ од 20 милиони евра. Договорот е склучен на период од една година, со можност за обновување по шест месеци. Кредитот е наменет за извршување на редовните активности од работењето на Охридска Банка Охрид.
Од 15.10.2009 година на Македонската Берза АД Скопје ќе може да се тргува со нова обична акција со шифра ТОСГ. Името на друштвото е Треска Осогово АД Крива Паланка, бројот на издадени акции изнесува 5.391, а номиналната вредност е 100 ДЕН. Пет најтргувани хартии од вредност 1. Алкалоид Скопје2. Гранит Скопје3. Р.Македонија – Денационализација 084. Комерцијална Банка Скопје5. Прилепска Пиварница Прилеп Хартии од вредност со најголем пораст 1. Жито Вардар Велес 22,22%2. Хотели Метропол Охрид 19,77%3. Металец Прилеп 19,69%4. Млаз Богданци 13,64%5. Прилепска Пиварница Прилеп 9,99%
Хартии од вредност со најголем пад
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.