Економија
Индексот МБИ-10 загуби 2,8 насто
Индексот на десетте најликвидни акции на македонската берза МБИ-10 на тргувањето во вторник забележа пад од 2,79 насто и се спушти на 3.540,05 индексни поени
Индексот на десетте најликвидни акции на македонската берза МБИ-10 на тргувањето во вторник забележа пад од 2,79 насто и се спушти на 3.540,05 индексни поени.
Индексот МБИД ја намали вредноста за 3,18%, спуштајќи се на 3.700,31 индексни поени, а ОМБ падна за 0,10% позиционирајќи се на ниво од 106,55 индексни поени.
Вкупниот промет на македонската берза за хартии од вредност при тргувањето во вторник изнесуваше 70.613.274,08 денари.
Промет од 49.785.438,08 денари беше остварен со државните обврзници, а остатокот, односно промет од 20.827.836 денари се оствари од купопродажбата на акциите.
Прометот на официјалниот пазар изнесуваше 67.626.841,08 денари при реализирани 205 трансакции.
На редовниот пазар се оствари промет од 2.986.433,00 денари кои се реализираа преку 53 трансакции.
Убедливо најтргувана на официјалниот пазар беше државната обврзница за денационализација од петтата емисија со промет од 48.659.854,30 денари. Просечната цена изнесуваше 82,84% од номиналната вредност, а беше остварен пад на дневно ниво од 0,79%. Истргувани беа вкупно 960.279 обврзници кои се реализираа преку 8 трансакции.
Втора според ликвидност од официјалниот пазар беше Алкалоид Скопје со промет од 7.360.252,00 денари. Просечната цена од 5.786,36 денари значеше намалување од 3,33%. Минималната остварена цена изнесуваше 5.720,00 денари, а максималната 5.850,00 денари. Истргувани беа 1.272 акции кои се реализираа преку 62 трансакции.
Макпетрол Скопје оствари промет од 2.130.709,00 денари. Остварената цена од 48.425,20 денари значеше дневен пад од 0,57%. Истргувани беа 44 акции преку 15 трансакции.
На редовниот пазар најмногу се тргуваше со акцијата на Македонски Телеком Скопје, а прометот изнесуваше 632.700,00 денари. Просечната цена беше 453,87 денари, а падот изнесуваше 1,92%. Истргувани беа 1.394 акции кои се реализираа преку 10 трансакции.
Втора според ликвидност од редовниот пазар беше Стопанска Банка Скопје со промет од 620.350,00 денари. Просечната цена од 349,49 денари оствари драматичен пад од 6,80%. Истргувани беа 1.775 акции преку 13 трансакции. Пет најтргувани хартии од вредност 1. Р.Македонија – Денационализација 052. Алкалоид Скопје3. Макпетрол Скопје4. Топлификација Скопје 5. Комерцијална Банка Скопје Хартии од вредност со најголем пораст 1. ЕМО Охрид 26,67%2. Стопанска Банка Скопје Приоритетни 8,33%3. Адинг Скопје 6,67%4. Тетекс Тетово 1,24%5. Фершпед Скопје 0,55% Хартии од вредност со најголем пад1. ФЗЦ 11 Октомври Куманово 14,51%2. Стопанска Банка Скопје 6,80%3. Прилепска Пиварница Скопје 5,98%4. Винарска визба Тиквеш Скопје 5,53%5. Бетон Скопје 5,06%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.